Naghire si Harvey ng Private Investigator upang mapabilis ang paghahanap sa magulang ni Beatrice. Habang sila ay naghihintay ng resulta ng imbestigasyon ay buong sipag na nagtrabaho muna si Beatrice sa kumpanya nila Harvey.
Pinakilala niya ito sa mga empleyado niya bilang Sekretarya niya at nobya na din. Pinakita ni Harvey sa Dalaga ang opisina nito ang mga kailangan niyang gawin. Propesyonal na nagtrabaho ang dalawa sa oras ng trabaho at naguusap na lamang sa kanilang libreng oras.
Mabilis din na natutuban ni Beatrice lahat ng mga tinuro sa kanya. Tanghalian na siya ay niyaya ni Harvey na kumain sa labas . Dinala niya ang nobya sa mamahaling restaurant. Madaming mga bagong pagkain sa panlasa ni Beatrice pero sinubukan pa din niya itong kainin. Nagkuwentuhan muna ang mag kasintahan.
" Harvs ,sobrang nahihiya na ga ako sayo. Napakadami ko ng utang , " nahihiyang sabi ni Beatrice.
" No , you don't need to. Sapat na sa akin ang pagmamahal mo ," sabay halik sa kamay ng Dalaga.
Hindi nabibigo si Harvey na pakiligin ang dalaga. Bumalik na sila sa kanilang opisina . Ganun nga ang araw araw na naging routine ng magkasintahan. Isang araw ay nagpaalam ang binata sa kasintahan na kailangan niyang pumuntang US sa loob ng limang araw para makipagmeet sa mga investors nila. Binilin ng binata na ito ay ihatid sundo ng Driver nila saan man siya magpunta.
Kinasabaduhan , buryong buryo na ang Dalaga sa condominium. Naisipan niyang lumibot muna sa mall. Siya ay nagpaalam sa kasintahan at ito ay pinasundo niya sa kanyang Driver. Habang naglalakad sa mall ang dalaga ay may nakabanggaan siya na muntik na nyang ikatumba. Subalit agad siyang nahawakan ng isang ginoo sa kanyang braso. Napansin din nito ang kuwintas na suot ni Beatrice.
" Where did you get that necklace,? " Tanong nito.
Kinuwento ni Beatrice sa ginoo na bigay ito sa kanya ng kanyang mga tunay na magulang. Napayakap na lamang ito sa Dalaga . Kinuwento nito ang tungkol sa nawawala nilang anak na tugmang tugma sa nangyari kay Beatrice. Kaya maluha luha din niyang niyakap ang pinaghihinalaang ama niya.
Dinala niya ito sa kanilang Mansion . Narito din ang kanyang asawa na si Bethany. Pagkakita pa lamang sa Dalaga ay magaan na ang loob nito. Agad agad na kinuwento ni JP ang nangyari sa dalaga nung sanggol pa lamang ito at ang kuwintas na suot nito. Subalit upang mas makasigurado ay nagpa DNA test sila .
Habang hinihintay ang resulta ng DNA TEST ay sa condo muna niya tumuloy si Beatrice. Hinatid sya dito ni Mr. Acosta. Hindi din muna nila sinabi sa anak na si Brianna na natagpuan na ang kanyang kakambal hanggang hindi pa lumalabas ang resulta ng DNA test. Kinuwento din ito ni Beatrice sa kanyang mga magulang at kay Harvey na mukha ngang natagpuan na niya ang tunay nitong mga magulang.
Sakto naman na tumawag din ang Private Investigator nito sa kanya na pareho din ang kwento ng kay Beatrice. Isa ang mga Acosta sa mayayaman na Business Owner sa Pilipinas. Mayroon itong malaking shipping lines , Mobile Tech Business , mga resorts at napakadaming businesses. Hinihintay na lang nilang dumating ang resulta ng DNA test para mabawasan ang pangungulila ng Dalaga sa mga ito.
Makalipas ang ilang mga araw dumating na ang resulta ng DNA Test. Maluha luha silang binuksan ito at lubos na sumaya ng makita ang resulta. Totoo ngang buhay pa ang kanilang anak at ang kambal ni Brianna. Agad pinuntahan ng mag asawa si Beatrice sa kanyang condo. Pagkabukas pa lamang ng pinto ay niyakap na agad ni Bethany ang Dalaga. Yumakap din ito sa kanya na tila ba alam na ang resulta ng DNA.
Pinakita na nga nila ang resulta ng DNA test. Sabik na sabik sila na makasama ang anak at maipakilala dito ang kakambal na matagal nang nangungulila sa kanya. Tinulungan siya ni Bethany na mag impake ng mga damit niya at lumipat na sa tunay niyang bahay. Hindi maipaliwanag ni Beatrice ang nararamdaman kinakabahan siya at nasasabik na makita ang kakambal niya. Ganoon din kaya ito sa kanya ?
Pagkadating sa mansyon ay nakita nito ang rangya ng buhay na mayroon siya. Pinaupo muna siya sa sofa ng mga magulang niya habang hinihintay nilang umuwi si Brianna mula sa opisina nito. Pinaayos na din sa mga katulong ang kanyang magiging kwarto. Mayamaya ay may narinig silang busina ng kotse na marahil ay iyun na nga ang kakambal niya.
Pagpasok pa lamang nito ay nakita na niya ang kagandahan nitong taglay na hindi nga nalalayo sa itsura niya. Nagulat din sa kanya ang kakambal dahil konti na lamang ay para na lang siyang nananalamin.
" Mom , Dad what's the meaning of this ?, " sabik na sabik na tanong ni Brianna .
Kung kaya kinuwento ng mag asawa kung paano nila natagpuan ang nawawalang kakambal nito at kung ano ang nangyari dito. Sabik na sabik na niyakap ni Brianna ang kakambal ng sobrang higpit.
" Finally , I won't be alone " maluha luhang sabi ni Brianna.
Masaya silang naghapunan na sama sama. Pinahanda ng mga magulang niya ang masasarap na pagkain sa pagbabalik ng matagal nilang nawalay na anak. Sinamahan din ni Brianna ang kakambal sa kuwarto nito.
" I'm not dreaming ,right. Pangako mo sa akin Bea na hindi na tayo magkakahiwalay uli, " sabi ni Brianna na sobra ang pagkasabik sa kakambal.
" Pangako Yana !" sabay yakap nito sa kakambal .
Kinuwento ni Beatrice kay Harvey ang mga nangyari at masayang masaya ito para sa kanya. Gayundin ang mga kinalakihan niyang magulang. Sinuri ni Beatrice ang kanyang buong kuwarto napakalaki nito. Siya ay may sariling sala sa loob , na may malaking TV. Madaming mga aircon na mas nagpalamig sa buong kuwarto. At magandang banyo na parang puwede na siya tumira. Masayang masaya siya na agad siyang natanggap ng kanyang kakambal na tila ba ay nangungulila talaga sa isang kapatid. Sa wakas ngayon ay masasabi na niya sa sarili niya na kumpleto na siya at wala ng kulang sa kanya.