Naabutan ko si Shey na nakayuko at nakaupo sa may waiting shed sa tapat ng building kung saan naggy-gym si Troy. Nang tawagin ko ang pangalan niya, umangat ang tingin niya at nakita kong umiiyak siya. Gabi na pero dahil sa maliwanag ang ilaw sa waiting shed, nakita ko ng klaro ang mukha niya. Pinark ko sa gilid ng daan ang sasakyan saka dali-daling bumaba para lapitan ang kapatid ko.
"Theo!" Hagulhol niya saka ako niyakap.
"Anong nangyari?" Kumuyom ang kamao ko. Hinubad ko ang suit ko saka sinoot at sinabit sa balikat niya.
"Umuwi na tayo, please. Ayokong maabutan niya tayo rito."
Tumango ako saka siya inalalayan, binuksan ko ang pintuan ng sasakyan at pumasok na siya. Inayos ko ang seatbelt niya bago umikot para makasakay sa driver's seat. Nagdrive na agad ako pauwi sa bahay. Nang makarating na kami sa bahay, hinawakan agad ni Shey ang braso ko. Namumula ang mga mata niya mula sa pag-iyak.
"Huwag mong sabihin kina mommy't daddy, please." Nagmamakaawa niyang sabi.
Bumuntong-hininga ako. "Ayusin mo sarili mo."
Tumango siya at pinunasan ang pisngi. Nauna akong pumasok sa bahay at sinenyasan si Shey nang makitang walang tao sa sala. Tumakbo siya papasok ng bahay hanggang sa umakyat sa stairs papunta sa kwarto niya. Saktong pagka-alis niya ay dumating si mommy. Nagising yata siya.
"Theo, anak, how's the party?"
"Okay naman po, mom."
"Okay. Pumasok ka na sa kwarto mo at magpahinga. May pasok ka pa bukas diba?"
"Opo. Good night, mommy." Ngumiti ako saka hinalikan sa pisngi si mommy.
Umakyat na ako at kakatukin sana sa kwarto si Shey pero binalewala ko na lang at pumasok sa kwarto ko. I loosened my neck tie and folded my sleeves. Chineck ko ang phone ko saka umupo sa kama.
Cleo:
Theo? Sorry, nasa party ka pa yata.
Cleo:
Sorry sa abala.
Napahawak ako sa ulo ko. Nakalimutan ko si Cleo. Sinubukan ko siyang tawagan pero hindi niya sinasagot at nagriring lang. Mag-iisang oras na ang nakalipas nang isend niya ang text na iyon. Pero dahil sa pinuntahan ko ang kapatid ko, hindi ko na siya naalala. Bumuntong hininga ako.
Naghilamos na ako at nagpalit ng damit. Nagbasa muna ako bago matulog. Kapag hindi ako nakakatulog agad, nagbabasa muna ako ng libro pampalipas ng oras at pampawala ng iniisip.
Do you think there is the possibility of you and I? In this lifetime, is that too much to hope for? There is something so delicate about this time, so fragile. And if nothing ever comes of it, at least I have known this feeling, this wonderful sense of optimism. It is something I can always keep close to me - to draw from in my darkest hour like a ray of unspent sunshine. No matter what happens next, I will always be glad to know there is someone like you in the world.
                                                                - Lang Leav
Indeed, this feeling is something I can hold on to. Unang beses ko maramdaman ito sa isang babae. Hindi ko masasabi na si Cleo lang ang magugustuhan ko, maraming pwedeng mangyari. Pero hangga't nararamdaman ko ito para sa kanya, panghahawakan ko.
Kinabukasan, may pasok na ulit sa school. Kahit pa late na ako nakatulog kagabi, nagising pa rin ako sa alarm ng phone ko. Nakapag-ayos na ako at naabutan sina mommy at daddy sa dining na nag-aalmusal.
"Where's Shey?" Tanong ni daddy.
"Puntahan ka lang sa kwarto, dad." Sabi ko.
Bumalik ako sa taas at kinatok sa kwarto si Shey. "Shey, papasok ka ba?" Wala akong narinig na sagot. "Shey, are you awake?" Muli kong kinatok ang pintuan pero walang sagot. "Bubuksan ko ang pintuan." Sabi ko saka dahan dahan binuksan ang pintuan at pumasok sa kwarto niya.
