Nakagawian na ni Harvey na pumunta sa Batangas tuwing Sabado't Linggo. Na mas lalong nagpalapit sa loob nila sa isa't isa ni Beatrice. Isang araw kinausap nito ang mga magulang ng Dalaga.
" P-puwede po ba ako manligaw kay Bea? " lakas loob na tanong nito kahit kinakabahan .
" Alam mo Harvey , may tiwala kami sayo at nakikita namin na maganda ang intensyon mo sa aming Dalaga kaya wala namang problema yun sa amin. Pero si Beatrice pa din ang makakapagdesisyon niyan , " ani ng ama ng Dalaga.
Binigyan ng payo nito ang binata kung paano manligaw sa probinsya nila. Sa katunayan pa nga ay sinamahan nito ang binata para magpraktis ng harana. Pagdating ni Beatrice ay nagtaka ito na wala ang ama niya para sabayan silang mag hapunan. Tinatanong niya ito sa kanyang Nanay subalit wala itong matinong sagot .
Mayamaya ay may narinig na lamang itong kumakanta sa labas ng bahay nila. Halong kilig at pagtawa ang nakuha ng Binata sa ginawa nila ng ama ni Beatrice na harana paano ba naman ay hindi sya sanay sa malalim na tagalog ng Batangeño. Nang matapos ang harana nila ay iniwan muna nila ang dalawa para makapagusap.
" Ano ga ito , Harvey? " namumulang tanong ni Beatrice.
" C-can I court you B-bea ? I like you . " Lakas loob na tanong ni Harvey.
Napatigil saglit ang Dalaga dahil sa sobrang kilig niya. Tinitigan niya ang Binata. At sumagot siya ng oo , pinapayagan niya itong manligaw.
" Paano mo ga ako liligawan kung ako andito sa Batangas , Ikaw nasa Maynila , " seryosong tanong ni Beatrice.
" It was just a simple effort. If I need to travel from Manila going to Batangas everyday just to prove you how much I love you. I will , " sagot ni Harvey na may halong sinseridad.
May kinuha siya mula sa kanyang kotse na isang kahon . Binigay niya ito sa dalaga. Nang binuksan ito ni Beatrice ay nakita niya ang isang cellphone. Mamahalin ito ,hindi ito kagaya ng luma niyang telepono na de pindot lang.
" Hindi ko ito matatanggap Harvey. Hindi naman ako materyalistik na babae , sapat na sa akin lahat ng efforts mo , " pagtanggi ni Beatrice.
" I insist. We need this Bea. Kailangan ko ito para manligaw sayo. So I can call you , see your face. Day or Night, please accept it. " pakiusap ni Harvey na may kasamang pamumungay ng mata.
Hindi na din natanggihan ni Beatrice ang binata. Kinuwento nito sa mga magulang ang intensyon ni Harvey at ang binigay nito sa Dalaga. Hindi pa man masyadong nakakalayo ang binata ay agad itong tumawag kay Beatrice.
" Naku. magmaneho ka ga muna at baka maaksidente ka pa , " payo ng dalaga sa binata.
Kinatuwa naman ito ni Harvey dahil nililigawan pa lamang niya ang dalaga ay ramdam na nito ang pag aalaga ng Dalaga. Kinabukasan ay tinuruan ni Harvey si Beatrice na gumawa ng Facebook para sila ay makapag video call. Ginawa din photographer ng dalaga si Harvey upang malagyan ng mga larawan ang kanyang Facebook. Aliw na aliw ang dalaga sa pag gamit ng Facebook. Tiyak ay hindi na siya mabuburyo habang nagtitinda siya sa palengke.
Araw gabi ay nagvivideo call ang dalawa habang nasa Maynila si Harvey. Isang araw habang nasa nagtitinda sa palengke si Beatrice.
" Uy Bestie. Balita ko may mayaman nanliligaw sayo , " kinikilig na sabi ng kanyang matalik na kaibigan.
" Akala ko ba hindi ka pa handa magpaligaw ? Nakakilala ka lang ng mayaman na taga Maynila naging handa ka na . " Sarkastik na sabi ni Isko.
" Magdahan dahan ka nga sa sinasabi mo Isko. Hindi ako nagpaligaw ng dahil sa yaman niya , kaya wag mo akong huhusgahan ng ganyan. " galit na sagot ni Beatrice dahil nasaktan ito sa sinabi ni Isko.
Sinubukan niyang humingi ng tawad sa kaibigan pero hindi sya nito pinapansin. Umuwi na lang si Beatrice na may sama ng loob kay Isko. Subalit nabago agad ang mood niya nang may nakita siyang pamilyar na sasakyan sa harap ng bahay nila. Hindi nga siya nagkamali naroon nga sa kanila si Harvey .
" Sinurpresa mo naman ako Harvey. " masayang sabi ni Beatrice.
Inabot dito ng binata ang isang bungkos ng bulaklak.Kinuwento nito sa Dalaga na siya ay nagleave muna sa trabaho niya ng mga ilang linggo upang makapagrelaks muna sa Batangas at magampanan niya ng maayos ang panliligaw niya sa Dalaga.
" Harvey , d ka ga nahihiya na manligaw ng isang katulad ko ?, " singit na tanong ni Beatrice habang sila ay nagkukuwentuhan.
" Why should I ? Maganda ka at mabait. " sagot ni Harvey.
" Pero kita mo ga naman ang buhay namin , kung ikukumpara sayo di ga ? " malungkot na nasambit ng Dalaga.
" It's not important with Love ," sagot ng binata.
Mas lalong humanga ang dalaga sa kababaang loob ni Harvey. Habang napapalapit ang loob niya sa binata ay mas lalo niyang napapagisip isip na mahal na nga niya ito. Hindi niya namalayan na nakatulog na lamang siya habang nakasandal sa braso ng binata. Buong ingat itong binuhat ng binata papasok sa kuwarto niya at hinalikan niya ang noo nito.
"Good night , My Princess. " sabi ng binata.
Nagpaalam na ito sa mga magulang ni Beatrice dahil maaga pa ito bukas para ihatid at samahan sa palengke ang Dalaga. Hangang hanga ang mga magulang nito kung paano pinapakita ni Harvey ang pagmamahal sa kanilang anak.
Kinaumagahan ay hinatid nga nito ang Dalaga sa palengke. Naglakihan ang mata ng mga nakakakita sa kanya kasama ang mayaman at gwapong lalake sa Palengke.
" Sigurado ka ga Harvey na sasamahan mo ko dito ," tanong ni Beatrice.
" Yes , very sure. " nakangiting sabi ni Harvey.
Pinaglagay niya ng apron ang binata para hindi malansahan ang suot nitong damit. Hindi man sanay ang binata sa gawaing palengke ay tinulungan pa din niya ang dalaga sa abot ng kanyang makakaya. Sa ginagawa ng binata ay hindi mapigilan ni Beatrice na kiligin.