Third Person.
"Ang dami na naman nating problema, ang pabalikin si Cylechter, maging handa para sa mga Executioner, pagbabantay sa bababeng nagngangalang Alfalla at ngayon naman ay hanapin ang dalawang Holy Goddess o Holy God of Time." Reklamo ni Menesis.
"From Ordinary Titans to Ordinary Gods and Goddesses, to the Real Titans up to Holy Gods and Holy Goddesses. This is very insane." Segunda naman ni Athena habang nakahawak sa kaniyang tiyan.
Nasa hapag kainan silang lahat at tila namomroblema dahil sa dami ng kanilang iniisip. The whole Avalon is on danger— no, the whole Gampenun is on danger again kaya dapat na silang kumilos at maghanda.
"Hindi pa ba nakukumbinsi ni Zaporah si Cylechter na bumalik ulit sa atin?" Napailing sina Athena at Igneous dahil sa tanong ni Genesis, napabuntong-hininga naman ang lahat dahil sa sabik nilang makita ulit si Cylechter pero hindi ata sila pinagbibigyan ng tadhana.
"Masakit parin talaga sa kaniya ang pagkawala ni Wenessa, kahit sa akin ay masakit parin no'ng mawala si Spencer. Kaya hindi madaling gumalaw na maraming bumabagabag sa isip, paano nalang kung ayaw niyang bumalik sa atin dahil baka maulit lang ang nangyari? Na may mamamatay—"
"Huwag kang magsalita ng ganiyan, Specter. Huwag natin pangunahan ang katotohanan." Agad namang napayuko si Specter at humingi ng paumanhin dahil sa pagsabat agad ni Satanina sa sinabi niya.
"Naiintindihan ko naman ang sinabi ni Specter, baka gano'n nga din ang iniisip ni Cylechter. Kahit ako, ayokong maulit ang nangyari no'n." Malungkot na sabi ni Genesis, agad naman siyang inalo ni Olcor at seryosong tumingin sa lahat.
"Kapag natapos ang larong 'to, gagawa at gagawa na tayo ng paraan para mapuksa ang panibagong kalaban. Hindi natin sila dapat hayaang kainin ang kanilang kadiliman ang lugar nating matagal ng nasa liwanag." Tumango ang lahat sa sinabi nito, hindi maiwasan na hindi mangamba si Senny dahil sa pag-aalala niya sa kaniyang anak na si Brooch dahil sa sinabi ni Alfalla. Kitang-kita nilang lahat ang ngisi at rinig na rinig nila ang mahanghang na sinabi nito kay Brooch.
"Tama ka Olcor, dapat nating protektahan ang mga mamamayan ng Gampenun. Kung kakailanganin, manghihingi tayo ng tulong sa ibang mundo, makikiisa tay—"
"Hindi mangyayari ang sinasabi mo Enzyme." Agad namang napalingon ang lahat kay Genesis.
"Bakit Genesis?" Takang tanong ni Devonna.
"Ayaw niyong maulit ang nakaraan na maraming namatay diba? Kaya hindi tayo makikipag-isa sa ibang mundo, atin ang problemang ito dahil nasa mundo natin ang mga kalaban. Hindi ko hahayaan nang dahil sa kapabayaan natin ay mapapahamak sila." Seryoso na ngayong sabi ni Genesis, tumango si Menesis at tumingin sa mga kasamahan nito.
"Tama si Genesis, bakit pa tayo manghihingi ng tulong o bakit kailangan pa nating makiisa kung noon ay nakaya natin? Nakaya natin noon kaya kakayanin natin ngayon, walang ibang mundong kasali." Segunda ni Menesis.
"Pero iba no'n at iba ngayon Menesis, kung ang kalaban natin ay nagpapanggap na Diyosa, ngayon ay kalaban natin mismo siyang kayang patayin ang mga totoong Diyos at Diyosa." Halos pasigaw na sabi ni Athena.