Naabutan ko siyang nakahiga pa rin sa kama at nakabalot ng kumot. Lumapit ako sa kambal ko at umupo sa gilid niya. Tinanggal ko ang kumot na nagtatakip sa kanyang mukha at nakita kong gising naman siya. Diretso ang mga tingin niya sa akin kahit pa halata ang pamamaga ng kanyang mga mata. Gusto ko siyang pagsabihan pero alam kong masasaktan lang lalo siya. Ayokong nakikitang nasasaktan ang kapatid ko.
"Hindi ka papasok?" Tanong ko ulit.
Umiling siya.
"Okay, ako na magsabi kina mommy."
Aalis na sana ako pero hinawakan niya ako sa kamay. Nakaupo pa rin ako sa gilid niya. "Anong gagawin mo kapag nagkita kayo ni Troy sa school?"
Huminga ako ng malalim. "Bakit?"
"Alam ko galit ka pero huwag mo siyang sugurin."
"Sinaktan ka na niya, nag-aalala ka pa rin sa kanya?"
"Sayo ako nag-aalala. Ayokong madamay ka. Kasalanan ko naman e, hindi ako nakinig sayo, Theo."
Hinawakan ko siya sa ulo saka ginulo ang buhok. Hinalikan ko siya sa noo gaya ng lagi kong ginagawa noon. Hindi ko na madalas magawa sa kanya ito dahil sa parati niya akong sinisigawan.
"Take a rest."
Iniwan ko na siya sa kwarto at bumalik sa hapag-kainan. Sinabihan ko sina mommy at daddy na masama ang pakiramdam ni Shey at huwag na muna nilang pasukin sa kwarto. Si Kuya Stanley ay maagang umalis para sa restaurant.
Pumasok na ako sa school at nakita ang mga kaibigan ko na nasa room na. Nag-start ang klase na hindi pumasok sina Cleo at Troy. Tinanong ko sa mga girls pero wala raw sinabi ang dalawa. Natapos ang araw na hindi sila pumasok sa mga subjects namin.
"Theo," tawag ni Dale habang magkakasabay kaming naglalakad palayo sa building namin.
"Bakit?"
"Hindi pa rin ba kayo okay ni Troy?"
Kumunot ang noo ko. "Huwag na natin pag-usapan." Sabi ko. Pilit kong tinatago ang inis na nararamdaman ko dahil sinaktan niya ang kapatid ko.
Tinapik ako sa balikat ni Dale. "Sorry, bro."
Dahil sa wala si Troy, hindi na sumabay ang girls sa parking. Kapag kasi pauwi at walang pupuntahan sina Dean at Troy, sumasabay ang girls at si Dale sa kanila na naka-kotse. Wala naman ako maisasabay maliban sa kapatid ko dahil motor pa rin ang gamit ko.
Tinanguan ko na lang sila at magkasama kami nina Dean at Dale na naglalakad papunta sa parking. Kahit si Dean ay nagtatanong na tungkol sa pag-iwas ko kay Troy pero hindi ko na pinapalaki. Ayokong sabihin sa kanila ang ginawa ni Troy sa kapatid ko. Labas naman sila sa gulo na 'to.
Habang naglalakad kami, nadaanan namin sina Clint at Zed. Nagtanguan lang kami sa kanila at nilagpasan na lang. Kumusta kaya si Cleo? Hindi siya nagreply sa akin kagabi at hindi rin niya sinagot ang tawag ko. Sinubukan ko rin siya itext kaninang umaga pero wala ring reply.
"Bakit kaya hindi ulit pumasok si Cleo, ano? Simula nang maging sila ni Zed, nagagawa na niyang hindi pumasok. Alam kaya ng kuya niya?" Tanong ni Dean.
"Baka alam naman, magkasama sila sa bahay e." Sagot ni Dale.
"Bro, hindi porke magkasama sa bahay alam mo na lahat ng nangyayari sa kapatid mo. Ikaw, Theo, alam mo ba lahat ng kilos ng kakambal mo?"
