FORCED SUICIDE
"Detective Schitzer, speaking," bungad ko nang sagutin ang tawag sa telepono.
"We need your help. Scarlet Gior's death. Suicide or murder?" tugon sa kabilang linya.
"Okay. Send me the details," sabi ko at binaba na ang telepono.
Ilang minuto lang ay may natanggap na akong mga impormasyon. Agad akong bumyahe papunta sa crime scene habang hindi pa natatanggal ng mga SOCO at mga pulis ang mga ebidensiyang maaring magamit.
•••
Pagdating sa bahay ng biktima ay agad kong nilibot ang aking paningin sa buong paligid. Makalat at magulo ang buong bahay ngunit ayon sa mga pulisya ay wala namang pagnanakaw na naganap.
Nagtungo ako sa kanyang silid, nandoon ang mga nakakalat na sleeping pills sa sahig at sa kama ng biktima. Pumasok ako sa banyo ng silid kung saan natagpuang walang buhay ang biktima.
Ipinakita sa mga aktwal na larawan, bidyo at mga guhit ang posisyon ng biktima at ng kutsilyong naging sanhi ng kanyang pagkamatay.
Nakahilata ito sa sahig ng banyo malapit sa kubeta. Malapit sa kanyang kaliwang kamay ang kutsilyo habang nakahilata naman ang kaliwang kamay na punong puno ng dugo at putol ang ugat. Pagka-ubos ng dugo ang ikinamatay ng biktima.
Walang bakas ng mga yapak o kung ano mang ebidensiya na magsasabing may ibang taong pumunta sa crime scene noong gabing iyon.
Akmang lilisanin ko na ang palikuran ay may nakita akong lumulutang na bagay sa kubeta— memory card.
Agad kong tinawag ang mga SOCO at mga pulis upang tingnan ang poso negro dahil malaki ang hinala ko na nandoon din ang cellphone ng biktima.
Makalipas ang ilang minuto ay natagpuan nga ang cellphone ng biktima. Bakit i-fu-flush ito sa kubeta? At sinong gagawa no'n?
Ginawa namin ang lahat para ma-recover ang phone, sim at memory card pero nabigo kami. Isa na lang ang naiisip kong paraan. Umalis na ako sa crime scene at pinuntahan ang isang taong makatutulong sa imbestigasyon.
•••
Hinanap ko siya at natagpuan ko siya sa isang bar habang umiinom.
"Ace Castro?" tanong ko nang makalapit ako sa kanya.
Tumingin naman ito sa akin at nagkunot-noo.
"Yes. Do I know you?" tanong niya.
"Detective Aries Schitzer," sabi ko sabay lahad ng aking kamay.
Tinanggap naman niya ito at nakipag-kamay siya.
"Hindi naman siguro lingid sa iyong kaalaman ang pagkamatay ni Scarlet?" diretso kong tanong sa kanya.
"B-bakit?" Iyan lang ang naging tugon niya.
"Kailangan kita."
MAKALIPAS ANG DALAWANG ARAW
Nagpatawag ako ng pagpupulong kasama ang SOCO, pulis, abogado ng biktima at ang tatlong taong huling nakausap at nakasama ng biktima bago siya mamatay. Nasa ibang bansa ang pamilya ng biktima kaya hindi ko na sila pinasama pa.
Ngayo'y nasa harap ko ang tatlo— si Ace Castro na dating kasintahan ng biktima, sina Kaizer Cuevas at Candice Crises, matalik na kaibigan ng biktima.
"Kailan kayo huling nakausap o nakasama ng biktima?" tanong ko sa tatlo.
"Nakasama ko siya two weeks ago, noong araw na naghiwalay kami. Pagkatapos no'n ay hindi ko na siya kinausap pero ang last na mensahe niya sa akin ay dalawang araw bago siya mawala, pero hindi ko ni-reply-an," tugon ni Ace.
"Mga anim na araw bago siya mamatay. Personal lang kami nag-uusap," maikling tugon ni Kaizer.
"Mga limang araw bago ako magbakasyon. Dinaanan ko siya sa bahay niya bago ako umalis," saad naman ni Candice.
"Nasaan kayo nang mangyare ang krimen?"
"Sa bahay."
"Sa bahay rin."
"Sa Tagaytay."
"Anong posibleng dahilan sa tingin niyo bakit gagawin niya ang magpakamatay?"
Lahat sila ay natahimik sa tanong ko.
"Too much loneliness? Mahina ang loob ni Scarlet," sagot ni Ace.
"Dahil sa gagong ito." Tinuro ni Kaizer si Ace, "Alam niya palang mahina si Scarlet pero iniwan niya at sinaktan."
"Will shut your mouth? Wala kang alam sa nangyare!" sigaw ni Kaizer kay Ace.
Napahinto silang dalawa nang ikasa ko ang baril na ngayo'y hawak ko. Tumingin ako kay Candice at naghintay ng sagot.
"Pareho lang sa sinabi nila. Sabay-sabay na kase iyong problema na pinagdadaanan niya," tugon ni Candice.
Kinuha ko ang cellphone ko at nagsalita.
"Humingi ako ng tulong kay Ace upang buksan ang Facebook account ni Scarlet. Malaking tulong ang nakuha ko," sabi ko sabay lahad sa kanila ng messages sa account niya.
Nagsabi naman silang lahat ng totoo tungkol sa kung kailan nila huling nakausap ang biktima.
"Gumamit ng ecstasy ang biktima," sabi ko habang pinagmamasdan ang mga reaksiyon nila.
Napalunok si Ace, kunot-noo si Kaizer habang gulat naman si Candice.
"Mag-isa ang biktima kaya hindi murder ang nagyare." Napatango silang tatlo, "Pero hindi rin suicide."
Sabay-sabay silang tumingin sa akin.