"Kakayanin natin Athena, kakay—"
"Paano natin kakayanin Genesis? Nawala na ang responsibilidad niyo bilang Diyos at Diyosa, nawala na ang responsibilidad natin at ibig-sabihin no'n ay kalahati ng kapangyarihan natin ay nawala na." Napayuko ang ibang babae dahil sa may puntong sabi ni Athena na ngayo'y nanggagalaiti na dahil sa inis.
"Huminahon ka Athena." Alo sa kaniya ni Igneous na nag-aalalang nakatingin sa kaniya.
"Hindi naman natin puwedeng gamitin si Sarionaya na siyang natitirang Diyosa sa atin sapagkat siya din ang puntirya ng mga Executioner. Anak mo Genesis, anak din ni Sarionaya ang puntirya." Hindi mapigilang sabi ni Athena.
"Oo alam ko 'yon Athena pero kailangan nating mag-isip ng tama, at ang iniisip niyong makiisa sa ibang mundo ay malaking pagkakamali. Hindi dapat natin isinasali ang mga mamamayan na hindi naman dapat kabilang sa mga ganitong gulo. Nasa atin ang puntirya, nasa ating mundo. Kaya, wala dapat tayong hinihingian ng tulong galing sa ibang mundo." Marahas na napahinga si Athena na parang hindi makapaniwala sa sinabi ni Genesis.
"Pagkatapos ng laro, isasarado muli ang mga pintuan ng bawat mundo at kung sinong gustong bumalik, babalik at kung sinong gustong manatili, mananatili." May tapang na pagkakasabi ulit ni Genesis. Napaupo nalang si Athena dahil sa stress at sa pagkahingal nito. Napahawak siya sa tiyan niya at hinaplos ito ng mabuti.
"Kung 'yan ang gusto mo, wala naman akong magagawa. Isa kang Reyna, at alam mo kung ano ang tama at mali." Natigil ang lahat dahil sa tinuran ni Athena, magsasalita pa sana si Genesis pero sumabat na si Serafina.
"Kung ano ang gusto mo, Genesis. Doon din kami ng mga Apostoles mo." Napangiti ng pilit si Genesis, tumayo din si Chester at tumango sa sinabi ng asawa niya. Tumango din si Olcor at hinarap ang mga kasamahan niya. Tumayo siya at matapang na tinignan sa mga mata ang nakatingin sa kaniya.
"Kakayanin natin 'to, kung magtutulungan tayo ay matatapos din ang laban na'to." Olcor said.
Tumayo din si Enzyme, pati narin si Demeter. Si Bill na tumango-tango pa, gano'n din si Venny at si Wyeth na tahimik lang na nakikinig.
"We are group so we need to be one, kakayanin natin ang laban na'to. Oo mahirap pero dapat handa tayong ibuwis ang buhay natin para sa mundong mahal natin." Sabi ni Venny, tumango si Wyeth sa sinabi ng asawa nito.
"Talaga? Makakaya niyo?" Napatingin ang lahat dahil sa pamilyar na boses, gulat silang napatingin sa babaeng nakangisi lang na nakatingin sa mga mata nila. Gulat na gulat sila dahil hindi sila makapaniwala na nandito ang babaeng hindi nila aakalaing pupunta dito. Tumingin sila sa hologram ng sabay at nakita nitong nakikipag-usap lang ang babaeng nasa harapan nila ngayon sa mga kasamahan nito.
"P-Paanong—"
"Matagal na akong nandito sa palasiyo ng Satharia, nagbabantay, nagmamasid, nakikinig at nakikihalubilo sa mga mamamayan dito." Sabi ng babae habang naglalakad papalapit sa kanila. Nakita ng babae na may bakanteng upuan at alam niyang upuan 'yon ni Brooch kaya do'n siya umupo. Inis lang na nakatingin si Serafina at Menesis sa babae, habang si Senny naman ay pinag-aaralang mabuti ang mukha ng babae.
Napaupo ang mga babae ng unti-unti at hindi makapaniwalang nakatingin sa babaeng prenteng nakaupo sa upuan ni Brooch.
