“Masaya ba ang kasal n'yo noon ni Papa, Ma?” excited na tanong ng kapatid kong si Duday.
Napaikot ang mata ko. “Malamang masaya! Depende na lang kung kinidnap si Mama at pinuwersang pinakasal kay Papa!” sarkastik kong sambit na ikinasimangot n'ya.
Sinaway naman ako ni Mama na tapos na palang magluto ng aming almusal. Papasok kami ngayon sa eskwelahan at maaga talaga kami nagising.
“Ang laki mo na, Lexi para pagtulan ang kapatid mo.” Nilapag n'ya ang niluto n'yang hotdog at nakiupo sa 'ming harapan.
Nagmake-face sa 'kin si Duday, lihim ko s'yang dinilaan.
“Ano na, Mama?” atat na tanong ni Duday at pinaglalaruan pa ang hotdog sa pinggan.
Kung ako n'yan nilunok ko na kaysa pa sa masayang. Pero biro lang.
Bigla ulit ngumiti si Mama. “Tama nga si Lexi, pinilit n'ya lang akong magkasal sa kan'ya.”
Bigla kong natapon ang tubig na iniinom ko sa gulat. Nanlalaki ang mata kong tinignan si Mama. “For real?! Bakit masaya ka pa, Ma?” Iba rin s'yang klase, ah!
Natawa s'ya ng mahina at parang inaalala pa ang nakaraan n'yang so called love life no'ng teenager s'ya.
“Dati kasi kapag kinasal kayo wala nang aasikasuhin 'pang papeles na patunay na kinasal kayo. Basta hinarap kayo sa altar at binasbasan, mag-asawa na.”
Napahaba ang kuwento ni Mama. 'Di ko akalain na ginawa 'yon ni Papa. Masabihan nga mamaya.
Kaya pala tuwang-tuwa si Mama dahil may lihim din naman s'yang pagtingin kay Papa. 'Di siguro alam ni Papa at akala n'ya may mahal na iba si Mama kaya kinidnap n'ya ito at dinala sa simbahan.
Ang lupet ni Papa. Astig na n'ya ngayon.
'Di maawat ang pagkukuwento ni Mama kaya ako na mismo ang bumara sa kan'ya. “Ma, papasok na kami sa school mamaya na lang chikahan.”
Mabilis naman s'yang tumango-tango at inasikaso kami. Maalaga talaga si Mama kahit dalaga na ako. Parang spoiled brat ba. Taray!
Magkasama kami ni Duday sa paglalakad patungong eskwelahan. Magkatabi lang ang eskwelahan namin, elementary s'ya habang high school naman ako.
“Sunduin mo ako, ah?” paalala ni Duday, parang s'ya 'yong matanda sa 'min, ah.
Inirapan ko s'ya. “Akala mo nakalimutan ko 'yong ginawa mo kahapon?” Ngisian ko s'ya at pinaramdam na hindi ko nagustuhan ang kan'yang ginawa.
Imbes na matakot sa 'kin, bungisngis lang ang tinugon n'ya. Kita mo 'tong batang 'to.
Pinaninkitan ko s'ya ng mata. “Buti na lang walang bisita kahapon kundi baka nakita 'yong mga bra't panty ko sa sala.”
Tuluyan na nga s'yang natawa sa 'king sinabi. Mas lalong sumama ang loob ko sa ginawa n'ya. Makakaganti naman ako. Hintay lang.
“Ang gandang display sa sala, ate, eh. Di'ba maganda naman?” ngisi n'yang tanong at humagalpak ng tawa.
Mabuti na lang at nakarating na kami sa harapan ng eskwelahan. Iniwan ko na lang s'yang natatawa ro'n mag-isa. Bahala na kung mapagkamalan s'yang baliw.
Kaunti pa lang mga tao. Ang iba nagsasayawan sa daan. Malapit na kasi 'yong paligsahan na gaganapin dito sa eskwelahan. 'Di ko alam kung anong sasalihan ko.
“Lexi!”
Awtomatikong napalingon naman ako sa kaibigan ko nang tawagin n'ya ang napakamaganda kong pangalan. Nag-iisa kong kaibigan na babae.
Inambahan ko kaagad s'ya ng yakap nang makalapit sa 'kin. Natawa ako nang sumigaw s'ya ng tulong kahit nagbibiro rin lang naman kaming dalawa. Maloko kaming dalawa.
Napapatingin tuloy ang nga estudyante sa 'min. Maganda kasi ako at sexy naman s'ya pero syempre nagsinungaling lang ako na maganda ang hubog ng kan'yang katawan.
“Alam mo 'bang hindi ako pinakain ni Papa kagabi dahil sa pinaggagawa mo?” inis n'yang sambit, pinaalala pa talaga ang kasalanan ko.
Inikutan ko s'ya ng mata at hinila papunta sa second floor ng building kung nasa'n ang aming classroom.
Muntik na kaming mabangga sa kung sino man ang biglang sumulpot sa 'ming harapan nang pagkapasok pa lamang namin ng classroom. Agad kong hinila si Charry at inilagay sa gilid ko.
Inangat ko ang aking tingin at nakitang malalim na titig ang ginawad sa 'kin ng 'di ko kilalang lalaking 'to. Ako na mismo ang umiwas at hinila ulit si Charry para umupo na sa aming sariling upuan.
Magkahiwalay ang upuan namin kaya wala tuloy akong mapagtripan. Good thing ka-close ko naman ang mga katabi ko. Ang ilan sa kanila mga bakla kaya gano'n na lang ang harutan namin hanggang sa napatigil na rin. Dumating na ang teacher namin.
