Kagabi palang ay hinanda na ni Aynna ang kanyang mga gamit na dadalhin sa pent house na lilipatan. Nalulungkot man dahil hindi siya sanay na malayo sa pamilya, kailangan niya sundin ang utos ng kanyang boss. Para din naman ito sa kanyang pamilya. Ngayong araw ang kanyang alis. Maaga siyang naggising para kahit sa kunting oras na meron nalang siya ay makasama niya ang kanyang Ina at mga kapatid.
Pinagmamasdan niya ang kanyang nakatatandang kapatid na pina-aarawan ang anak sa labas ng bahay. Ang kanya namang Ina ay nasa harap ng kanilang bahay, katulad ng kinagawian nito tuwing umaga, pagbubungkal ng lupa at pagtatanim ng mga gulay o di kaya ay prutas. Naka alis na ang kanyang tatlong kapatid, maaga itong pumasok dahil may programa sa kanilang paaralan. Habang siya naman ay inaantay nalang ang sundo niya papunta sa pent house ng Amo.
Hawak ang tasa na meron mainit na kape, pinag mamasdan niya lang ang kanyang Ina at kapatid. Hindi niya alam kung kailan ulit siya makakabalik dito dahil hindi pa naman niya nakakausap ang Amo. Nahihiya naman siya magtanong kay Althea tungkol aa Amo nila dahil bago pa lamang siya. Isa pa, sinabihan siya ni Althea na huwag siyang magiging usasera sa buhay ng Amo, iyon kase ang dahilan kaya mabilis natatanggal ang mga dati nitong naging butler.
Alas otso ng umaga dumating ang isang itim na kotse. Lumabas mula dito si Althea na may ngiti sa labi.
Tumayo siya sa kinauupuan niya at naglakad palapit kay Althea. " Handa na ba ang mga dadalhin mo?" Tumango siya sa dalaga. "Tutulungan na kitang magbuhat. Marami kabang dala?" Tanong pa ulit nito. Umiling naman si Aynna.
Niyakag niya si Althea na pumasok sa loob ng kanilang bahay. Kanina pa nakapasok sa loob ang kanyang kapatid at Ina. Inantay niya lang talaga si Althea na dumating kaya siya nakatambay sa labas ng bahay.
"Mama, aalis na po ako." Nang makuha ang dalawang bag kung san nakalagay ang kanyang mga gamit, nilapitan niya ang kanyang Ina na naghihintay sa sala kasama ang nakatatandang kapatid habang kalong nito ang anak.
Tumayo ang kanyang Ina at lumapit sa kanya. Hinawakan nito ng mahigpit ang kanyang dalawang kamay. "Mag-iingat ka doon. Kapag may problema ay huwag kang magdadalawang isip na tumawag. Pasensya kana anak, ikaw pa tuloy itong nahihirapan dahil sa naging sitwasyon natin." Malungkot na pagpapaalam ng kanyang Ina.
Mahinang umiling si Aynna. "Ayos lang po, Ma. Wag po kayo mag alala, tatawag po ako kay ate o di kaya dun sa tatlo." Nakangiting sabi ni Aynna. May kunting tampo man na nararamdaman si Aynna dahil kinailangan niya huminto para magtrabaho ay hindi niya ito sa sinabe sa Ina. Ayaw niya na dagdagan ang isipin ng Ina.
Lumapit siya sa kanyang Nakatatandang kapatid at hinawakan ang kamay ng sanggol. Dalawang linggo palang ng isilang ito, kaya nalukungkot siya dahil hindi niya ito makakasama ng madalas. Sumilay ang ngiti sa labi ni Aynna. Makakasama niya din naman ang pamilya niya ng matagal kapag pemanente na ang kanyang trabaho, sa ngayon ay magtitiis muna siya, sila.
"Mag ingat ka." Inangat niya sng kanyang tingin at tumango sa kapatid.
"Kayo din dito." Kinuha niya ang malaking bag na itim na kanyang nilapag sa sofa. "Aalis na po ako." Nauna ng lumabas ng bahay si Althea dala ang isa pa niyang bag. Nang makalabas ng bahay, hinihintay na siya ni Althea sa tabi ng kotse na kanilang sasakyan.
Huling sulyap bago siya pumasok sa loob ng kotse sa tabi ni Althea. Kumaway siya sa bintana ng kotse sa kanyang Ina at kapatid. "Handa kana?" Nilingon niya si Althea. Tinitigan niya ito bago gumuhit ang isang ngiti sa labi. Isang tango ang kanyang binigay sa dalaga.
Kalahating oras ang naging byahe nila bago huminto sa mataas at malaking gusali ang kotse na kanilang sinasakyan. Tinulungan siya ni Althea dalhin ang dalawa niyang bag, pagkababa nila sa sasakyan. Sa labas palang ay pansin na pansin ang pagiging magara ng gusali. Niyakag siya ni Althea pumasok sa loob.
"Halika, ituturo ko sayo kung saan yung pent house ni Mr.Velecua." Nakasunod lang si Aynna nang magsimula maglakad si Althea. Marami ang bumabati kay Althea, pawang kilala na siya sa buong gusali. Bawat tao na nakakasalubong nila ay binabati ni Althea.
Nang sumakay sa elevator naging magaan ang loob niya dahil hindi ito katulad ng elevator sa kompanya ng Amo. Nandun parin ang hilo at ang feeling niya na lumulutang siya pagkalabas nila sa elevator.
Pagkalabas nila, Isang pinto lamang ang kanyang nakita. Sakop pala ng Amo niya ang buong floor. 12th floor. May nilabas na susi si Althea sa bag niya. Binuksan niya ito at naunang pumasok. Nag aalangan pa si Aynna kung tutuloy ba siya sa loob pero hinila na siya ni Althea.
"Sa ngayon ay ikaw muna ang titira dito. Umalis kase si Mr. Velecua." Napatingin naman si Aynna kay Althea. Kung ganun ay mag isa lang siya dito.
"Hanggang kailan naman?" Hindi mapigilan na tanong niya. Gusto niya lang maging handa sa pag harap sa Amo niya.
Nagkibit balikat si Althea. "Hindi ko alam. Walang sinabi si Sir, pero magsasabe naman siya kung kailan uwi niya." Nakangiting sabi nito. Dahan-dahan naman na napatango si Aynna.
Okay narin na magisa muna siya. Hindi siya sanay na may kasamang lalake sa isang bubong, habang wala pa ang Amo. Uunti-untiin niya ang kanyang sarili.