Lumipas ang mga araw na tuloy tuloy pa din ang effort ng binata kay Beatrice. Isang gabi ay inanyayahan ni Harvey ang dalaga sa dagat para sa kanyang surpresa. Piniringan niya ang dalaga sa mata. Kinorte niya ang kandila ng hugis puso sa buhangin. Nagpatulong din ito sa mga kaibigan ng Dalaga sa palengke upang dalhin ang karton na may katagang " Will you be my Girlfriend" Hindi din siya nabigong lagyan ng mesa na kakainan nilang dalawa ang hinanda niyang surpresa. Pagtangal ng piring ay napagmasdan ng Dalaga ang ganda ng ginawa ni Harvey.
Dinala niya ito sa gitna ng puso at isa isang lumabas ang mga kaibigan niya hanggang sa makumpleto ang kataga na nais tanungin ng Binata sa Dalaga.
Maluha luhang sumagot ang dalaga ng Oo. Hindi sya makapaniwala na bibigyan siya ng ganung pagmamahal ng binata. Napayakap siya dito ng sobrang higpit sabay sabing.
"Mahal na mahal kita Harvey. Wag ka sanang magbago ," pakiusap nito.
" There's no reason to change Bea. I love you so much !, " sagot ni Harvey .
Pagkatapos nilang kumain ng mga pinahanda ni Harvey ay may nilabas itong singsing. Ito ang tinatawag niyang Promise Ring. May mamahaling diyamante ito at halatang halatang mamahalin ito. Nangako si Beatrice na iingatan niya ang singsing na binigay ng Nobyo.
Masayang binalita ng dalawa sa mga magulang ni Beatrice na sila na. Natuwa naman ang mga ito at suportado nila si Beatrice sa pakikipagrelasyon kay Harvey.
Kagaya ng pangako ni Harvey ay hindi nga ito nagbago ng pakikitungo kay Beatrice. Bagkus ay mas lalo pa nitong ipinaramdam kung gaano niya kamahal ang Dalaga. Kahit mahirap ang ginagawa niya ay hindi umangal ang binata na bumiyahe galing sa Maynila papuntang Batangas .
Isang araw ay niyaya ni Harvey si Beatrice sa Maynila upang makilala ang kanyang mga magulang .
" Harvs , sigurado ka ga sa gagawin mo na ipakilala ako sa iyong magulang ? Paano kung di ga nila ako magustuhan , hamak na probinsyana lamang ako , samantalang ikaw. " sabi ni Beatrice
Subalit hinawakan ni Harvey ang kanyang labi ng palasingsingan nitong daliri na animoy pinapatahimik ito.
" Shhh. You don't have to worry my Princess. Matagal na kitang nakukuwento sa kanila. " pagpapakalma niya sa dalaga.
Nang makarating sila sa mansyon ng binata ay gulat na gulat si Beatrice. Ngayon lang kasi siya nakakakita ng ganoong kalaking bahay sa tanang buhay niya. Pagpasok pa lamang ay makikita na ang malaki at maliwanag nilang chandelier. Napakadami din nilang mga katulong. May nakita siyang babae na pababa ng hagdan , napakaganda niya halata sa suot niya na sobra itong sopistikada. Malayo pa lamang ito ay nakangiti na sya sa Dalaga. Di katagalan ay bumaba na din ang isang lalaki na hindi nalalayo sa itsura ni Harvey. Pinakilala na nya sa mga magulang si Beatrice.
Naging maganda naman ang pagtanggap ng kanyang magulang kay Beatrice na di kalaunan ay tumulong sa Dalaga para mas maging komportable sa pamilya ni Harvey . Napag alaman din ng dalaga na si Harvey pala ang may ari ng kumpanya kaya hawak nito ang sariling oras. Kaya pala walang magagalit sa kanya kahit magpabalik balik ito sa Batangas .
Sa guest room pinatulog ni Harvey si Beatrice para palipasin ang gabi. Kinabukasan na ng umaga niya ihahatid ang Dalaga sa Batangas. Sa Guest Room ay manghang mangha ang dalaga sa napakalambot na kama. Mistula syang bata na tumatalon talon dahil sa sobrang lambot nito. Napakakapal din ng kumot dito na para kang may kayakap sa magdamag. Sigurado siya ay mapapasarap ng tulog .
Hindi nga siya nagkamali dahil alas nuwebe na siya nagising. Niyaya na siyang mag almusal ni Harvey. Napakadaming nakahain na almusal sa mesa nila Harvey . May bacon ,itlog ,hotdog , sinangag , pritong manok , sopas ,pasta at madami pang iba. Sobrang nabusog si Beatrice sa kanilang almusal. Pagkatapos nilang mag almusal at makapag ayos ay nagpaalam na ang mga ito para sa pagbalik ni Beatrice sa Batangas.
Habang sila ay nasa kotse . Inalok ng trabaho ni Harvey ang Dalaga bilang Sekretarya niya. Tama naman ang binata kikita siya doon ng malaki at mas makakatulong siya sa mga magulang . Bonus na don ang makasama niya ang binata halos araw araw. Nangakong magpapaalam ang Dalaga sa mga magulang niya. Pagdating niya ng bahay ay bakas sa ina niya na alalang alala ito. Pinakalma niya ang nanay niya dahil si Harvey naman ang kasama niya sa Maynila.
Kinuwento ng Dalaga ang magandang pagtanggap sa kanya ng mga magulang ni Harvey. Pati na din kung gaano kaginhawa ang buhay ni Harvey sa Maynila. Manghang mangha din niyang kinuwento ang pagtulog niya sa Guest Room nila Harvey na tila ba ay parang sabik na sabik sya sa ganoong kuwarto.
" Ate pag yumaman tayo gusto ko ga din ng ganung kwarto," ani ni Carla .
Dahil sa sinabi ni Carla ay naalala niya ang napangako niyang pagpapaalam na magtrabaho bilang Sekretarya ni Harvey sa kumpanya nila. Sinabi niya sa mga magulang ang magiging set up kung sakaling payagan siya ng mga ito na magtrabaho sa Maynila.
Nanlaki ang mata ng magulang niya nang marinig ito kay Beatrice. Naiisip nila na kung paano na lang kapag nakita ni Beatrice ang tunay nyang magulang sa Maynila. Para silang binuhusan ng malamig na tubig kapag naalala nila ang nais mangyari ng Anak. Natauhan na lamang sila nang ilang beses silang tinawag ng anak.
Galit na sumagot ang nanay niya na pinagtaka ni Beatrice . Ito lamang ang unang beses na nakita ng dalaga na ganun kagalit ang ina nito sa hindi niya malamang dahilan. Nais lamang ni Beatrice na guminhawa ang buhay nila at makatulong sa mga magulang. Subalit ayaw syang payagan ng mga ito lalo na ng Nanay niya . Umiiyak na natulog ang Dalaga sa sama ng loob. Hindi niya na din natawagan ang nobyo kakaiyak .
Kinabukasan ay dumiretso na lang ang Dalaga sa palengke na hindi nag aalmusal. Niyaya man sya ng mga magulang niya ay tumanggi ito. Alam nila na may tampo ang anak sa kanila kaya hinayaan na muna nila itong lumipas.