Hinalikan ko sa noo sila Vanus at Magnus saka sabing, "Vanus, 'wag papabayaan si Magnus. Magnus, makikinig lagi kay kuya, and magpapakabait kayo, okay? " tanong ko sa aking mga anak.
"Yes, mommy," sabay na sagot sa akin ni Vanus at Magnus saka pumasok sa kanilang classroom.
Kumaway ako sa kanilang guro na tila nagpapaalam saka umalis, dumeretso ako sa bahay dahil hindi kailangan ang tulong ko sa cafe. Pag-uwi ko ay agad akong napaupo sa sofa at naisip ang nangyari sa cafe kahapon.
"Kumusta na kaya ang pakiramdam niya? Hindi ko nais na masaktan na naman siya ngunit wala akong ibang magagawa. I want to be with my sons, at lahat gagawin ko para matupad 'yon."
Bulong ko sa aking sarili, bago ko pa maalalang muli ang mapapait na sandali sa aking nakaraan ay naisipan kong linisin na lang ang bahay nang ako'y may magawa at malibang.
Tumayo ako at umakyat ng kwarto upang makapaglinis, una akong naglinis sa kwarto ng aking mga anak. Pinulot ko ang mga laruan sa sahig at inilagay ito sa isang kahon, inayos ang kanilang kama, inilagay ang kanilang mga labahang damit sa isang basket at saka ako lumipat sa aking kwarto.
Pagpasok ko sa aking silid at kinuha ko ang aking maruming damit at ito'y inilagay ko sa basket na kinalalagyan din ng damit ng aking mga anak.
Bumaba ako at dumeretso sa labas dahil na roon ang washing machine at ang iba pang gamit sa paglalaba.
"Dapat matapos ko ito at maisampay bago ko sunduin ang kambal, ipapasyal ko na rin sila't baka naiinip na sila rito sa bahay."
GUMISING si Felix ng may naguguluhang ekspresyon, hindi siya nakatulog ng maayos dahil hindi siya mapakali at siya'y apektado pa rin sa nangyari.
Naalala niya ang usapan nila ng kaniyang kaibigang si Lenard.
"Tiana Moore, siya ay twenty-eight years old, pinanganak noong February 6, 1993, nakatira sa bahay nila na may bubong, pinto at binta—" Naputol ang sasabihin ni Lenard ng sumingit si Felix.
"Lenard, ako ba ginagago mo? Mukha ba akong nakikipaglokohan?" tanong ni Felix sa kaniyang kaibigan.
"I mean hindi kita nakikita dahil phone call lang naman ito?Pero sabi ko nga ito na, sobrang serious mo naman fafs. Kalma, puso mo naiwan sa first love mo," wika ni Lenard, "Tiana Moore, twenty-eight years old, nakatira sa Manhattan Village banda CM, ang work niya is isa siyang Web developer and owner din siya ng V&M Cafe. Fun fact, yung V&M nanggaling 'yon sa names ng kambal niyang anak na si Vanus and Magnus."
"Alam ko na lahat 'yan, maliban sa meaning ng V&M, ano pa? Wala na ba? May asawa na ba siya? Sino ang ama ng mga anak niya? Kailan siya nanganak? Check mo rin nga background ng mga anak niya." Utos ni Felix kay Lenard.
"Wow...iba ka rin ano? Kung makapag-utos ka akala mo naman binabayaran mo ako. Pasalamat ka at kaibigan kita, saglit lang."
"Kung kailangan ng bayad edi magbabayad ako. Basta lahat ng mahahalagang impormasyon tungkol sa kanila ibigay mo sa akin," ani Felix saka naupo.
"Tiana is not married, not engaged nor in a relationship. Wala silang daddy, I mean wala rito, unknown? Accident siguro ang pagbubuntis niya? I don't know," saad ni Lenard na ikinataas naman ng kilay ni Felix.
"How about the kids? Any information?"
"Okay, so Vanus is the eldest and Magnus is the youngest. Sila ay ipinanganak ng mama nila noong birthday nila kung ang tanong mo ay kailan s'yempre noong araw na nanganak si Tian—"
"Lenard, isa pang beses na gaguhin mo ako sisiguraduhin kong malalagot ka sa nanay mo." Banta ni Felix sakaniyang kaibigan rinig niya ang pag-ubo nito mula sa kabilang linya.
