***
"Thanks a lot man," tipid na pasasalamat ni Zavier kay Zeke habang inilalapag ang dalang gamit sa ibabaw ng mahabang sofa. Naroon na siya sa lugar kung saan siya pansamantalang magtatago habang may problema pa siyang kinakaharap. Planado na nilang magkakaibigan ang gagawin niyang pagtatago sa publiko lalo na sa kanyang pamilya. Wala dapat sa kahit na sinong nakakakilala sa kanya maliban sa mga kaibigan kung nasaan siya. Higit sa lahat ay walang dapat makaalam sa mga bago niyang makakasalamuha kung sino siya. He's not Zavier Sevreo Rosi anymore. Bagong buhay at pagkatao ang haharapin niya simula sa araw na tumuntong ang mga paa niya sa lugar na iyon. Alam niyang mahirap dahil maraming bagay ang magbabago sa buhay niya ngunit kung para sa kaligtasan niya ay hindi na siya magrereklamo. So he's going to be the great pretender starting this day.
"I already talked to Zakhi. Nagawa na niyang iaalis ang lahat ng article at website kung saan konektado ang pangalan mo," pagbabalita sa kanya ni Zylien na kababa lang galing sa ikalawang palapag ng bahay. Itinaas pa nito ang sariling cellphone bago iyon binulsa. He felt relieved. Wala na siyang ibang dapat na problemahin patungkol sa bagay na iyon.
"Lahat? So it means kahit ang mga article na kasama ang parents ko even Blue Eagle Empire ay naalis lahat?" paninigurado niya. Marahang tumango si Zylien bago ito tuluyang bumaba at naupo sa mahabang sofa na katabi ng mga gamit niya.
Silang tatlo na lamang ang naroon sa bahay na iyon. Kanina pa nakaalis si Ziax at Zync. Daig niya pa ang may mga bodyguard sa ginawang pagsama sa kanya ng apat.
"Just be careful Zavier. Lalo na at hindi mo kilala ang mga tao rito sa magiging bagong paligid mo," paalala sa kanya ni Zeke. Tinaas lamang niya ang kanang kamay at sumenyas ng thumbs-up.
"Don't worry, I'll be careful."
"You should be. Minsan pa naman yung utak mo nawawala kapag nakakakita ng magagandang babae," dagdag pa nito na ikinatawa ni Zylien. Sinamaan niya ng tingin ang kaibigan habang may pang-aasar pa rin nitong tinawanan siya. Napailing na lamang si Zavier. Sa laban ng asaran pagdating kay Zylien ay alam niyang talo siya lalo na at pikunin siyang tao. At nade-depressed siya sa ugali niyang iyon.
"Sa tingin ko naman ay walang magandang babae sa lugar na'to," ani niya. Nagkatinginan ang dalawa at sabay na tumawa. Mabilis na nagsalubong ang kilay niya dahil sa hindi maintindihang reaksyon ng dalawang kaibigan. Ano na naman kayang trip ng mga ito?
"Sana nga walang maganda sa lugar na'to," ani ni Zylien na makikipag-apir sana kay Zeke ngunit naiwan sa ere ang kamay nito nang taasan ito ng kilay ng huli.
"Anong ibig niyong sabihin?" tanong niya sa dalawa. Nagkatinginan ang mga ito bago nagkibit-balikat.
"Wala. Ang mabuti pa ay intindihin mo na lang ang problema mo." Natatawang ani sa kanya ni Zeke. Hindi na lamang niya inintindi ang kung ano mang inililihim na usapan ng dalawang kaibigan. Tumayo siya nang makarinig ng ingay na nagmumula sa labas ng bahay.
"Dude, mukhang maaga kang magkakaroon ng fangirls sa lugar na 'to," ani Zylien na sumilip pa sa may bintana kung saan tanaw ang pathwalk ng village.
"Fan girls?" takang tanong niya. Sinenyasan siyang lumapit ni Zylien na agad niyang ginawa. Inakbayan pa siya nito bago tinuro ang kumpulan ng mga babae sa labas ng bahay.
"See that? Mga fans mo."
Pinagmasdan ni Zavier ang mga babaeng nakaupo sa gitna ng pathwalk habang ang iba ay nakatayo naman. Maingay nga ang ilan sa mga ito at nagkukwentuhan. Ngunit mabilis na lumipad ang tingin niya sa kung saan nang makita ang isang babaeng palabas mula sa tapat ng bahay na inuupahan. Hindi ito katangkaran tulad ng ibang modelong babaeng nakakasalamuha niya. Morena ang kulay na balat ngunit nang mapatingin siya sa mukha nito ay sumilay ang magandang ngiti ng estrangherang babae.
