Jeydiel's POV
"Ano raw?"
Inip kong tanong habang nakasandal sa kotseng nakaparada sa parking lot ng school. Bumungisngis agad si Kaizer nang masulyapan  ako.
"Hindi raw pumasok dre!"
Sininghalan ko lamang siya. Hinihintay namin iyong babaeng sumuntok sa akin pero gaya ng sabi niya ay wala raw.
"Kaizer tigil-tigilan mo iyang pagtawa tawa mo, malilintikan ka talaga sa akin!" Pagbabanta ko dahil masyadong nakakapikon ang ngising pang-aasar niya.
"Hahaha kalmahan mo lang!" Tiningnan ko ng masama ang kadadating lang na si Axel. Kasunod naman niya si Shawn na nakapamulsa ring naglalakad.
Napasinghal muli ako dahil sa pangit na nga nag di-ditch pa. "Tara na nga lang!" Pairap kong inalis ang tingin sa school building.
Nagpaumuna na akong pumasok sa loob ng kotse. Mabilis kong in-start ang engine ng kotse saka ito madaliang pinaharurot.
Kainis! Habang papalapit ng papalapit ang Sabado mas lalong kumukulo ang dugo ko. Just because of my annoyance to my father. He always making his own decisions without even telling me and asking for my permission as if he owns my life.
Mag-aala sais na noong nakauwi ako sa mansion. Dumiretso muna ako sa kwarto upang maligo. Matapos ay hinubad ko agad ang damit saka tuluyang pumasok sa banyo. Hinayaan kong bumuhos ang malamig na tubig galing sa shower sa aking katawan.
Kunot noo kong hinawak ang magkabilang palad sa pader ng cr saka tumingala sa shower. Ang sarap sa pakiramdam ng tubig na patuloy na dumadaloy sa aking mukha. Bigla ay tinanong ko ang sarili.
Bakit kaya ayaw sabihin sa akin ni dad ang pangalan ng babaeng papakasalan ko?
I bet I can't do anything to opposed the wedding. Desisyon iyon ni dad at baka hindi makabuti sa kaniya ang pagtanggi ko sa kasal. Kahit naman ganoon si dad, aaminin kong mahal ko siya at mahalaga siya para sa akin.
Marahil ay iyong kasal daw na iyon ang magpapatunay kung deserving ako para maging tagapagmana ng business niya. Sinabi niya na kung iyong simpleng kasal lang daw ay hindi ko magawang sundin, how much more pa raw kung mas mabigat pa roon ang ipapagawa sa akin.
Big deal naman talaga iyon hindi ba? It has something to do with the rest of my life and it really matters to me.
Nagsusuot ako ng t-shirt nang biglang bumukas ang pinto. Kumunot agad ang noo ko.
"What the hell are you doing here?" Asik ko nang biglang niluwa ng pinto ang tatlo kong kaibigan.
"Hey Jeydee!" Sa halip na sagutin ang tanong ko ay binati lang ako ni Shawn habang dire-diretsong pumasok sa aking kwarto.
"Hahaha dito kami matutulog dre!" Ani Kaizer saka patalong humiga sa kama ko. Literal na napaawang ang mga labi ko.
"Gano'n ka namin ka miss tol!" Singit naman ni Axel.
"For pete's sake! Kakaligo ko lang papainitin niyo ulit ang ulo ko!" Asik ko sa kadahilanang narito lamang sila para sumagap ng tsismis.
Marahil ang mga ugok kong kaibigan na iyan, kalalaking tao pero dinaig pa ang mga babae sa pagiging tsismoso.
"Of course not! Palalamigin namin iyang ulo mo dude!" Ani Kaizer habang nakayakap sa aking unan.
Napabuntong hininga ako bago naiiling na suminghal. Matapos ay walang lingong lumabas ng pinto. Mas mabuti siguro kung ikakain ko nalang muna ito. Baka sakaling kumalma ang agos ng iritable kong ulo.
"Hoy, Jeydee, saan ang punta mo?" Habol ni Shawn.
"Sa kabilang buhay!" Sarkastikong sagot ko habang patuloy na naglalakad.
"Hahaha 'wag Jeydee masyado ka pang bata! Hindi ka pa nga nakakahalik ng chiks diyan eh!" Sigaw ni Axel.
Kaya naman bigla ay nagpantig ang aking tainga. Lumingon ako sa likuran saka sinamaan siya ng tingin, iyong pamatay na tingin.
"Axel tumahimik ka nga! Wala ng nasabing tama ang bibig mo! Malilintikan ka na talaga sa akin!" Asik ko at dire-diretsong bumaba. Narinig ko pa ang mga yabag nila sa aking likuran.
