KABANATA 3
Kasalukuyang naglilibot si Rin at Owen sa pamilihan. Maraming tao ang kanilang nakakasalamuha at umaalingawngaw ang ingay kahit saan mang sulok ng bayan.
"Ito pala ay tinatawag na White Pimbra. Ang ganitong uri ng herbs ay mahirap hanapin dahil tumutubo lamang sila sa mga matatabang lupa at nangangailangan ng maingat na pag-aalaga upang mabuhay."
Sambit ni Owen at ipinakita nito kay Rin ang pambihirang halamang gamot. Ang may-ari ng tindahan ng mga herbs ay nagmamalaki rin ang tingin at ipinakita pa ng malapitan ang White Pimbra.
"Kahit ang mga taong galing sa Noble Clan ay magkakaroon ng interes upang bilhin ito."
Mapagmalaking sambit ng tindero. Ngunit wala siyang nakitang reaksyon sa mukha ng isa sa mga binata.
Ang binatang mayroong itim na buhok at matingkad na berdeng mga mata ay walang ganang tumingin sa pinakamahal na tinda niya.
Ang binatang mayroong Kayumangging buhok naman at itim na mga mata ay makikitaan niya ng sabik na expression.
"Magkano ito Ginoo!"
Agarang sambit ni Owen dahil interesado siya sa mga halamang gamot. Marami siyang magagawa kung bibilhin niya ito.
"Sampung pilak ang halaga!"
Sabik na sambit ng tindero. Kumpyansa siyang bibilhin ang kanyang pambihirang tinda.
"Sampung pilak? wala na bang tawad iyan?"
Nag-iba ang expression ni Owen ng marinig ang presyo ng White Pimbra. Isang piraso lamang ito ngunit ito ay nagkakahalaga na ng sampung pilak!
Dapat malaman na ang isang libong Copper ay nagkakahalaga ng isang Bronze at ang isang libong Bronze ay nagkakahalaga ng isang pilak!.
Ang isang libong pilak naman ay nagkakahalaga ng isang gold coin.
Ayon sa presyo nito ay masyado itong mahal. Makakabili na siya ng maraming uri ng halamang gamot kung nanaisin niya gamit ang sampung pilak.
"Ito ay isang pambihirang halamang gamot bata kaya kung hindi mo kaya ang presyo ay mag-aantay na lamang ako ng taong kayang pantayan ang aking presyo."
Sambit ng tindero at nawala ang interes nito sa dalawang bata.
Ang akala niya ay bibilhin ito agad dahil ang dalawang batang ito ay mukhang galing sa isang marangyang pamilya base narin sa kanilang itsura.
Kaaya-aya ang itsura ng dalawang binata kahit nakasuot pa sila ng ordinaryong damit na lalo pang bumagay sa kanila.
"Tara na Owen ang halamang gamot na iyan ay hindi naman isang pambihira. At base sa aking nakita, iyan na ata ang pinaka pangit na White Pimbra na aking nasaksihan."
Kasuwal na sambit ni Rin bago hilain si Owen na mayroon paring malungkot na expression.
Ang tindero naman ay napaawang ang bibig. Hindi niya inaakalang mamaliitin ang kalidad ng kanyang ibinebentang halamang gamot.
At kung magsalita ang binata na mayroong itim na buhok at matingkad na berdeng mga mata tila ordinaryong herbs lamang ang White Pimbra.
"Sayang ang halamang gamot na iyon Rin! Marami akong maaaring gawin dahil sa pambihirang halaman na iyon."
Malungkot paring saad ni Owen habang tumitingin sila sa iba pang paninda sa pamilihan.
"Ang White Pimbra ay isa lamang normal na halamang gamot. Kung gusto mo ay marami akong White Pimbra at iba pang mas magagandang halamang gamot kaysa roon."
Sambit naman ni Rin na siyang nagpatigil sa paglalakad ni Owen. Nanlalaki ang mga matang tinignan ni Owen si Rin at sabik na tinignan ang binata.
"Talaga ba kaibigang Rin!"
Tila kuminang ang mga mata ni Owen at nagagalak itong nagtanong kay Rin.
Si Rin ay tumango lamang at hindi na pinansin pa si Owen at nagpatuloy na lamang siya sa paglalakad.