"Forced suicide," sabi ko sabay punta sa archived messages ni Scarlet.
Hindi sila kumibo pero lahat ay hindi mapakali.
"Isa sa inyong tatlo ang nag-utos sa kanya para magpakamatay." Pagkasabi ko no'n ay nakita ko ang isa sa kanila na hindi mapanatag.
"Isa lang naman ang gumagamit ng ecstasy dito. Iyon ang dahilan ng paghihiwalay niyo, 'di ba?" Nakayukom ang kamao ni Kaizer habang nakatingin nang diretso kay Ace.
Agad namang tumugon at umismid si Ace.
"Ikaw lang ang may motibo kase matagal mo ng gusto si Scarlet pero 'di ka niya pinapansin. Isa pa, ilang bahay lang pagitan niyo 'di ba?" singhal ni Ace kay Kaizer.
"Pwede bang manahimik kayo?!" biglang sabat ni Candice.
"Oh baka ikaw." Biglang tinuro ni Kaizer si Candice, "'Di ba may relasyon kayong dalawa ni Ace?"
"Impo—"
Hindi ko na sila hinayaan pang magtalo at nagsalita na akong muli.
"Ilapag niyo ang mga cellphones niyo sa ibabaw ng mesa," utos ko.
Sumunod naman silang lahat.
Isang malakas na tunog ng cellphone ang bumasag sa katahimikan.
"Excuse me," paalam ni Candice at akmang sasagutin ang tawag pero napahinto nang itaas at ilahad ko ang cellphone ko na may tinatawagan.
Binaba ko ang tawag at nagpatuloy na.
"Huling taong nakausap ng biktima bago siya magpakamatay ay isang dummy account. Video call na tumagal ng 28 minutes." Tiningnan ko isa-isa ang mga reaction nila.
"Ni-log in namin ang Facebook ni Scarlet sa cellphone ni Ace. Pagkatapos naming mag-synch ng contacts, nakita namin ang Facebook na kaakibat ng cellphone number na ginagamit mo para patagong makausap si Ace. Doon namin napatunayan na ikaw nga ang may ari ng dummy account na iyon bukod sa narinig na namin ang boses sa video," saad ko pagkatapos ay ipinlay ang video na sinend ng dummy account sa biktima at ihinarap sa kanila.
~'HAHAHA ang init," parang wala sa sariling sabi ni Scarlet.
'Hubarin mo damit mo Scarlet,' sabi ng babae na kumukuha ng video.
Habang humahagikgik ay hinubad naman ng biktima ang kanyang mga saplot.
'Sayaw Scarlet, sayaw Scarlet!' pambubuyo ng babae.
Sumayaw naman nang malaswa si Scarlet habang hubad.~
Inihinto ko na ang video.
"Candice, noong pumunta ka sa bahay ni Scarlet bago umalis patungong Tagaytay ay galing ka kay Ace at kumuha ng ecstasy na siyang ginamit mo para ipa-inom kay Scarlet."
~'Inumin mo ito, gamitin mo ito para gumaan pakiramdam mo, Scarlet,' sabi ni Candice kay Scarlet.
Sumunod naman ang biktima at nawala na sa katinuan. Nag-iwan pa ng maraming ecstasy si Candice pagkatapos kunan ang video at umalis na.~
"Malakas ang tama nito at hindi na lumabas ng bahay, kumain at nakatulog si Scarlet. Pagkalipas ng ilang araw, gabi ng mismong krimen ay gumawa ka ng dummy account habang nasa Tagaytay upang gawin ang plano."
~Napatakip na lang ng bibig dahil sa kahihiyan at takot nang makita ni Scarlet ang video na ipinadala sa kanya. Maya-maya lang ay tumawag ang sender at laking gulat niya nang makitang si Candice ito.
'Nagustuhan mo ba Scarlet?' nakangising tanong ni Candice.
'C-Candice... burahin mo,' iyak ng biktima.
'Gusto mo bang ikalat natin? O i-send ko kay Ace?' pang-aasar nito.
'Huwag pakiusap," iyak pa rin ni Scarlet.
'O sige! Basta sumunod ka sa utos ko ha?'
Agad namang tumango si Scarlet.~
"Pinakuha mo siya ng kutsilyo at inutusang sugatan ang kanyang pulso. Nang makita mong umaagos na ang dugo ay inutusan mo siyang i-flush sa kubeta ang kanyang cellphone dahil pinaniwala mo siyang kapag nasira na ang cellphone niya ay mawawala na rin ang video."
Umigting ang mga panga ni Ace at nakayukom naman ng kamao si Kaizer.
"I just want her to rest," biglang sabi ni Candice na parang wala sa katinuan.
"Sabi mo hindi mo siya sasaktan kapag hiniwalayan ko na siya!" biglang lumapit si Ace at hinawakan ang braso ni Candice.
Agad namang umawat ang mga pulis.
"Ang sabi mo mamahalin mo lang ako kapag wala na siya!" sigaw naman ni Candice.
"You killed her?" wika ni Kaizer na parang ngayon lang natauhan.
Biglang kumuha ng baril si Candice at itinutok iyon kay Kaizer.
"Huwag kang magmalinis, Kaizer. Ikaw ang nakiusap sa akin na kuhanan siya ng gano'ng video," nakangising sabi niya.
"AHHH!" napasigaw si Candice nang barilin ko ang baril na hawak niya.
"Please take in charge," sabi ko sa mga pulis at hinuli na nila sina Candice at Kaizer.
"Salamat," saad ko kay Ace at umalis na.
•••
Hindi porke "adik" ay agad nang pagbibintangang pumatay. May salitang "pagbabago".
Hindi porke "kaibigan" ay dapat pagtiwalaan. May salitang "traydor".
— Detective Aries Schitzer