"Bakit ba kasi ipinangligo mo ang pabango mo. Ayan tuloy, napansin ka nga, pero para punain," saad ni Chel, habang sumesegway ng malakas na tawa. Ganon din sina Chubby at Curly. Napapatingin tuloy sa'min ang ibang estudyanteng kumakain dito sa cafeteria.
"Nyenyenye!" Inismiran ko naman sila saka nagpatuloy sa pagkain.
"Uyyyyy! Crush na niya si Sir Aldrin," panunukso ni Curly.
Agad na nangunot ang noo ko. "Hindi no," tanggi ko.
Napataas naman ang isang kilay niya. "Talagang hindi?"
"Hindi! Hindi talaga."
Kunot na kunot ang noo ko habang itinatanggi ang sinasabi ni Curly na may crush ako kay Sir Aldrin.
Panay pa ang pag lingon ko sa gilid, para lang maiwasan ang mga nanunuksong titig nila.
Crush lang naman ito. Hindi naman siguro big deal ang magkaroon ng paghanga sa isang propesor, hindi ba?
Habang kumakain ay nag uusap-usap silang tatlo ukol sa nakaraan nila. Pare-pareho silang nag highschool sa paaralan ng Dewford Academy. Pero nasa kabilang panig pa iyon. Sa kabilang kalye pala. Kasama ng Highschool building ang Elementary. Tanging College lang ang naiiba dahil mas marami ang students nito.
"Hindi naman sa minamaliit kita sister, pero kasi di ba, sexy ang hinahanap don, malamang hindi ka talaga mananalo, tsaka sa laki mong 'yan? Paano kita lalaitin? Haler!" Litanya ni Curly.
"Basta, naniniwala talaga akong binayaran ni Sidney ang mga judge para siya ang tanghaling panalo." Chubby.
"Tss. Tanggapin mo nalang kasi ang pagkatalo mo." Curly.
Pinupuno ko lang ng pagkain ang bibig ko since hindi naman ako kailangan na magsalita. Wala naman akong alam sa kung anong pinag-uusapan nila. Out of place ang drama ko. Natigil lang ang pagtatawanan ng tatlo nang biglang tumahimik ang buong cafeteria at tanging yapak lang ng takong ang gumagawa ng ingay. Napalingon kaming lahat rito.
Literal na nakanganga ang lahat. Pababa mula sa ikalawang palapag ang isang babaeng sing-payat ni Miss Universe Catriona Gray. Umaalon ang kulay chestnut na buhok nito, nakikita rin ang pantay at mapuputing ngipin nito dahil sa walang humpay na pag ngiti sa bawat kakilalang nadadaanan nito. That pointed nose of her also makes me remember of Liza Soberano's viral photo. Ang kanyang nagmamalditang kilay naman ay bumagay sa hugis-puso niyang mukha. Sobrang puti rin nito, di yata 'to nasisinagan ng araw eh. She's so perfect.
Natigil ito sa paglalakad nang makarating sa table namin.
'Ang ganda niya kahit sa malapitan,'
Nakangiti akong nakatitig sa kanya habang nakatingala. I can't get enough of this beauty in front of me.
"Hi," nakangiting bati nito sa'min.
"Hello," maririnig sa boses ni Chel ang kawalan ng gana, kaya napatingin ako rito.
Nasa malayo rin ang tingin ni Chubby at Curly na parehong nakanguso at nakakunot ang noo. Bakit naman kaya ganito ang reaksyon nila?
Muli akong napatingala sa magandang babae nang marinig kong umismid ito.
"Still the pathetic Chel who hates me huh!"
Nang-aasar ang tono ng pananalita nito, mukhang kaaway ito ni Chel.
"Pathetic? Talaga ba? At ako talaga ang tinawag mong pathetic? Look who's talking," ganti ni Chel rito.
"Bakit sino ba sa'tin ang bitter? Sino ba sa'tin ang hanggang ngayon ay galit pa rin sa'kin, dahil hanggang ngayon hindi pa rin nakakamove-on." Nang aasar na sagot nong babae kay Chel.
Sino ba ito? Sinisira niya ang masayang breakfast namin
"At paano mo naman nasabing hindi pa ako nakakamove-on? Oh, Sidney. That was long overdue. Baka naman ikaw ang hindi pa nakakamove-on."
'So siya pala si Sidney na tinutukoy nila, kaya naman pala mayabang, maganda rin naman kasi.'
Napaismid ito. "Tanggapin mo nalang kasi, na ako ang minahal ni Diego at hindi ikaw. Kaya tanggap-tanggap rin ng pagkatalo minsan ah, move-on-move-on rin pag may time ka."
Ibinuka ni Chel ang kanyang bibig sa akmang pagsagot sa babae ngunit napigilan ito ng isang sigaw na nagmumula sa main door ng dormitory.
"Sidney!"
The girl---who happens to be Sidney, rolled her eyes, and took a deep breath, bago lumingon sa lalaking sumigaw.
"Hi kuya," bati nito sa lalaking ngayon ay papalapit na sa table namin.
"What's happening here? Nambubully ka na naman ba?" Istriktong tanong nito sa kapatid.
"What? Are you accusing me? I'm not bullying them kuya. I just approached Chel since she's an old friend."
"Is it true Chel?" Malumanay ang pagkakatanong ni Sir Tairon kay Chel.
'Hmm... I smell something fishy.'
Napatingala naman si Chel kay Sir Tairon, ngumiti at tumango rito bago inilipat ang paningin kay Sidney na panay ang pagpapaikot sa eyeballs niya.