"Impostora, sino ka at paano ka nakapasok sa Satharia na walang nakakaalam?" Inis na tanong ni Menesis, ngumiti lang ng matamis ang babae na mas lalong kinainis nito.
"Hindi ako impostora, Tita Menesis. Ako lang 'to, si Alfalla." Hindi parin makapaniwala ang lahat, hindi parin nagsi-sink in sa utak nila ang babaeng nasa harapan nila na nakikita din nila sa hologram.
"Illusion."
"Hindi rin ako illusion Tito Bill, I'm real at pumunta lang ako dito para ipaalam sa inyo na tutulong akong puksain ang mga Executioner." Naging seryoso ang lahat dahil sa pagbanggit ni Alfalla sa Executioner.
"Paano kami maniniwala sa'yo kung mismong mga mata namin ay nakikita ang isang kasinungalingan. Isa kang ilusyon, isa kang impostora at higit sa lahat huwag mo akong tinatawag na Tita!" Sigaw ni Menesis at ibinagsak ang dalawang palad sa lamesa pero hindi man lang nagulat si Alfalla sapagkat naging seryoso lang ito.
Tumayo si Alfalla at lumapit sa hologram at tinuro niya kung saan nakikita ang imahe niya na nakikipag-usap kay Leera at Jaffna.
"Hindi ako 'yan, that's just my clone. Ang clone ko na 'yan na siyang ginawang abo ang lahat ng puno sa Cluestia, ang clone na siyang tumalo sa mga Apostoles ni Tita Genesis at ang clone na nagpahirap kay Tita Sarionaya."
'C-Clone? G-Gano'n kalakas ang babaeng 'to? Paano niya nabibigyan ng kapangyarihan ang sariling clone niya ng gano'n kalakas?' Sa isip ni Genesis habang tumitibok ang puso niya ng mabilis dahil sa kaba.
"Ang impostora ay ang nasa laro, gusto kong sumali pero naisip ko na bantayan nalang ang kinikilos niyo dahil pinapabantayan niyo rin naman ako. But to tell you this, konektado parin ang isip ko at ang tibok ng puso ko sa clone na 'yan. Ang dumadaloy na kapangyarihan sa dugo ko ay siya ding dumadaloy sa clone na 'yan kaya hindi din bihira ang lakas niya. But after this talk, babalik sa akin ang clone na 'yan at ako na mismo ang maglalaro. Wait, hindi 'yon madaya dahil hindi naman ako nanghingi ng tulong sa iba kaya hindi ako matatanggal." Nagngitngit ang mga ngipin ni Athena at ni Sarionaya dahil sa ugali ni Alfalla na nakangiting nakatingin sa kanilang lahat.
"Anong kapalit ng pagtulong mo?" Natuwang napatingin si Alfalla kay Genesis.
"Gustong-gusto kong makuha kaagad ang kapalit pero fair akong maglaro tita. Nasa prizes naman ang kapalit kaya maghihintay ako dahil alam kong ako din naman ang mananalo." Napangisi naman si Olcor dahil sa confident na pagkakasabi ni Alfalla.
"Paano ka naman nakakasigurong ikaw nga ang mananalo? Hindi mo pa nasasaksihan ang tunay na lakas ni Alisis at ni Zemma, baka mapahiya ka lang." Agad namang naglungkut-lungkutan si Alfalla at umupo ulit sa upuan.
"Hindi ko naman sila minamaliit, I expect a lot from their powers dahil anak si Zemma ng tunay na Diyosa, at hindi nakuha lahat ng responsibilidad kay Alisis. Pero inaasahan kong, kami ang maglalaban."
Gulat ang lahat dahil bakit alam ni Alfalla na hindi nakuha ang mga responsibilidad kay Alisis?
"So anong maitutulong mo sa amin?" Tanong ni Senny, nagbago agad ang timpla ni Alfalla dahil sa pagsabat ng Nanay niyang ni hindi man lang siya maalala.
Iniwas niya ang tingin niya kaagad at tumingin sa mga mata ni Genesis.