"Hindi," umiling ako.
"See?"
"Mauna na ako." Nakipag-apir ako sa kanilang dalawa at humiwalay na. Si Dale ay sasabay kay Dean pauwi tutal ay magkalapit lang din bahay nila.
Umuwi na ako at hindi nakita sina mommy at daddy. Dumiretso ako sa taas at kinatok si Shey sa kwarto.
"Shey!" Tawag ko.
"Bakit?" Tanong niya pagkabukas ng pintuan.
"Pumasok ka na bukas."
"Papasok naman na talaga ako bukas. Hindi ko naman hahayaan nung lalaking iyon sirain pag-aaral ko."
"Good, then."
"Hm, Theo?"
"What?"
"Nagkita ba kayo ni Troy? I mean, for sure kasi magkaklase kayo, pero nagkausap ba kayo?"
"Hindi siya pumasok ngayon." Sabi ko.
"Okay." Aniya saka pinagsarhan na ako ng pintuan.
Pumasok na ako sa kwarto ko at nagpalit ng damit. Hindi ko alam ang buong kwento sa nangyari kina Shey at Troy, pero nambabae siya. Una pa lang hindi na ako payag lalo na't magkaibigan kami ni Troy. Kilala ko siya pagdating sa babae, pero mapilit ang kapatid ko. Pareho silang mapilit.
Sinubukan ko ulit tawagan si Cleo pero ganun pa rin, wala pa ring sagot. Hinayaan ko na lang muna. Baka magkasama na sila ng boyfriend niyang si Zed. Nagtataka lang ako kung bakit ganun ang text niya kahapon. Nag-away kaya sila ni Zed?
Kinabukasan, hindi pa rin pumasok si Cleo, pero si Troy bumalik na. Kinakausap niya ako gaya ng dati pero tipid pa rin ako sa pakikipag-usap sa kanya. Bakit parang wala siyang ginawang kasalanan sa kapatid ko?
"Napano kaya si Cleo?" Nag-aalalang tanong ni Lyra.
"Wala bang sinabi sayo, Theo?" Tanong ni Hazel.
Umiling ako. "Hindi niya sinasagot ang tawag ko."
"Ano kayang nangyari?"
"Actually, nung Sunday tinext niya ako. Pero kinailangan ako ng kapatid ko kaya hindi ko siya napuntahan." Sabi ko.
"I really think something's going on between them." Ani Dean.
"Anong ibig mong sabihin?" Tanong ni Lyra.
"Wala naman. Hindi n'yo ba napapansin, simula nang maging sila ni Cleo at Zed, nagagawa ng mag-absent ni Cleo?"
Napailing na lang ako sa sinabi ni Dean. Pero hindi malabo ang pinupunto niya.
"Gusto n'yo bang puntahan siya mamaya?" Tanong ni Celine.
"I would love to pero may date ako e." Nakangising sabi ni Dean.
"Hindi rin ako pwede." Sabi ni Troy.
"Ako rin," sabi ni Dale.
"Ikaw, Theo?"
Umiling ako. "May kailangan din ako gawin mamaya."
"Iniiwasan mo na ba si Cleo?" Medyo inis na tanong ni Hazel.
"Hindi. Nag-aalala rin ako, pero baka ayaw din muna niya akong makausap." Sabi ko. Saka mas importante na makausap ko si Troy dahil sinaktan niya ang kapatid ko.
"Hatid ko nalang kayo," sabi ni Dean.
"Okay, it's just us girls." Sabi ni Lyra.
Nang matapos ang klase, binulungan ko agad si Troy na mag-usap kami sa parking. Alam kong wala pa si Shey niyan dahil 30 minutes pa matatapos ang klase niya. Walang pansin ang mga kasama namin, akala lang nila maayos na kami ni Troy. Nang makaalis na sila para ihatid ni Dean ang girls kina Cleo, hinarap ko agad si Troy. Kinuwelyuhan ko siya at nabigla siya sa reaksyon ko.
"Theo?"
"Hindi ba pinagsabihan na kita layuan ang kapatid ko?" Tanong ko.
"Theo, anong problema?"
