MEANWHILE
“Addi, may problema ba ulit? Nagiging madalas na ata 'yang pagiging sad girl mo a?” bungad sa akin ni Isabella nang magkita kami sa cafeteria para mag-lunch. 
“Bella, gusto kong pumunta sa party ni Kelly kaso 'di na pala ako myembro kaya 'di invited.” Tinusok-tusok ko ang aking pagkain gamit ang hawak-hawak kong tinidor. Ni wala akong ganang kumain dahil dito.
“That's your problem? Tss, para sa'n pa at naging magkaibigan tayo? Isa pa, hindi ako makakapunta kaya sinabi ko na kay Kelly na ikaw na lang ang pumalit sa'kin.”
Nanlaki ang mata ko dahil sa sinabi ni Bella. Sa sobrang saya ko ay niyakap ko siya ng sobrang higpit. Ni wala kaming pakialam sa mga estudyanteng naiirita sa ingay na nagagawa namin.
“Nga pala, bakit hindi ka makakapunta?” tanong ko nang kumalma na kaming dalawa. Kulang na lang kasi batohin kami ng lahat.
“May gagawin lang. Basta 'wag ka ng magtanong kung ayaw mong bawiin ko ang invitation,” pananakot niya na ikinatahimik ko. Nahuli ko siyang bahagyang ngumiwi ngunit hindi ko na lamang pinansin. Kilala ko si Bella,kung may problema 'yan ako ang unang makakaalam. I trust her.
“Bye Bella, ingat at salamat ulit!” sigaw ko sa kaibigang papasok na sa kotse. Maglalakad na sana ako paalis nang makaramdam ako ng yakap mula sa kanya.
“Mag-iingat ka palagi, a? Sana makabalik ka na ulit sa pagsasayaw para makasama kita lagi. Mahal na mahal kita, Addi. Pakabait ka,” usal niya na ikinatagpo ng aking kilay.
“Tumigil ka nga, Bella. Parang 'di na tayo magkikita bukas sa inaasta mong 'yan,” paninita ko sa kanya na sinagot niya lamang ng matamis na ngiti at halik sa pisngi.
“Naglalambing lang baka ilibre mo. Bye!” tumatawa niyang sigaw na pabalik na sa kanyang kotse.
“Bukas, kakausapin kita. Humanda ka Bella,” bulong ko sa aking sarili bago nagpakawala ng buntong-hininga at nagsimulang maglakad papunta sa aking kotse.
Bago pa man tuluyang makapasok ay na-istatuwa ako sa aking kinatatayuan. Malapad na ngiti ang aking pinakawalan nang makita ang keychain na pagalaw-galaw sa bawat paglalakad na ginagawa ni Theros.
Oh my ghad! Ginamit niya ang ibigay ko for the first time!
Sigurado akong iyon ang ibinigay ko. Alam ko naman kasing paborito ni Theros ang anime character na si Gin. I can't believe what I'm seeing!
“Salamat, Theros. Pinasaya mo ako ng lubusan sa araw na ito. Ang baby Theros ko, na-notice na rin ako,” mangiyak-ngiyak kong usal habang sinusundan ng tingin ang papalayong si Theros Ishmael Gendive, miloves. Wala siyang pakialam sa lahat ngunit ginamit niya ang regalong ibinigay ko.
So that means, iba ako sa lahat?
FAST FORWARD
SATURDAY
It's Saturday!
Pilit kong tinatawagan si Bella ngunit hindi pa rin siya sumasagot. Kahapon, hindi na maganda ang ikinikilos niya. Gusto ko man siyang tanungin kung may problema ba ngunit lagi nalang niyang inililihis ang usapan.
“Anong nangyayari sa'yo, Bella?” bulong ko sa aking sarili habang hindi mapakali sa pagtingin sa cellphone.
Isinantabi ko na lamang muna ang pagbalewala sa akin ni Bella at nagpatuloy na sa pag-aayos sa aking sarili dahil isang oras mula ngayon ay magsisimula na ang selebrasyon sa mansion ng mga Gendive.
Ilang minuto pa ang nagdaan ay wala pa rin akong natatanggap na tawag o text man lang mula sa kaibigan.
“I knew it. There must be something going on!” Napasapo ako sa aking noo. Hindi ako makakapunta sa party na may ngiti sa labi kung ganito ang inaasta ng kaibigan ko.
Naalerto ako sa biglaang pagtunog ng aking cellphone. Nagmadali akong buksan ito nang makita ang pangalan ng kaibigang may ipinadalang mensahe.
‘Sorry, Addi. Busy lang talaga kaya hindi ko nasasagot ang mga tawag mo. Enjoy the night with your Theros! :>’
Tila ba nabunutan ako ng tinik nang mabasa ang text ni Bella. Ngayon, sinisigurado ko na mae-enjoy ko na ang party ni Kelly!
Nakangiti kong pinupuri ang kagandahan ko sa salamin. Kinulot ko ang dulo ng aking hanggang balikat na buhok. Naglagay ako ng light make up at nakasuot ako ng pulang off shoulder na gown at pulang two inches stilleto heels. Sabi kasi ni Lany kahapon ay 'yon daw 'yong theme. Akala ko nga sasabunutan niya ako kahapon pero ewan tinopak ata at naging mabait.
Wala sila mommy at daddy dahil may business trip sila sa Japan at next week pa ang uwi nila kaya heto ako mag-isang pupunta.
MANSION DE GENDIVE
Late ako ng labing limang minuto dahil masyadong kill joy ang traffic. “Wow, ang bongga,” kumento ko nang tuluyang bumungad sa akin ang mansion nila ni Theros.
Nga naman, bakit ba ako nagugulat? Isa lang naman sila sa kilalang pinakamayaman dito sa Arcadeo. Kumpara sa business namin, mas malaki ang sakop ng sa kanila.
“Invitation?” usisa ng guard na hinihintay ang pagpapakita ko ng nasabing invitation.
“Here.” Ngumiti ako sa kanya at ewan ko't tinignan pa talaga  ako mula ulo hanggang paa. Tila ba nagugulat o nagugulumihan.
Bakit kaya? Ngayon lang kaya siya nakakita ng dyosa?
Char!