Dumaan ang mga araw at tahimik ang buhay opisina ni Aebriel. Ang report tungkol sa sales ng nakalipas na isang taon ay inako na ni Zuri dahil assistant manager naman siya nito. Laking pasasalamat nalang niya sa kaibigan dahil sinalo niya ang responsibilidad na dapat ay siya ang gumawa. Lingid sa kaalaman ni Aebriel na alam na pala ng kaibigan ang ginawang pagpapahiya sakanya ng bagong presidente kaya siya nagkusang mag report.
"Lunch na tayo" yaya ni Zuri sakanya
"Teka tapusin ko lang saglit to" tinignan ng kaibigan kung anong pinagkaka abalahan niya
"What the ef?" gulat na bulalas nito
"What?" balik tanong niya pero hindi pa rin tumitingin sa kaibigan
"Bakit ka gumagawa ng resignation letter?"
"kase mag reresign na ko?" patanong niyang sagot
"nababaliw ka na ba?"
"mas mababaliw ako Zuri pag nag stay pa ko dito" sa pagkakataong ito ay hinarap na niya ang kaibigan. "I'm sorry kung hindi ko masabi ang totoong rason"
"Alam ko" sagot ni Zuri sakanya. Napatanga siya dahil sa sinabi ng kaibigan, alam niya? Paano? Nakita niyang tumingin muna ang kaibigan sa loob ng department nila at ng makitang sila nalang ang tao ay hinila nito ang upuan at nilipat sa harap niya. "Alam ko na ang bagong presidente natin ngayon ay ang lalaking matagal mo ng hinihintay"
Natahimik si Aebriel sa sinabi ng kaibigan. Nagpapasalamat nalang siya dahil hindi na niya nararamdaman na maiiyak siya. Siguro naubos na ang luha niya.
"Paano mo nalaman?" tanong niya dito
"remember nung time na lasing na lasing ka din at natulog ka sa bahay? aksidente kong nakita sa wallet mo noon yung litrato niya" pag amin nito sakanya. "noong una hindi ko siya namukhaan pero nung makita ko yung mukha mo mula makita mo siya doon ko naalala yung larawan niya"
Bumuntong hininga siya bago ngumiti sa kaibigan.
"Kaya mo naman pumalit sa pwesto ko diba?" sa halip ay tanong niya sa kaibigan
"Hindi at hindi ka aalis. Kung aalis ka mas ipapakita mo lang sakanya na apektado ka pa sa presensiya niya. Girl you need to prove him na wala na siya sayo, na naka move on ka na" saad ni Zuri
"Zuri"
"Aebriel hindi ka mag reresign at kung kinakailangan na samahan kita para maipamukha sa lalaking yun na naka move on ka na sakanya e kaya kong maghanap ng mga lalaking irereto sayo" umiikot pa ang mata na sabi nito
Natawa nalang siya sa kaibigan at hindi na sumagot dahil alam niyang hindi naman magpapatalo ito sakanya. Bahala na kung ano man ang maging desisyon niya. Inakay na niya ang kaibigan at lumabas ng opisina upang magtungo sa cafeteria.
***
"Are you sure you want to eat here in cafeteria, sir?" tanong ng sekretaryo ni Gabriel sakanya na si Hector. "It's crowded here" paalala pa nito
Tumingin ito sa loob ng cafeteria at tama nga si Hector dahil punong puno ito. Sa nakikita ay naalala niya ang panahon noong high school at kolehiyo pa lamang siya. Ganitong-ganito noon, punuan ang lamesa at unahan sa oras ng break sa canteen. Lagi siyang nauuna noon para makakuha ng lamesa na sakto para sakanilang tatlo nina Aebriel at Kev, minsan ay nakikisama sakanila ang kapatid niyang si Heizy dahil may gusto ito kay Kev.
"Sir" bumalik ang isip niya sa kasalukuyan dahil sa boses ni Hector. "We can take deliveries for your lunch sir" sabi nito sakanya
"No. Ayos lang, umorder ka nalang diyan at ipunta mo sa office ko" sagot nito at nagsimulang maglakad upang bumalik sa office.
Hindi pa man siya nakakalayo ay nakita niyang makakasalubong niya si Aebriel kasama ang kaibigan nito na kung hindi siya nagkakamali ay Azuri Paredes ang pangalan. Nagka salubong ang mata nila ni Aebriel ngunit bigla din nag iwas ng tingin ang dalaga. Natuon naman ang atensiyon niya sa kaibigan nito na ngayon ay masama ang tingin sakanya. Naalala nanaman nito ang mga sinabi ni Zuri sakanya noong araw na mag report ito ng sales na dapat ay si Aebriel ang gagawa.
FLASHBACK
"Bakit ikaw ang nag rereport niyan, trabaho mo ba yan?" walang emosyon na tanong niya kay Zuri
"Ah uh, kase Mr. President -" hindi natuloy ng dalaga ang sasabihin ng putulin niya ito
"Go back to your department and give that report to your manager and tell her to come here to present that -" sa pagkakataong ito ay ang dalaga naman ang pumutol sa sinasabi niya
"Pinag lalaruan mo ba ang kaibigan ko?" nagulat si Gabriel sa tanong na 'yon ng dalagang nasa harap niya
"Excuse me?"
"Wala ako sa daanan mo kaya wag kang maka excuse excuse sakin. Sorry sa inaasal ko ngayon Mr. President pero parang wala ka naman ata sa hulog para gawin yun sa kaibigan ko" matalas ang dila na sabi nito
Tinaasan niya ito ng kilay at ramdam niya ang init sa tenga niya dahil sa pinaghalong pagkapahiya sa sarili at inis sa babaeng nasa harap niya.
"Ms. Paredes, are you out of your mind?" sa halip ay tanong nito
"Maybe? Dahil sa oras na to kaya kong isugal ang trabaho ko para lang masabi ko sayo kung gaano ka ka-g*go" sigaw nito sakanya. "Anong karapatan mo na ipahiya ng ganon si Aebriel sa harap ng mga kapwa niya managers. Balita ko sinabihan mo din siyang unprofessional. Sa tingin mo ngayon Mr. Tolentino" tinignan siya ng dalaga sa mga mata na puno ng galit "Sino sa inyo ang unprofessional na ginagamit ang trabaho dahil sa personal na issue ng nakaraan? And one more thing, anong karapatan mong magalit sa kaibigan ko kung in a first place ay ikaw tong hindi tumupad sa pangako mo sakanya three years ago?" mahabang litanya ng dalaga
Hinampas ni Gabriel ang lamesa niya at padabog na tumayo.
"Shut up dahil wala kang alam" pigil ang galit na sambit niya
"No. You shut up" ganting sagot ni Zuri at inilapit ang mukha sa binata na nakatunghay sa mesa niya "dahil wala kang alam sa pinagdaanan ng kaibigan ko, dahil sa gag*ng katulad mo"
END OF FLASHBACK
Napapikit si Gabriel dahil sa pag alala sa nangyareng iyon at kung bakit hanggang ngayon ay makapal pa rin ang mukha ng babaeng to na tumuntong sa kumpanya matapos siyang bastusin bilang presidente. Nang makatapat sila sa isat-isa ay para lamang silang normal na empleyado na walang pakialam sa presensiya ng isat-isa.
@justmytaste