Pumasok ako sa school dahil iyon ang sabi ni Brey. Ewan ko nga ba sa lalaking 'yon. Puwede naman na akong hindi pumasok dahil kompleto na nga ang mga projects ko at pirmado na lahat ng subject ko sa clearance. Sabi niya, para hintayin ko raw siya at sabay kaming pupunta sa bahay niya para sa tutorial. Puwede namang ako na lang ang pumunta sa bahay niya 'di ba?
Oh well, hayaan na nga.
"Nasha, why are you here? 'Di ba dapat nagbabakasyon ka na? Bakit pumapasok ka pa?"
Napalingon ako sa nagsalita. Si Jannise pala. Nakaupo kasi ako sa bench ng hallway. Ayo'kong pumasok sa classroom namin e. S'yempre, magtataka 'yong mga classmates ko kung bakit pumapasok pa ako.
"Ah, kasi..."
Ano ba ang isasagot ko? Hindi ko naman puwedeng sabihin sa kaniya ang tungkol sa kissing tutorial.
Isip ka ng palusot, Nasha!
"Kasi... uhm..."
"Kasi ano? Spill it out!"
"Kasi... uh... wala lang. Gusto ko lang mamasyal dito sa school. Boring kasi sa bahay."
"Namamasyal ka? Dito sa school? Kakaiba ka talaga Nasha! Pati school pinapasyalan mo! Ang dami kayang lugar na p'wedeng pasyalan."
"Eh... basta! Dito nga ang trip ko e."
"Okay. May pupuntahan ka ba mamayang dismissal?"
"Uhm, oo."
"Saan?"
"Basta! 'Wag nang maraming tanong. Bumalik ka na sa classroom niyo. Baka marami ka pang dapat asikasuhin."
"Sige. Basta sa Saturday, pasyal tayo. Namimiss na kasi kitang ka-bonding."
"Sure!" Ngumiti ako.
"Bye!" Kumaway siya at nginitian ako saka umalis.
As if on cue, tumunog ang cellphone ko. Kinapa ko ang aking bulsa para hugutin ang cellphone.
"Hello?"
"Hello Grace," sagot nito mula sa kabilang linya.
"Oh, Brey. Napatawag ka?"
"Nasaan ka?"
"Nandito sa school. Nakaupo sa bench, sa hallway."
"'Wag kang aalis diyan, pupuntahan kita mamayang lunch. Okay?"
"Okay." Pinutol ko na ang linya.
Ano na naman kaya ang susunod niyang ituturo? Nagtataka nga ako kung saan niya natututunan ang mga halik na nalalaman niya. Ang galing niyang humalik e. Alam na alam niya kung paano gawin. Naalala ko na naman tuloy 'yong first kissing tutorial. Ang lambot talaga ng lips niya, promise! At sobrang g'wapo niya pa. Baka akala niyo may gusto ako sa kaniya? Wala ah. Ayo'ko munang magkagusto sa sinumang lalaki ngayon kahit crush lang. Pero hindi ko lang talaga mapigilang humanga kay Brey. Napaka-perpekto ng mukha niya.
Napatigil ako sa pag-iisip nang makita ko si Tristan na nakaupo sa kabilang bench na medyo malayo. Nakatingin siya sa'kin habang naka-de kuwatro. Nakaramdam ako ng konting kaba kaya dahan-dahan akong huminga nang malalim saka siya inirapan. Nakikita ng peripheral vision ko na tumayo siya at ambang lalapit sa 'kin kaya agad akong tumayo at umalis sa pywesto ko. I'm sure, lalait-laitin na naman ako ng lalaking 'yon!
Tumakbo na ako para hindi niya ako maabutan. Ayo'kong maabutan niya ako dahil kapag naabutan niya ako, puro panlalait lang ang makukuha ko. Hindi ko pa siya haharapin hangga't hindi pa ako natututong humalik at magbago. Oo, babaguhin ko ang sarili kapag handa na akong harapin siya at maghiganti.