Marami siyang gamit ngunit lahat ng kanyang mga ari-arian ay nasa kanyang alaga.
Nasa bulsa lahat ni Munting Dark ang kanyang mga gamit at ang pusang itim na ito ay natutulog lamang sa kanyang balikat.
Walang dalang Spacial Ring si Rin. Hindi tulad ng ibang tao na mayroong mga Spacial Ring para sa kanilang lalagyan ng pera at kung ano-ano pang mahahalagang gamit.
Ang kanyang munting pusa ay sapat na. Kahit pa ilang gabundok na kayamanan ay hindi mapupuno ang bulsa nito.
Iyon ang kakayahan ng mga Spacial Cats na matagal nang naglaho sa buong Kontinente.
__
Ilang oras nang naglilibot sa malawak na pamilihan sina Rin at Owen. Ang palubog na araw kanina ay tuluyan nang naglaho at pinalitan na ito ng madilim na kapaligiran.
Nakasindi na ang ilaw sa bawat sulok ng bayan. Kaunti narin ang mga taong naglilibot dahil lumubog na ang araw.
Ang tahimik na gabi ay sinira ng mga kawal na paparating. Ang mga kawal na ito ay nagmamadaling pinapatakbo ang kanilang mga kabayo at ang kanilang bilang ay mga nasa sampu.
Bukod sa sampung kawal makikita rin ang tatlo pang kawal na sugatan at ang mga ito ay wala nang malay.
Nalalapit na sila sa kamatayan at base sa kanilang pinsalang natamo, dulot ito ng isang mabangis na Vicious Beast.
"Tumabi kayo!"
Mabilis na humawi ang mga taong nakaharang sa daanan at ang mga kawal ay agarang nagtungo sa isang gusali.
Ang gusaling ito ay isa sa mga gumagawa ng Pills at Potions. Isa lamang ang gusaling ito sa dose-dosenang nagtitinda ng Pills at Potions dito sa bayan ng Giko.
"Mukhang nakasagupa ng malakas na Vicious Beast ang mga kawal na iyan."
Sambit ni Owen habang pinagmamasdan nila ang pagpasok ng kawal sa gusaling malapit lamang sa kanila.
"Kahit pa makabili sila ng potions kung walang Alchemist na gagamot agad sa kanila paniguradong ilang oras o minuto na lamang ang kanilang itatagal."
Direktang sambit ni Rin dahil isa siyang mahusay na Alchemist alam niya ang kahahantungan ng tatlong kawal na malubha ang pinsala.
Napabuntong hininga na lamang si Owen at agarang hinila ang kamay ni Rin.
"Tara Rin! maganda itong oppurtunidad para sa akin na nagsasanay pa lamang sa larangan ng Alchemya!"
Agad na hinila ni Owen si Rin at nagtungo sila sa loob ng gusali. Ayaw pa sanang sumama ni Rin dahil wala na siyang pakealam sa mga kawal ng bayang ito. Pero gusto niya ring samahan ang kanyang kaibigan.
Pagpasok nila ay nakita nila ang sampung kawal sa loob kabilang na ang tatlong kawal na sugatan at wala nang malay.
Ang isa sa mga kasamahan nila ay pinainom ng pills ang tatlong nilang kasamahan na sugatan.
"Bakit hindi parin naghihilom ang kanilang sugat!"
Tila mabaliw na ang isa sa mga kawal dahil hindi na nito kayang tiisin ang nakikita ng kanyang mga mata.
Ang tatlong kawal ay nagtamo ng malalaking hiwa sa katawan at halos makita na ang lamang loob ng mga ito.
Kahit alam ng iba pang kawal na wala nang pag-asa para isalba sila ay hindi parin sumuko ang mga ito at nagmadaling bumili ng potions para sa kanilang kasamahan.
Hindi nila susukuan ni kahit isang porsyento lamang ang paggaling ng kanilang kasamahan. Gagawin nila ang lahat maisalba lamang sila sa kamatayan.
"Kasalukuyang mayroong ginagamot sa gusaling ito kaya bawal munang pumasok ang mga mamimili."
Hinarangan ng isang kawal sina Rin at kahit pa ma-otoridad ang boses ng kawal kapansin-pansin parin ang kalungkutan sa boses nito.