"I'm inlove." Bulong niya na narinig naman ni Zylien.
"What? You're inlove? Seryoso ka diyan?"
"Sinong inlove?" tanong ni Zeke na lumapit na sa kanila. Itinuro ni Zylien ang natulalang si Zavier.
"Si Zavier? Inlove? Gugunaw muna ang mundo bago mangyari 'yon." Mapang-asar na wika ni Zeke. Nang makabawi mula sa pagkawala sa reyalidad ay tiningnan niya ng masama ang dalawang kaibigan.
"Then don't believe me," sagot niya kaya nagtawanan ang dalawa na nakipag-high five pa sa isa't isa.
"Nice joke, man. Isip ka pa ng magandang biro."
"Mga siraulo," asar niyang wika sa dalawa bago kinuha ang cellphone at lumabas ng bahay.
Nang buksan niya ang gate ay sumalubong kay Zavier ang ilang dalagang nagkukumpulan. Tumayo agad ang mga ito pagkakita sa kanya kung kaya't bahagya niyang iniyuko ang ulo at naglakad patungo sa kinaroroonan ng landlady na bahay.
He was a bit amused when he saw that strange girl.
Dumaan siya sa gilid nito at sinadyang idikit ang braso niya sa dalaga bago tuluyang lumapit sa landlady.
"Riev, iho. May nakalimutan ka ba?" tanong ng matanda sa kanya.
"Ah, oho. Babayaran ko na ho sana ang pang-dalawang buwan kong upa."
"Sigurado ka?"
Tumango si Zavier bago inilabas ang wallet at naglabas ng ilang lilibuhin.
"Five thousand ho tama?"
Tumango ang matanda. Inabot niya rito ang pera bago nagpaalam.
"Salamat ho Aling Merci."
"Sige. Maraming salamat din, Riev."
Pagkatapos makapagpasalamat sa matanda ay tinalikuran na niya ito. Wala na roon ang babaeng nakita kanina lamang sa kinatatayuan nito. Hinanap niya ito sa kumpulan ng ilang dalaga ngunit bigo siyang makita ang babae. Sa huli ay bumalik na lang si Zavier sa bahay na inupahan.
Nag-uusap ang dalawang kaibigan pagpasok niya. Mukhang seryoso ang dalawa dahil hindi siya napansin ng mga ito. Umupo siya sa tabi ni Zeke habang patuloy pa rin ang mga ito sa pinag-uusapan.
"Anong pinag-uusapan niyo?" tanong niya at doon lamang siya napansin ng mga kaibigan. Nilingon siya ni Zeke.
"Ziax called. He and Zync got into a small fight. Well, not a physical one. Pero muntik na silang mag-stay sa kulungan," paliwanag sa kanya ni Zeke.
"Nakipag-away? Paano?"
"May nakasagutan silang lalaki kanina habang pauwi. Nawasak kasi ang bumper ng sasakyang no'ng lalaki. Sila ang sinisisi."
"Then what happened? Hindi naman siguro nakipagbasag-ulo si Zync? Alam mo naman ang isang 'yon, malakas ang topak at mainitin ang ulo," saad niya. Napailing na lang si Zeke sa tinuran niya.
"Anong si Zync? Mabuti na lang talaga at hindi. Lalo na at magkasama sila ni Ziax. Alam naman nating lahat na parehong malakas ang topak ng dalawang 'yon. Kaunting maling galaw lang nagiging kalahi na sila ni Hulk," wika naman ni Zylien.
"Napakalma naman daw nila yung lalaki. In the end nakaalis sila sa lugar na 'to ng maayos." Pagtatapos ni Zeke sa usapan nilang tatlo.
"Oo nga pala, saan ka galing?" Mayamaya ay usisa sa kanya ni Zylien.
"Sa labas," tipid na sagot niya rito. Hindi na nag-usisa pa ang kaibigan. Nagbukas na lamang ng panibagong topic si Zeke. Mamaya pang gabi balak na umuwi ng dalawa sa kadahilanang wala namang importanteng gagawin ang mga ito.
"Anyway, what are your plans while staying here?" tanong ni Zylien sa kanya. Nagkibit-balikat lamang siya.
"I don't know. Alam niyong biglaan ang pagtatago ko."