"Tara na nga guys, ilang minuto nalang magsisimula na ang klase," si Chubby saka naunang tumayo.
Agad namang sumunod si Curly at Chel sa kanya. Nahuli akong tumayo dahil nasa daanan ko sina Sir Tyron at Sidney.
"Excuse me po," saad ko.
Nagbigay daan naman sila sa'kin. Payuko akong dumaan sa harapan nila at sinundan ang tatlo, di pa man ako nakakalayo, ay narinig ko pang nagsalita si Sidney.
"Sino naman iyon?"
Hindi mabilis ang paglalakad ko kaya ang sinagot ni Sir Tyron ay naabot pa ng pandinig ko.
"I don't know, pero sobrang pamilyar siya."
Nasa hallway pa lang ako, ay tanaw ko na ang professor na kakapasok lang sa loob ng classroom namin, kaya nagmadali ako sa pagpasok.
"Good morning maam," bati ko sa kanya ng makarating ako sa pintuan. Tiningnan lang ako nito at saka tinanguan, kaya nag dire-diretso na ako sa upuan ko.
Nang makaupo ako'y pinaka-titigan ko siya. Mahahalata sa mukha nito na nasa mid-50s na siya. May wrinkles na, naka-bun ang siguradong mahaba at itim na buhok nito. May suot na rin itong eyeglass, marahil sa katandaan ay di na nito masyadong naaaninag ang bawat letra sa libro.
"Good morning class, I will be your professor for Euthenics 1. I'm Euprocina Albarro but I want all of you to call me, Miss Albarro. Alam kong wala pa kayong kamuwang-muwang sa kung anong kurso itong pinasok ninyo, hindi madali ang kursong ito. Kaya bago natin simulan ang subject na ito ay gusto kong malaman sa bawat isa sa inyo ang dahilan niyo kung bakit kayo kumuha ng ganitong kurso."
Naupo ito sa kanyang upuan at napabuntong-hininga. "Ayoko ng paulit-ulit college students. Get one. whole. sheet. of paper." May diin ang bawat bigkas nito, pahinto-hinto at binibigkas ito ng may kalakasan.
Agad naman kaming nagsikilusan at kumuha ng papel. May iba pa akong narinig na nanghihingi ng papel sa katabi.
"Ano daw?" Narinig kong tanong ng kaklase kong nasa kabilang row, pumipindot-pindot ito sa cellphone na nasa loob ng bag niya kanina kaya siguro hindi niya narinig ang kung anumang sinabi ng guro.
"Miss! Pwedeng one half po?" Tanong nito.
Napapikit nalang si Miss Albarro habang hinihimas ang sintido. "Gawin niyo kung anong gusto niyo," tanging sagot nalang nito.
Sinimulan ko ng magsulat ng dahilan kung bakit ako nagpaenroll sa kursong ito. Simple lang naman ang dahilan ko kung bakit BSTM ang kinuha ko.
Gusto kong maging flight attendant. Gusto kong sumakay ng eroplano at magpalipat-lipat sa mga bansa sa buong mundo. Hindi para magliwaliw lang, kundi para mahanap ang totoong mga magulang ko.
Babasahin pa dapat sa harapan isa-isa ang mga isinulat namin. Ngunit di natuloy, dahil biglang nag bell. Oras na para sa susunod na klase.
"Anong susunod na klase?" tanong ni Curly habang may kinakalikot sa loob ng bag niya. "Nawawala ang syllabus ko, hindi ko mahanap," dagdag nito.
"Physical Education 1," sagot ng kapatid niya na si Chubby. Akala ko'y iyon lang ang sasabihin nito pero nagitla ako nang may idinagdag pa siya, "nasa akin ang syllabus mo, tanga!"
Agad napatingin si Curly sa kanya na nanlilisik ang mga mata. Galit marahil ito dahil sa sinabihan itong tanga. At katulad ng inaasahan nagbangayan na naman po sila.
"Ganyan ba talaga 'yang dalawang iyan?" tanong ko kay Chel habang ang mga mata'y nakatuon pa rin sa magkapatid. Si Chel ang katabi ko sa upuan habang ang magkapatid naman ay magkatabi sa harapan namin.
Napatingin ako kay Chel nang di ako pansinin nito. Nakatulala ito sa ballpen na hawak. Agad ko naman siyang siniko, na ikinagulat niya.
"Problema?" Mahinang bulong ko.
Napabuntong-hininga ito. "Iniisip ko lang 'yong nangyari sa welcome party."
"Bakit, ano bang nangyari?" tanong ko. Busy pa rin ang magkapatid sa pagbabangayan, kaya hindi nila kami napansin.
Napatingin si Chel sa akin, lumamlam ang mga mata nito. Halatang problemado. "May nagtapat sa akin Kels."
Nagulat ako. Iyon lang ang problema niya? "Bakit ka naman namomroblema? Nagtapat lang naman 'diba? tsaka hindi ka rin naman pinagbawalan na makipagsyota ng parents mo."
"Paano na si Diego?"
"So, hindi si Diego ang nagtapat sa'yo? Kung ganon sino?"
Kunot na kunot ang noo ko habang naghihintay sa sagot niya'ng hindi na nakarating dahil pumasok na ang propesor para sa susunod na subject.
"Good morning," bati nito sa lahat. Agad akong napatingin sa harap nang marinig ang tinig nito.
Nakaputing long-sleeve ito na nakatuck-in sa suot na black pants. Tulad noong unang beses naming pagkikita, well-combed pa rin ang buhok nito. Napakalinis niyang tingnan. Halatang maalaga ito sa sarili.