Tala Abigail Garcia
Pasado alas dose ng gabi nang napagpasyahan kong lumabas ng kwarto. Tulog na ang mga kasama ko sa bahay, kaya sigurado kong hindi nila ako makikita o maririnig kung lalabas pa ako ng bahay.
May usapan kasi kami ni Riley, boyfriend ko, na pumunta sa kabubukas lang na bar malapit sa village nila. Hindi ko iyon tinanggihan dahil nakita ko sa social media na nandoon din ang buong barkada.
Marahan akong naglakad palabas ng bahay habang pilit na iniipit ang bawat paghinga dahil sa takot na makagawa ng ingay. Ayokong mapagalitan ng hindi 'man lang ako nakalabas... kaya kung papagalitan lang din ako gagawin ko na ang gusto ko.
Wala pang ilang minuto nang tuluyan na akong nakalabas. Maingat ko namang sinarado ang pinto dahil baka ito pa ang maging sanhi ng pagkasira ng lakad ko. At nang tuluyan ko na itong naisara ay nakahinga ako ng maluwag. Level one hundred, success!
Duh, si Tala kaya 'to.
Agad kong iginala ang mata ko sa labas, nakita ko namang naghihintay na sa harap ng bahay namin si Riley dala ang motor niya kaya nagmadali na rin akong lumabas ng gate namin. Hindi ko na iyon masyadong iningatan dahil sigurado akong hindi iyon maririnig sa loob ng bahay.
Malaking ngiti ang sinalubong ko kay Riley at marahang dampi sa kan'yang mga labi. "I love you."
"I love you too, babe!" masigla niyang sabi pabalik.
Sumakay na ako agad sa likod niya bago pa kami maabutan kung sakaling may nagising sa bahay. Mabuti na iyong sigurado at baka mapurnada pa ang party namin.
Makalipas lang ang kinse minutos nakarating na kami agad sa bar na tila nagsisimula pa lang ang kasiyahan. Nakaramdam na ako agad ng excitement dahil sa masiglang tugtog mula sa loob. Hindi na ako makapagpigil.
"Halika na, babe!" agad kong anyaya kay Riley nang nakababa na ako ng kan'yang motor.
At dahil halata sa'kin na hindi na ako makapaghintay ay nauna na akong pumasok sa loob ng bar, alam ko namang susunod rin agad iyon si Riley sa akin dahil... dahil girlfriend niya ako.
Iginala ko ang buong lugar nang nakapasok na ako sa loob. Maliwanag at maaliwalas ang loob ng bar. Napangisi ako. May bago na kaming tatambayan.
Habang nililibot ng mga mata ko ang buong bar tumigil ang atensyon ko sa mga kaibigan kong nagkakasiyahan sa isang malaking table. Malaki ang group of friends ko pagdating sa walwalan. Wala naman kasi akong pinipiling kaibigan, dahil para sa'kin blessing ang mga kaibigan ko.
Lumaki ang ngiti ko bago nakipagsiksikan sa crowd para buong makarating sa table. Lasinggera ako, pero hindi ko hahayaan na masaktan ako ng kahit sino.
Pagkatapos kong lumusong sa umaalong crowd ay agad rin akong natigilan nang may nabangga ako. Nagulat ako nang isa sa mga waitress 'yon at nagkalat ang mga dala niyang beer. Maagap akong umupo at agad siyang tinulungan.
"Sorry," paumanhin ko bago ko pa nakilala kung sino 'yon.
"Okay lang, Tala," sagot lang niya pabalik at saka ngumiti sa akin.
Napangiwi naman ako sa nagawa kong disgrasya. "Babayaran ko na lang 'yan mamaya..." saad ko bago tiningnan ang name tag niya. "Iris," dagdag ko.
She nodded.
"Sige, alis na ako," paalam niya bago ako tinalikuran at tuluyang umalis.
Ngumiti na lang din ako pabalik at sinundan siya ng tingin. Napabuntong-hininga na lang ako bago ibinalik ang tingin sa mga kaibigan ko. Mukhang hindi nila nakita ang nangyari dahil sa nakaharang na table at nakatayong mga tao.
Buti na lang.
Taas noo akong naglakad patungo sa mga kaibigan ko na parang walang nangyari.
Agad naman nila akong binati nang nakita nila akong papalapit na sa kanila. Hindi naman nawala ang ngiti ko dahil na rin sa sayang nararamdaman ko kahit may konting technicalities na nangyari. Maliit na bagay.
Well, si Tala kaya 'to.
"Tala, dito ka umupo," anyaya ni Vera sa tabi niya nang tuluyan na akong nakalapit.