"I can help you, pero hindi ko masasabing kakampi niyo ako. Kayo ang bahala kung kalaban ba ang tingin niyo sa akin but I have my principle and needs. Alam kong nagtataka kayo kung sino ako, malalaman niyo din naman pagkatapos ng laro dahil sa kahilingang hihingiin ko." Ngising turan ni Alfalla, napalunok si Genesis dahil sa sinabi nito at napatingin kay Senny. Si Senny naman na naging seryoso ang ekspresiyon habang nakatingin sa babaeng kamukhang-kamukha ni Enexx.
"Bibigyan ko kayo ng hint kung sino ako." Tumayo si Alfalla at tinignan sa mga mata ang lahat.
"Tita Maleah." Tawag nito at sa isang iglap ay bigla nalang lumitaw si Maleah galing sa isang liwanag.
'S-Siya ang tinutukoy ni Maleah na may k-kakayahang tawagin ang mga totoong Diyos at Diyosa?' Sa isip ni Genesis at gano'n din ang nasa isipan ng halos lahat.
"Oras na pala para ipakilala ang nakatanggap ng aming regalo." Ngumiti lang si Maleah sa sinabi niya.
"Bata palang si Alfalla, may kakayahan na siyang tawagin kami na kahit wala pa siyang kamuwang-muwang sa mundong ginagalawan ninyo. Maraming napagdaanan, maraming pagsubok na siyang nalampasan niya pero hindi siya tumigil at mas nagpalakas. Lungkot, sakit at poot ang kaniyang nararamdaman lagi at ni kahit kasiyahan no'ng kabataan palang niya ay wala siyang naramdaman. Kaya hindi na ako nagulat na mas lumakas pa siya lalo dahil sa kalungkutan at sakit na siyang ginawa niyang inspirasiyon para magpatuloy sa buhay." Agad namang sumakit ang dibdib ni Alfalla dahil sa sinabi ni Maleah kaya kaagad siyang naglaho, napatingin sila sa hologram at nando'n ang clone ni Alfalla na natutulog na. Napansin nilang may liwanag na puti na pumasok sa katawan ng clone at ngayon, tunay na Alfalla na ang nakikita nila sa hologram.
"Siya pala." Bulong ni Genesis.
"Malakas ang batang 'yon, matutulungan niya kayo at natuwa ako dahil sa pagbigay ng tulong niya kahit hindi niyo naman kailangan. Pero ito lang masasabi ko, kayang-kaya niya ang kalaban, kayang-kaya ng kapangyarihan niya ang makipagsagupaan." Agad namang nagtaka ang lahat dahil sa sinabi ni Maleah.
"Hindi ka namin maintindihan, bakit gano'n nalang siya kalakas sa mga sinasabi mo?" Iritang turan ni Menesis, napatawa nalang si Maleah at tinignan sa mga mata si Menesis.
"Hindi niyo ba naiisip? Clone palang niya ang nasa laro, paano nalang kaya kung tunay na siya na ang maglalaro diba? At tiyaka may pinaninindigan ang batang 'yon at gagawin niya ang lahat para lang makuha ang gusto niya." Tumingin sa kawalan si Maleah at nararamdaman may tumatawag sa kaniya.
"Nahanap na namin ang isang Holy Goddess, nasa kaniya ang katawan ng isa sa kambal. Ang kaluluwa ng batang babae na Diyosa ay nasa katawan niya." Agad namang nagulat ang lahat.
"Nasaan siya? Baka makatulong siya sa amin!" Desperadang turan ni Sarionaya na nagpatango sa lahat.
"Nagbigay na siya ng tulong, kakaalis pa nga lang niya galing dito." Ang huling ngiti nalang ni Maleah ang nasilayan nila bago ito naglaho at iniwan ang lahat na nakanganga.
Nagkatinginan ang lahat at ang iba ay seryoso, ang iba naman ay gulat na gulat. Iisa lang ang nasa isip nila.
Si Alfalla ay ang isa sa mga hinahanap nila, si Alfalla ay isang Holy Goddess.