Nang makababa ako ay saktong kumakain si Dad.
"Son, kain na, ipapatawag na nga sana kita sa taas." Bungad sa akin ni dad. Agad naman akong umupo.
Ngumiti lang ako sa kaniya bilang sagot. Nginitian din ako ni mom saka siya sumubo. Humalik pa muna sa aking pisngi ang kapatid ko bago ako tuluyang kumain. Susubo na sana ako nang masulyapan kong naupo rin ang tatlo.
"Kuyas!" Nakangiting baling sa kanila ni Jeyden. Sumaludo lang sila sa kapatid ko.
Binigyan ko naman sila ng nagtatanong na tingin. Samantalang nagpa-cute lang ang mga ugok.
"Kain na mga hijo." Pag-aaya ni mom. Gusto ko pa sanang kumontra ngunit hindi ko na nagawa pa.
"Thank you po tita." Sagot ni Shawn.
Umiling-iling nalang ako nang magsimula na silang kumain. Mga may kalyo na nga talaga ang kanilang mukha.
"Dad, pwede ba akong magpasama kay kuya bukas para mag shopping?" Pagbabasag ni Jeyden sa katahimikan.
"No." Agarang sagot ni dad.
"Bakit naman po?" Nakalabi niyang tanong.
"We have to attend on a very important dinner tomorrow," Pagsagot ni dad. Dito palang ay alam ko na ang lahat ng ibig niyang sabihin. "Get prepare Jeydee." Pagtutukoy niya sa akin saka ako binigyan ng ma awtoridad na tingin.
Pilit na ngiti ang kumawala sa aking mga labi bago tinutok ang paningin sa pagkain at doon sikretong nagpakawala ng malalim na hininga. Kita ko pa na tila humaba ang mga tainga ng aking kaibigan na para bang aso.
"Talaga po? Saan?" Pag-uusisa pa ni Jeyden. I feel a sudden lost of my appetite.
"But except for you Jeyden. It's for some elder matters." Ani dad. Iyong pinahihiwatig na wala na akong takas.
Matunog ang naging pagnguso ng kapatid ko. "Para saan po ba kasi iyon? Bakit lagi nalang akong walang alam. I'm a grown up girl now!" Saad niya pa habang salitan ang tingin sa mga magulang namin.
Napabuntong hininga si dad. "Your brother will gonna marry my business partner's daughter. It's for the own sake of our company and of course for our family." Lahat sila ay napunta ang tingin kay dad.
Bigla nalang ay sumandal ako sa upuan saka pinagkrus ang mga kamay na nilibot ng tingin silang lahat. Napangiwi ako namg makita kung gaano ka tsismoso ang tatlo kong kaibigan.
Ganoon nalang ako pinanlakihan ng tingin ni Jeyden. "Oh my! Seriously? Magkaka-ate na ako!" Masaya niyang usal. Halos kumikinang maging ang kaniyang mga mata. Marahil ay sabik siyang magkaroon ng kapatid na babae.
Nakangiting tumango si dad na palihim kong ikinangiwi. "Teka, ano po ang name niya?" Kitang kita ko ang biglaang lingon ng tatlo sa nagtatanong kong kapatid.
My mom just shrugged. "Hmm. I do not know what exactly her name is, but," Pagpuputol niya saka tila ba mapaisip bigla.
Naningkit ang mga mata ko habang hinihintay ang sasabihin niya. Malamang na ganoon rin ang mga tsismoso kong kaibigan.
"But her mother keep calling her baby Khal? I'm not pretty sure of that." Dagdag pa ni mom.
Awtomatikong kumunot ang aking noo. Hindi ako pamilyar sa pangalang iyon at wala rin akong ideya kung sino ang kaniyang tinutukoy. Nagkatinginan pa sila Kaizer bago binaling ang paningin sa akin.
Maya-maya ay tila ba may kaniya-kaniyang iniisip ang bawat isa. Wala na sa amin ang nagsalita pa.
"I'm done," Pagkadaka'y pagpapaalam ni dad matapos magpunas ng bibig. Nag-angat pa siya ng tingin sa akin. "I am expecting for your full cooperation, son." Aniya matapos ay tuluyan ng tumayo.
Pilit ang ngiti akong tumango bilang sagot. Ganoon din ang ginawa ni dad bago tuluyang tumayo na sinundan naman ni mom.
Nang masigurong wala na ang presensya ni dad sa dining room ay tuluyan akong napahilamos ng mukha. Itiniin ko ang sariling mga siko sa table saka paulit-ulit na nagpakawala ng malalim na hininga.
Darn this life!