"So tulad nga ng sabi ko, si Vanus ang panganay at si Magnus ang bunso. Birthday nila is March 17, 2014, lumaki sila na ang kasama lang ay ang kanilang nanay. Nag-aaral sila sa schoo— I mean sa Refuerzo Academia," wika ni Lenard saka ibinaba ang tawag.
Bumalik naman agad sa reyalidad si Felix at napabulong sa kaniyang sarili.
"Wala silang tatay? And they are seven years old, turning eight this year," mahina nitong wika, "maari kayang ako ang ama nila? Wait, nang makabalik ako ng pinas...seven years ago before she left may nangyari sa amin. Ang mga anak niya ay seven years old, turning eight."
Natigil siya sa pag-iisip nang marinig niyang tumunog ang doorbell, nagmamadali si Felix bumaba at buksan ang pinto, pagbukas ng pinto ay bumungad sa kaniya ang nakangiting mukha ng kaniyang ina.
"Felix! My baby! I missed you!" sabik na wika ni Felicia, saka hinagkan ang kaniyang anak.
Niyakap naman ni Felix pabalik ang kaniya ina at ang ama, saka tumango sa kaniyang nakatatandang kapatid. Pumasok sila sa loob ng bahay at naupo sa bagong sofa.
"Omy, hindi ka pa rin ba tapos mag-ayos at maglinis dito? Kawawa ka nama—Sabi ko naman sa 'yo na papuntahin nalang ang iba nating kasambahay para naman matulungan kang maglinis at mag-ayos ng gamit,saglit nga at tatawag ako sa kanila." Nagmamadaling tumayo ang kaniyang ina at binunot ang cellphone mula sa kaniyang bag.
"Akala ko kasi kaya ko na gawin mag-isa, kaso may mga kailangan akong tapusin," saad ni Felix na naging dahilan upang matawa ang kaniyang kapatid na si Ricci.
"Akala mo lang 'yon, bakit ka nga pala napatawag sa akin kagabi? Ano naman ang kailangan ng magaling kong kapatid?" sarkastikong wika ni Ricci.
"Oh, yes. Halika, may ipapakita ako sa iyo," wika ni Felix.
Tumayo na lamang si Ricci at sumunod sa kaniyang nakababatang kapatid, nang marating nila ang kwarto ni Felix ay nag salita siya, "Ano ang ipapakita mo sa akin?"
"Kuya, wala akong ipapakita. May gusto akong itanong sa 'yo," mahinang wika ni Felix dahil nangangamba siyang baka may ibang makarinig.
"Ano ba 'yon? Sabihin mo na, 'wag ka na magpatagal."
"Kuya, what if seven years ago mayroong nangyari sa inyo ng girlfriend mo tapos ngayon lang kayo ulit nagkita at mayroon na siyang mga anak. Seven years old na at turning eight pa."
"Seven years ago? And may anak na siya na seven years old turning eight? Isa lang ang ibig sabihin no'n! Niloko niya ako noong kami pa!" matigas na wika ni Ricci.
"What?"
"I mean seven years ago, may nangyari sa amin tapos seven years old na anak niya turning eight? Dapat six years old pa lang! Hindi na ba siya nag buntis ng siyam na buwan? Basta noong nalaman niyang buntis siya nanganak na agad? Impossible," saad ni Ricci habang umiiling.
"What?! Sa tingin mo ba kaya akong lokohin ni Tiana?!"
Agad namang napatingin kay Felix ang kapatid niya, "WHAT?! SI TIANA?! MAY ANAK?!" gulat at pasigaw na wika ni Ricci.
Napatakip naman ng bibig si Felix, hindi niya sinasadyang banggitin ang pangalan ni Tiana, magsasalita na sana siya nang biglang bumukas ang pinto ng kaniyang kwarto.
"SI TIANA MAY ANAK NA?!" sabay at pasigaw na wika ni Felicia at Brix na ikinagulat naman ni Felix.
"Mom! Dad! Nakikinig ba kayo sa usapan namin ni kuya?!"
"FORGET ABOUT THAT! MAY ANAK NA SI TIANA AT SEVEN YEARS OLD NA?! WHAT THE FUCK? SERYOSO KA BA ANAK O BAKA NAMAN NAHIHIBANG KA LANG DAHIL SA SOBRANG PAGKA-MISS KAY TIANA?!" sigaw ni Felicia.