Buong discussion hindi ako nakinig. Panay sulat ko lang sa papel hanggang sa lumipas ang oras na recess time na.
“May classmate pala tayong transferee, Lexi,” bigla nag-open ng topic si Charry. Busy rin sa pagnguya ng chi-chirya n'ya.
Tinaasan ko s'ya ng isang kilay. “So? Wala naman akong paki sa transferee. Bakit ba naisipan mong sabihin ang tungkol d'yan?” Minsan talaga 'di maganda ka-bonding ang babaeng 'to. Pero syempre biro lang.
Hinampas n'ya ako sa braso na ikinaaray ko. Ang laki n'yang babae at guess what? Mataba s'ya.
“Hindi mo kasi ako pinapatapos!” inis n'yang sabi. “Hindi mo ba nakita ang bago nating classmate? Sobrang gwapo n'ya at muntik na nga lang natin s'ya mabangga kanina.”
Napaisip naman ang sa sinabi n'ya. 'Di gano'n kaklaro 'yong mukha ng bago naming kaklase kanina. Hindi ko naman kasi natitigan ng mabuti kaya 'di ko alam kung gwapo ba talaga.
“Talaga? Gwapo pa kay Justin Bieber?” akusa ko pa.
Tumango-tango s'ya. “Gwapo pa sa kan'ya. Mukhang hindi mabiro 'yong lalaki, beshy. Buong klase ko talaga s'yang tinitigan at nakikinig lang talaga s'ya sa klase. Good boy pero suplado raw, eh.”
Ekis sa suplado at serious face na lalaki. Okay sana kung mapagbiro. 'Yon 'yong gusto ko sa lalaki, 'yong palabiro pero hindi manloloko.
Minamalas nga naman, inutusan ako ng Teacher na tumungo sa SSG office. May kaaway pa naman ako ro'n. Bahala na nga.
Naglalakad ako habang iniinom ang binili kong buko juice. Si Charry nauna na sa classroom. May oras pa naman ako kaya okay lang na matagalan.
Muntik ko nang mabitawan ang buko juice na hawak ko nang makitang may nag-aanuhan sa SSG office! Mabilis kong sinara ang pinto, rinig ang pagkayanig sa lakas ng pagkasara ko!
Buti ako lang ang nakakita o baka may nakakita na nga. Kita ko ang pangyayari at gusto ko na lang maligo sa holy water! Gosh! Bakit kasi hindi sinara man lang ang pinto?
“Ano pa ang ginagawa mo sa labas, Miss Sanchez?”
Mabilis akong lumingon sa likuran. Sapo ang aking dibdib nang makitang hindi s'ya ang teacher.
Taka n'ya akong tinignan at tanging lunok naman ang ginawa ko. Dahan-dahan kong pinihit ang aking ulo sa pintuan ng office.
“Tinatanong kita,” ulit ng SSG President. Hindi maaari!
Agad ko s'yang hinawakan sa braso na ikinabigla n'ya. Hinila ko s'ya papalayo sa office na iyon nang akmang papasok pa s'ya.
“H'wag mo nang ituloy ang binabalak mo!” diin at mangiyak-ngiyak kong sambit sa kan'ya. “Hindi mo magugustuhan ang makikita mo sa loob!”
Tinaasan n'ya ako ng isang kilay. Hindi s'ya mukhang bakla, talagang 'di bakla dahil lalaking-lalaki ang President ng eskwelahan namin.
Hindi ko alam ang kan'yang pangalan pero alam kong SSG President s'ya. Mahirap ako maka-memorize ng pangalan pero sa mukha medyo nga lang.
Inalis ko ang kamay ko sa kan'ya nang maalalang hawak-hawak ko pa s'ya. Napakamot na lang ako sa batok, balisang-balisa na!
“Anong meron sa loob? May nag-aaway ba?” tanong n'ya at napatingin ulit sa pintuan ng office.
Umiling ako. “May kababalaghan kaya kung ayaw mo makakita ng live show, umalis ka na ng maaga pa.”
Una nagtataka s'ya sa sinabi ko pero kalaunan mukhang na-gets na. Nanlaki pa ang kan'yang maliit na mata at umatras ng isang beses na para 'bang 'di makapaniwala.
Binaling ulit n'ya ang mata sa pinto tapos balik sa 'kin. “You're kidding, right?”
Napabuka ang bibig ko. “May pa-kidding kidding right ka pa d'yan!” singhal ko at hinampas s'ya na parang magka-close lang kami. “Kita mo naman na seryoso ang face ko, oh!”
Tinulak n'ya ng bahagya ang aking mukha nang ilapit ko sa kan'ya ang seryoso kong mukha na parang pato.
“Okay na.” Ngumiwi s'ya. “Kailangan kong patigilan sila sa kanilang ginagawa. This is against the rules of our school!”
Taray rin ang president na 'to. Public school lang ang pinapasukan namin pero english speaking na. Sige, sila na ang spokening dollar.
Umiling-iling ako sa kan'ya sa 'di pagsang-ayon. “Gusto mo 'bang makita ang flower ng babaeng iyon? Kung ako sa 'yo, aalis na lang muna ako.”
Napaubo s'ya sa sinabi ko at masama akong tinignan. “So, hahayaan ko sila? Paano kung mabuntis ang babae?”
“Edi problema na nila iyon!” sagot ko at pinilit s'yang umalis doon. Wala akong tiwala na hindi s'ya sisilip. Alam mo naman mga lalaki ngayon, gusto ang bawal.