Kumunot ang noo ko at mas lalong nainis sa pagmamang-maangan niya. "Nakita ka ni Shey may kasamang ibang babae."
"What? Kailan?"
Kumuyom ang kamao ko pero hindi ko siya magawang suntukin. Hindi ko kayang manakit. Kalalaki kong tao pero hindi ko kayang manuntok ng kapwa ko. Kahit pa sinaktan niya ang kapatid ko, hindi ko kayang idaan sa suntukan.
"Don't lie to me, Troy. Pinagsabihan na kita, kung hindi ka seryoso sa kapatid ko, layuan mo siya."
"Theo, seryoso ako sa kapatid mo. Hindi ko sisirain pagkakaibigan natin para lang sa babae. Saka bro, sabihin mo sa akin kailan ako nakita ni Shey may kasamang ibang babae? Kaya ba hindi niya ako nirereplyan sa text magmula kahapon?"
Hindi ko alam pero medyo kumalma ako at napapaniwala na walang alam si Troy. Binitawan ko na siya at pinakalma ang sarili ko. Inayos ko ang salamin na soot ko at tinitigan ng diretso sa mata si Troy.
"Hindi ako sumama sa girls ngayon dahil balak ko puntahan si Shey at tanungin bakit hindi niya ako pinapansin." Dagdag pa niya.
Bumuntong hininga ako. "Nung Sunday, kung saan ka naggy-gym, tinext ako ni Shey na nakita ka niyang may ibang babae."
"What?" Medyo napangiti siya.
"Anong masaya?" Nainis ulit ako.
"Si Sunshine ang nakita niya, bro! Pinsan ko 'yon! Nagpatulong siya mag-enroll under sa gym instructor ko. Maybe she saw me kind of sweet to Sunshine. Ganun lang talaga kami, sweet ako sa lahat ng pinsan kong babae. Bro, I'm serious with your twin sister."
Medyo nakahinga ako ng maluwag pero hindi pa rin ako naniniwala sa kanya. Pwedeng dahilan lang niya pero hindi naman siguro aabot sa puntong magsisinungaling si Troy para lang makalusot at saktan ang kapatid ko.
"Layuan mo ang kapatid ko. Ayokong nakikitang nasasaktan siya saka hindi pa siya pwedeng magpaligaw. Kung talagang seryoso ka sa kapatid ko, maghintay ka."
"Theo, you're both turning 18 on September. Yes, I can wait pero ilang buwan na lang naman saka nanliligaw pa lang ako."
Sinamaan ko siya ng tingin. "Hindi ako nakikipagbiruan, Troy. Layuan mo ang kapatid ko."
"Theo, sorry, sorry kung nasaktan ko ang kapatid mo. Mag-eexplain ako. Kung gusto mo, iharap ko sa inyo si Sunshine. Kung gusto mo ipakilala ko si Shey sa buong family ko."
"Troy!"
"Theo, suportahan mo naman ako sa kapatid mo. Seryoso ako, bro."
Napailing ako. "Umalis ka na. Hintayin mo ang kapatid ko makipag-usap sayo kapag handa na siya."
"Maghihintay ako ngayon."
"Sa tingin mo hahayaan kita makipag-usap sa kapatid ko ngayon?"
"Theo naman! Bro, help me! I explained my side, ngayon ko lang nalaman kung bakit hindi ako pinapansin ni Shey."
Huminga ako ng malalim. "Okay, fine. Pero depende kay Shey kung kakausapin ka niya. Kapag ayaw niya, huwag kang magpumilit, uuwi na kami."
Pumayag si Troy at sabay namin hinintay ang kapatid ko. Nagulat pa si Shey nang makitang magkasama kami ni Troy. Hindi ko alam kung tama ba ang ginawa ko. Sinaktan ni Troy ang kapatid ko, hindi ako sigurado kung totoo ang sinasabi niya. Pero ilang beses niya sinabi na seryoso siya sa kapatid ko. Siguro iyon na muna ang panghahawakan ko.
Hindi rin pumayag si Shey makipag-usap kay Troy kaya umuwi na lang kami. Tahimik sa biyahe si Shey at hindi ako pinapansin hanggang sa makauwi kami.