"Honey, calm down. Bumaba muna tayong lahat at doon tayo mag-uusap, you better tell us the truth, son." Pag-awat ni Brix sa kaniyang asawa saka sila bumaba.
Napalunok naman si Felix at napatingin sa kaniyang kapatid na umaktong parang wala siyang ginawang nagdulot ng pasakit kay Felix.
"What? Hindi ko naman intensyon ipaalam sa kanila. Aksidente lang ang nangyari," wika nito saka sumunod sa kanilang magulang habang nagpipigil ng kaniyang tawa.
"Ano ba naman 'to, paano ko ipapaliwanag sa kanila 'to."
Nang makababa si Felix ay nadatnan niyang nakaupo na ang kaniyang pamilya sa sala at siya na lamang ang hinihintay. Umupo siya sa harap nila at huminga ng malalim bago mag salita.
"Nakita ko si Tiana kahapon, nag-usap kami and then I found out na may anak na siya at kamukhang kamukha niya. Last night, tumawag ako kay Lenard para humingi ng tulong and nalaman ko na she's not married, not engaged nor in a relationship. May hinala ako na baka ako ang ama, baka ako ang tatay ng mga anak niya," saad ni Felix na nagpataas ng kilay ni Felicia.
"Sabi mo seven years old na sila turning eight, pero naghiwalay kayo seven years ago, dalawa lang 'yan. It's either she cheated or itinago niya na may anak na kayo," wika ni Felicia habang nakaturo kay Felix.
"Actually mom, isa lang 'yon. She cheated or she cheated, ang tanga naman ni Felix kung hindi niya malalaman na buntis pala ang nobya niya," saad naman ni Ricci habang nakatanday sa armrest ng upuan.
"Exactly! Ricci, kung tanga ang anak ko! Tanga ba ang anak ko? Oo, P'wede at medyo."
"Felicia, Ricci, kumalma muna kayo. Sa tingin niyo ba magagawa ni Tiana na lokohin si Felix?"
Lumingon naman si Felicia at Ricci kay Brix.
"Well, Maybe? Look, Brix. Hindi naman sa hinuhusgahan namin si Tiana pero parang gano'n na nga kasi everything is possible, nothing is impossible okay?!"
Napabuntong hininga naman si Brix saka nagsalita, "Felix, maraming p'wedeng nangyari at mangyari. Maaari ngang niloko ka niya, maaari na itinago niya sa 'yo ang kaniyang pagbubuntis, at marami pang iba. Ang tanong ko lang ay ano ba sa tingin mo ang nangyari? At bakit sa tingin mo ano ang dahilan?" mahinahong saad ni Brix sa kaniyang balisang anak.
"Hindi ako magagawang lokohin ni Tiana, alam ko 'yon at naniniwala ako ron dahil hindi siya gano'ng klase ng tao. Maaari ngang itinago niya sa akin...natatandaan niyo ba na nine years ago, noong lumipad tayo papuntang amerika doon nag-umpisa na mag-iba ang trato niya sa akin, at noong bumalik tayo'y isang beses lang kami nagkita at bigla nalang siyang naglaho na parang bula," saad ni Felix habang nakatingin sa sahig.
"Kaya nga 'di ba, baka nakakita si Tiana ng matino at hindi sira ang ulo kasi kung ako siya, bye Felix na."
Bumalik ang mga alaala na pilit niyang ibinabaon sa hukay.
"Tiana!" masiglang bati ni Felix sa kaniyang nobya saka tumakbo palapit kay Tiana, nang makalapit siya ay agad niya itong niyakap ng mahigpit, "na-miss kita! Sobra! Hindi mo kasi sinasagot ang mga tawag ko, buti na lang at nakarating ka."
"Felix, I have something to tell you," seryosong wika ni Tiana na nagpakaba kay Felix, "I want to break up with you."
"W-What are you saying? Baby, galit ka pa rin ba? Sorry na, hindi ko naman kasi alam na mag-stay pala kami roon ng taon, pero 'di ba nakakapag-usap naman tayo? Minsan naman umuuwi ako rito para makasama ka, sorry na po."
"Felix, I'm serious. I want to break up with you, pagod na ako. Ayoko na," saad ni Tiana na nagpahina sa mga tuhod no Felix.