Tumango naman ako at saka umupo sa tabi niya. "Ang ganda ng buong place," namamangha pa rin na komento ko na agad rin nilang sinang-ayunan.
"Mas mapapadalas yata ang labas natin dahil dito," ani Red na kagaya kong sobrang nag-e-enjoy din sa tugtog ng musika.
"Ofcourse!" sigaw ko na hindi pa rin inaalis ang ngiti sa'king mga labi.
Katulad ng ibang bar, nakakalimot ako kahit papaano sa masigla at maingay na lugar katulad nito. This kind of place is my peace...
"Nasaan si Riley?" tanong ni Vera malapit sa tenga ko dahil habang tumatagal mas umiingay ang buong lugar.
Muntik ko nang makalimutan, naiwan ko nga pala siya sa labas kanina. Natigilan ako at bahagyang nagtaka dahil alam kong susunod iyon sa akin.
Ibinaba ko ang beer na hawak-hawak ko at nakaramdam ng kung ano. Ilang minuto na kasi ang lumilipas pero wala pa rin siya dito. Nakakatatlong bote na rin nga yata ako ng beer, kaya siguro hindi ko na rin siya naalala.
"Baka hinahanap tayo. Iniwan ko kasi siya sa labas kanina, akala ko naman susunod agad siya sa'kin," sagot ko na hindi sigurado sa mga sinabi ko. Ayokong sirain ang gabi ng dahil lang sa pagiging possessive girlfriend ko.
Pansin ko ang mga titig sa'kin ni Vera, alam kong naramdaman niya ang pag-aalala ko. Hindi talaga ako magaling na sinungaling.
"Samahan mo ako sa labas puntahan na lang natin."
Hindi na ako nagdalawang-isip pang yayain siya, tutal alam na naman niyang nag-aalala ako. Tumango naman siya bilang sagot kaya agad kaming nagpaalam sa mga kaibigan namin. Wala na naman silang naging tanong kaya mabilis kaming nakaalis doon.
Dumaan muli sa mas dumadaming tao bago kami nakarating sa labasan. Nakalabas din kami agad dahil hindi naman masyadong matao ang daan palabas.
Hindi ko pa naigagala ang mga mata ko nang tumigil ito sa kung saan ko siya iniwan kanina kasama ang kan'yang motor.
Ramdam ko ang paghawak sa'kin ni Vera. Nakita niya na rin siguro ang nakikita ko. Pakiramdam ko ay tumaas ang lahat ng dugo ko papunta sa ulo dahil sa sobrang galit na nararamdaman ko.
Tangina, ahas!
Naghahalikan lang naman sa harapan ko ngayon ang magaling kong boyfriend at ang ahas kong kapatid.
Ikinuyom kong pareho ang kamay ko sa galit. Gusto ko silang saktan pero hindi sa paraan na gusto nila... kun'di sa paraan na gusto ko.
Kaya bago pa nila akong makitang nadudurog, agad kong binawi ang kamay ko kay Vera at saglit na tiningnan ang lalaking nasa tabi lang nilang dalawa.
Matipuno ang kan'yang tindig, na kahit nakatalikod ay masasabi kong hindi na ako lugi sa gagawin ko.
Mabilis akong naglakad papunta doon sa lalaki at saka ito hinawakan sa braso para sana iharap sa'kin nang kusa siyang humarap na ikinagulat ko. Muntik pa ako matumba dahil sa gulat nang bigla niya naman akong hapitin sa bewang papalapit sa kan'ya. Mas lalong namilog ang mga mata ko sa gulat... habang seryoso lang siyang nakatingin diretso sa'king mga mata.
Tiningnan ko rin siyang mabuti. Kinabisado ang bawat detalye ng kan'yang matured ngunit nakakaakit na mukha. Kung hindi ako nagkakamali ay nasa early 30's na ito, pero dahil gwapo siya ay hindi masyadong mahahalata.
Tila unti-unti nang nawawala ang lahat ng nararamdaman ko nang bahagyang bumababa ang tingin ko sa kan'yang mga labi.
Buti na lang tamang tao ang napili ko... dahil kissable lips ang kan'yang mga labi.
Kitang-kita ko ang marahan na pag-awang ng kan'yang mga labi dahil sa sobrang lapit namin sa isa't isa, na dahilan din para mas matakam akong halikan siya. Mabigat akong napalunok habang pinagmamasdan ang mga kan'yang mapupulang labi.
Kaya bago pa niya matapos ang kan'yang sasasabin...
"Hahalikan mo ba---"
...hinalikan ko na siya.
Well, si Tala kaya 'to.