KUYA'S PROMISE
"Paano ba iyan kuya? May girlfriend ka na pala. Edi hindi mo na ako papansinin niyan?" pang-aasar ko sa kuya ko.
"Huwag kang mag-alala Haily, ikaw pa rin ang prinsesa ni kuya. Wala namang magbabago, okay?" sabi niya sabay yakap sa akin at halik sa noo ko.
"Iwww kuya naman! Ang baho-baho mo!" biro ko sabay kunwaring tulak sa kanya.
Binatukan lang niya ako sabay tawa.
"Aray naman, kuya! May prinsesa bang binabatukan?" Inirapan ko siya pero natawa rin.
Bigla siyang naging seryoso.
"Pero kapag ikaw ang nagkaroon ng boyfriend, siguraduhin mong iyong hindi ka sasaktan ha? Papatayin ko iyong mananakit sa'yo. Kahit sino pa siya," bilin niya sa akin habang turo-turo pa ako.
Grabe talaga itong kuya ko. Super protective and mabait! Pero patay agad?
"Promise?" tanong ko sa kanya.
"Promise!" sabi naman niya.
"Naks naman. Syempre kapag hahanap ako ng lalaking mamahalin ko, iyong katulad niyo ni papa!" nakangiti kong tugon sabay yakap sa kanya.
"Good," saad niya pa at ginulo ang buhok ko.
"Haaay nako kuya sige na! Baka ma-late ka pa sa anniversary date niyo. Umalis ka na!" pagtataboy ko sa kanya habang tulak-tulak siya.
Natatawa naman siyang naglakad palabas ng pinto at nagtanong pa kung gwapo ba siya sa suot niya bago tuluyang umalis. Tumango na lang ako para umalis na siya.
Ini-lock ko na ang gate at pinto bago pumasok sa kwarto ko. Paniguradong gabi na babalik si kuya kaya isinarado ko na ang lahat katulad ng bilin niya dahil may susi naman siya. Kami lang kaseng dalawa sa bahay simula twelve years old ako. Limang taon lang naman ang agwat namin sa isa't isa at simula pagkabata talaga ay malapit kami kaya hindi na ako masyadong malungkot kahit parehong nasa ibang bansa sina mama at papa. Isa pa, tatlong taon na rin naman kaming magkasama nang kami lang dalawa. Sabi nina mama at papa, kapag nakatapos na ako ay pupunta na rin kami sa ibang bansa ni kuya.
Humiga na ako sa kama ko at pumikit. Sana maayos na si kuya at Ate Rea kase ang alam ko ay may problema sila.
•••
Napamulat na lang ako mula sa pagkakatulog nang may marinig akong bumukas ng pintuan sa sala.
Si kuya na siguro iyon. Pero bakit nagdadabog? Hala, baka may problema!
Agad na lang akong tumayo ako at napalabas ng kwarto nang marinig kong may nabasag na kung ano sa sala.
"Kuya!" sabi ko sabay takbo palapit sa kanya nang makitang puro dugo ang paa niya dahil sa basag na vase sa paanan niya.
"H-haily!" Ngumiti siya sa akin nang makita niya ako, "Huwag kang lalapit baka masugatan ka. Ayos lang ako."
Iika-ika siyang umupo sa sofa. Kumuha muna ako ng walis at pansalok pagkatapos ay inalis ang bubog. Lumapit ako sa kanya.
"Kuya, lasing ka ba? Napano ka? Umiiyak ka ba? Ano ba ang problema?" Alala kong tanong sa kanya.
Nagpunas siya ng luha pagkatapos ay tumingin sa akin.
"Niloko nila ako, Haily" iyak niya, "Magbabayad sila!"
"K-kuya..." utal kong sabi nang makita ko siyang maglabas ng kutsilyo.
Sunod-sunod ang mabigat na paghinga niya. Ramdam ko ang sakit sa bawat salitang binibitawan niya.
"Ang sakit," patuloy na pag-iyak niya.
Lumapit ako sa kanya at niyakap siya nang mahigpit, "Kuya ayos lang iyan," Pagpapatahan ko sa kanya.
Niyakap naman niya ako pabalik. Hinawi niya ang buhok ko at iniharap ako sa kanya. Unti-unting lumalapit ang mukha niya sa mukha ko.
"K-kuya..." sabi ko habang dahan-dahan siyang tinutulak pero bigla niya akong hinila palapit sa kanya at hinalikan ako. Mahigpit din ang hawak niya sa mga braso ko.
“Rea...”
"K-kuya h-huwag..." iyak ko pero tila hindi niya ako naririnig.
Tinutulak ko siya at pilit ko siyang pinipigilan pero mas malakas siya. Nagpatuloy lang siya sa ginagawa niya. Nagpatuloy lang ang kuya ko sa panggagahasa sa prinsesa niya.
—
Sumikat muli ang araw ngunit hindi pa rin nawawala ang dilim ng mga pangyayare kagabi. Hubo't hubad pa rin ako, tulala at umiiyak.
Nakayakap pa rin ang kuya ko sa akin. Naramdaman ko siyang gumalaw. Kahit hindi ako nakatingin sa kanya ay ramdam kong idinilat na niya ang mga niya.
Bigla siyang tumayo at tumingin sa akin na tila walang alam sa nangyare. Mabilis siyang lumayo at kita ang pag-aalala sa mga mata niya.
"H-Haily..." nanginginig niyang sabi.
Tumayo siya at patuloy akong pinagmamasdan sa sahig habang ako'y iyak lang nang iyak.
"H-hindi..." umiiling niyang sabi habang lumuluha.
"P-patawad..." iyak niya.
Nakikita kong gusto niya akong hawakan pero nag-aalangan siya. Patuloy lang siya sa pag-iyak habang nakahawak sa ulo niya.
"Kuya!"
Napasigaw na lang ako at humagulgol nang bumagsak si kuya sa paanan ko. Napuno na lang ng dugo ang sahig matapos niyang saksakin ang kanyang dibdib at tuluyan siyang mawalan ng buhay.
Remember kuya's promise?
"Papatayin ko iyong mananakit sa'yo. Kahit sino pa siya."
He kept that.