"M-May nagawa ba akong mali? Tiana, please pag-usapan muna natin ito," nakikiusap na ani Felix.
Bumuntong hininga si Tiana at saka nag salita,"Okay."
Bago pa magtungo sa isang mainit at masakit na pangyayari ang isip ni Felix ay hinampas siya ng kaniyang ina na si Felicia.
"Ano naman ang iniisip mo? Flashback? Kulang na lang kantahan ka namin. Sabihin mo ang gusto mong sabihin at 'wag mo kaming bitinin kung hindi ikaw ang ibibitin ko, naiintindihan mo ba ako, Felix?" inis na wika ni Felicia.
"Mommy naman, kasi nga malakas talaga ang kutob ko na ako ang ama, at alam kong hindi niya ako lolokohin." nagmamaktol na wika ni Felix.
"Bakit nga at ano nga, letseng bata ito! Sumagot ka kasi, sabihin mo kung bakit, paano at ano, kung sinagot mo agad at nilinaw mo edi sana hindi tayo tatagal!"
Sa lahat ng ayaw ni Felicia, pinaka-number one sa listahan ang pinaghihintay siya pero itong anak niya na hintay lang din niyang lumabas sa sinapupunan niya ng siyam na buwan ay sinusubok ang pasensya niya.
"Kasi po may nangyari sa amin bago tayo umalis at hindi ako gumamit ng condom! At alam kong hindi niya ako lolokohin dahil kasi alam ko lang, 'wag na kayong magtanong!" iritadong saad ni Felix.
"Ganiyan! Sabihin mo lang na 'Gusto ko kasing mabuntis na siya para wala na siyang kawala.' pinahaba mo pa, Brix, ito na ba pinakamabilis mong bata? Mas mabagal pa sa pagong, eh." Umismid si Felicia at tumayo upang pumunta sa kusina dahil nauhaw siya sa kahihintay sa pesteng sagot ng kaniyang magaling na anak.
"Mom! It's unintentional! Hindi ko 'yon sinasadya!" sigaw ni Felix para paalalahanan ang ina.
"Ganoon rin 'yon! 'di ba sabi mo 'Hindi ako gumamit ng condom' at hindi 'Nakalimutan kong gumamit ng condom' that's different son, gusto mo lang talaga at huwag mong ikakaila dahil kapag ako napahiya sinasabi ko sayo, makikita mo hinahanap mo." Banta ni Felicia saka uminom ng tubig.
Tumahik naman si Felix at pinagkrus ang kaniyang mga braso.
"My son, okay, I know she won't do that to you but ano na ang gagawin mo ngayon?" tanong naman ng pinakamatino sa kanilang pamilya.
"I want to know the truth, Pa. Gusto kong malaman ang totoo at gusto kong mabuo ang pamilya namin kung ako man ang tunay nilang ama."
"Iiyak na ata si Felix, eh . Tulungan ko na nga, kuha ka ng kahit anong p'wedeng makuhaan ng DNA nila tapos ibigay mo sa akin," wika ni Ricci habang ngumunguya ng inilagay na pagkain ni Felicia sa lamesa.
"Anak, natutuwa ako na ganiyan ang iniisip mo, at ang plano mo pero what if— what if lang naman, hindi naman sa pinag-ooverthink kita pero what if hindi mo pala anak yung kambal tapos niloko ka pala ni Tiana?" tanong ni Felicia sa kaniyang anak.
"Mom!"
"Ito na, ito na! Titigil na nga, eh."
"Wait, what did you say?" tanong ni Felix.
"Titigil na? Ayaw mo ba? Game pa naman ako." nagbibirong wika ni Felicia saka tumawa.
"Kambal? Paano mo nalaman na kambal ang anak ni Tiana?" nagsususpetsang tanong ni Felix sa kaniyang ina.
Umiwas ng tingin si Felicia at tumingin sa sahig, "Wow, ano ito? Sahig? Nice."
"Mom! Paano mo nga nalaman," ulit na tanong ni Felix.
"Ay anak, may kumakatok, tignan mo nga kung sino," wika ni Felicia.
Sa huling pagkakataon ay tinignan niya sa mata ang kaniyang ina saka lumakad papunta sa pintuan, binuksan niya ang pinto at nagulat siya sa nakita niya.