"Gusto mong mabulok rito sa loob ng bahay na 'to?" dagdag pa ni Zylien.
"Pwede naman. Ano sa tingin mo?" Siniko niya si Zeke na kasalukuyang nakapangalumbaba. Masamang tingin ang pinukol sa kanya ng kaibigan.
"Pwede. Tapos kausapin mong mag-isa ang mga agiw at alikabok sa bahay na 'to tutal mukhang magkakaintindihan kayo."
Sa halip na maasar ay tinatawanan lamang ni Zavier ang sinabi ng kaibigan. Alam niyang nabibiro lang ito kaya hindi niya sineryoso ang sinabi nito. Minsan kasi ay corny magbiro ang kaibigan.
"What if you do a part time job?" suhestiyon ni Zylien. Manghang napatingin siya sa kaibigan. Ano bang pinag-iisip ng isang ito?
"Seriously, man? You want me to do some part time job while I own a multi-millionaire company?" Hindi makapaniwalang bulalas niya. Siya? Si Zavier Sevreo Rosi, a young multi-millonaire ay mag-aapply bilang isang part-timer?
"This is just my suggestion," sagot nito. Mayamaya pa ay tumayo si Zeke at may inabot sa kanya. Kinuha naman niya ang maliit na papel na binigay nito saka binasa ang nakasulat doon.
"University of Saint Anthony?" Nakataas ang papel na tanong niya kay Zeke pagkatapos mabasa ang nakasulat doon.
"Yeah. They're looking for a new school maintenance and a janitor."
Napabulalas ng tawa si Zylien ng marinig ang sinabi ni Zeke. Gusto namang mapapalo sa noo si Zavier dahil doon. Pinagtitripan ba siya ng mga kaibigan? Bakit sa lahat ng trabaho ay iyon pa?
"I'm not trying to crack a joke here," seryosong wika ni Zeke. Itinaas niya ang dalawang kamay bago nagsalita.
"But man, do you think I would be able to do that?"
"Try."
"C'mon. Don't try to persuade me."
Hindi nagsalita si Zeke. Inilabas nito ang cellphone at may kung sinong tinawagan.
"Hello, this is Zeke Dankworth of Dankworth Corporation. Is the janitor position still accessible?.. I see. Thank you. Have a nice day." Pagkatapos ng tawag ay nginisihan siya ni Zeke. Napapikit sa inis si Zavier. Mukhang naisahan na naman siya ng kaibigan.
"You wicked." Asar na saad niya rito.
Napapailing na lang si Zylien sa kinauupuan nito habang nakikinig sa kanilang dalawa.
"Simula bukas magtatrabaho ka na bilang janitor ng university."
"Ang daming trabaho pero bakit 'yon pa?"
"Kung gusto mong maging makatotohanan ang pagpapanggap mo, pwes tanggapin mo ang trabaho."
"But-"
"Look Zavier, ibang buhay ang pansamantalang haharapin mo. Hindi mo maaring gamitin ang apelyidong mayroon ka habang nagtatago sa uncle at pinsan mo. Kailangan mong bumaba mula sa itaas na pinanggalingan mo," paliwanag nito sa kanya. Nakuyom na lamang ni Zavier ang kamao sa inis.
"This is just temporary. And we'll do anything para mahuli ang uncle at pinsan mo sa balak nila sa'yo," dagdag pa nito. Sa huli ay wala ng nagawa si Zavier kundi ang pumayag sa pasya ng kaibigan. Ayaw man niyang sumang-ayon ay wala pa rin siyang ibang pagpipilian. May punto rin kasi ito. Kailangan niyang magpanggap sa harap ng ibang tao. At isa ang trabahong iyon sa magiging pansamantalang buhay niya.
"By the way, lahat ng atm's, susi ng kotse, kotse at kahit mga ibang document mo ay huwag mo munang gamitin. Mabuti nang makasigurado tayo."
"So ibig sabihin, back to zero ako?" tanong niya. Marahang tumango si Zeke bago inilahad ang palad nito sa kanya. Hindi agad niya nakuha ang ginawa nito.
"Anong gagawin ko sa palad mo?"
Binawi na lamang ng kaibigan ang palad nitong nakalahad saka isinuksok ang mga kamay sa magkabilang bulsa nito.
"Nevermind. Oo nga pala, next Friday ang meeting with the board. Aattend ka ba?" tanong nito. Saglit na nag-isip si Zavier bago nagkibit-balikat.
"I'll see."
"Alright. So, good luck with your new life man."
"Good luck talaga."