"Kami ay mga Alchemist at nais naming tumulong sa panggagamot sa inyong kasamahan."
Agad na sambit ni Owen at medyo napalakas ata ang pagkakasabi nito dahil pati ang iba pang kawal sa loob ay napabaling ang attention sa kanila.
Nang makita ng mga kawal ang nagsalita ay tila nawalan sila ng pag-asa. Ang akala nila'y tunay na alchemist ang dumating ngunit dalawang bata lamang pala.
"Mga bata hindi ito ang oras para makipagbiruan kaya maaari bang umalis na lamang kayo."
Tila pagod na sambit ng kawal na nasa kanilang harapan. Ang kawal na ito ay mayroon ding pinsala ngunit hindi ito masyadong malalim.
"Hoyy! mamang kawal. Ayaw mo bang gamutin namin ang kasamahan ninyo. Hindi mo ba alam na kasama ko ngayon ang isang magaling na alchemist!"
Taas noong sambit ni Owen at nagmamalaki pa nitong pinakilala si Rin.
Hindi naman siya nagsisinungaling dahil bukod sa kanyang guro ay si Rin ang isa pang iniidolo niya sa larangan ng Alchemya. Kilala niya ang binata mula noong mga bata pa sila kaya alam niya na mahusay ito sa panggagamot.
"Umalis na kayo habang nakakapagpigil pa ako..."
Lumabas ang nakakatakot na awra ng kawal na nasa kanilang harapan. Tila nagsasabing kapag hindi pa sila umalis ay baka mayroon itong masamang magagawa.
Ngunit ang ikinabigla ng kawal ay walang epekto ang kanyang awra sa mga binatang nasa kanyang harapan. Tila walang pakialam ang mga ito at ipinagsawalang bahala lamang siya.
Labis niya itong ikinagulat dahil kahit siya ay sugatan at nanghihina hindi parin dapat siya maliitin lalo na at mga binata pa lamang ang nasa kanyang harapan na mga nasa labing anim na taong gulang.
"Rin! ohh! tinatakot ako."
Sumbong ni Owen nang tumingin sa kanya ang kawal. Naramdaman din niya ang awrang nilalabas nito na tila tinatakot siya kaya para itong batang nagsumbong sa kanyang kaibigan.
Si Rin naman ay walang emosyong pinagmasdan ang kawal na nasa kanilang harapan.
Maaaring wala siyang pakialam ngunit ang kawal na ito ay tila minamaliit sila at tinatakot gayong nais nanga nilang tulungan ang kasamahan nito.
"Tabi"
Mahinang usal ni Rin na siyang nagpapantig sa tenga ng kawal na nasa kanilang harapan.
"Hoyy! bata! inuutusan mo ba akong tumabi?"
Tila nagpantig ang tenga ng kawal at handa na sana nitong paalisin ang dalawa ngunit nagulat siya sa sumunod na nangyari.
Inilabas ni Rin ang isang itim na Medalyon na mayroong dalawang star na nakaimprinta rito.
Ito ang simbolo ng isang Two Star Master Alchemist!
Tila natakasan ng kulay ang kawal na nasa kanilang harapan at pati narin ang mga kawal sa loob at ang tindero ay tinakasan na din ata ng dugo ng makita nila ang simbolo ng isang Two Star Master Alchemist.
"Ri--Rin.... iyan ba ang..."
Maging si Owen ay natigilan din dahil alam niya kung sino ang may-ari ng medalyon na iyon.
Iyon ang iniingatang medalyon ng kanyang guro!
Paano ito nakuha ni Rin!
Ngumiti lamang ng matamis si Rin at kasual na naglakad sa loob ng gusali. Patungo siya ngayon sa kama kung nasaan ang mga walang malay na kawal.
"Owen ikaw na ang bahalang manggamot sa mga kawal na ito. Hindi naman ganoong kahirap gamutin ang kanilang sugat kaya aabutin kalang naman siguro ng isang oras. Hindi ba?"
Tila ma-otoridad na boses ni Rin at naupo sa isa sa mga upuan sa loob ng gusali. Habang si Owen naman ay nakabawi na sa pagkagulat at sabik na sinimulang suriin ang pinsala ng kanyang bagong mga pasyente.