"Grace? Why are you running?"
Nasalubong ko si Brey na may hawak na mga folders.
"Ah, wala. May tinakasan lang ako."
"Who?"
"Si... Tristan. Sinusundan niya kasi ako, e hindi ko pa siya kayang harapin."
"Doon ka na lang muna sa classroom namin maghintay." Pagkatapos ay hinila na niya ako papasok sa building nila.
Pinagtitinginan kami ng mga estudyante rito sa building nila habang hila-hila ako ni Brey. Naalala ko tuloy noong kami ni Tristan ang magkasama. Nakaka-conscious kaya kapag pinagtitinginan ka.
Nang makapasok na kami sa classroom nila, pinaupo niya ako sa bakanteng upuan sa tabi niya. Sa tabi kami ng bintana nakaupo sa last row. Pumunta siya sa harap kung nasan ang teacher's table at inilapag doon ang mga folders na hawak niya. Binuklat niya ang mga ito at tinawag ang mga pangalan ng classmates niya isa-isa. Siguro, clearance nila ang mga 'yon.
"Brey, sino 'yong babaeng kasama mo?" tanong ng classmate niyang babae.
"Oo nga, dude," sabi naman no'ng classmate niyang lalaki.
"Girlfriend mo ba siya? Bakit nerd pa?" tanong no'ng isang lalaki.
Okay, okay. I know I'm nerd pero sana naman hindi na nila iyon binanggit, tinatamaan ako.
Hindi siya sumagot. Patuloy lang siya sa pagbigay ng mga folders sa mga classmates niya. Binaling nila ang mga tingin nila sa 'kin, naghihintay ng sagot.
"Ah, eh—"
"I'm his tutor," sagot ni Brey na nagputol sa sasabihin ko.
Napatingin silang lahat sa kaniya.
"TUTOR?" sabay-sabay nilang sabi.
No! Brey! Don't dare to tell it!
Napatingin siya sa kanila nang nakataas ang isang kilay.
"Paano ka niya magiging tutor eh nerd siya. Matalino siya 'di ba?" tanong ng classmate niya.
Oo nga 'no? Bakit kailangan niya pa akong i-tutor eh matalino naman ako? Pero, iba kasi ang tinuturo niya eh!
"I'm tutoring her how to..." Napatingin siya sa 'kin nang nakataas pa rin ang isang kilay.
Oh no! Don't tell me na sasabihin niya talaga ang tungkol sa tutorial?!
Nanlalaki ang mga mata kong tumitingin sa kaniya para senyasan siyang huwag sabihin.
Ibinaling niya ulit ang tingin niya sa mga kaklase niya.
"...be cofident," pagpapatuloy niya.
Nagpakawala ako ng malalim ma buntong-hininga. Thank God, hindi niya sinabi! Pero, bakit kaya iyon ang sinagot niya?
"Oh," sabay-sabay nilang sabi habang tumatango.
***
Sa isang fast food chain kami kumain dahil kung doon kami sa cafeteria, pagtitinginan lang kami. Alam niyo na, 'yong mga nakakakilala o mga fan girls ni Tristan at baka makita pa namin siya mismo roon. Ayo'ko muna kasi siyang makita hangga't hindi pa kami natatapos sa tutorial.
"Tatlo ang ituturo ko sa 'yo ngayon, 'di ba?" tanong ni Brey matapos niyang inumin ang softdrinks niya.
Tumango lang ako habang nginunguya ang spaghetti na nasa bunganga ko.
"Kapag natapos na natin lahat ng kissing tutorials, I'll give you a test," sabi niya at sinimulang kainin ang french fries.
Nagkaroon ako ng pagkakataong tumitig sa kaniya. Sobrang g'wapo niya talaga. Napakaperpekto. Ang tangos ng ilong, ang ganda ng mga mata, pinkish at malambot ang labi, ang kinis ng balat, lahat-lahat na ng magagandang katangian ay nasa kaniya na. At mabait din siya. S'werte ang babaeng mapapangasawa niya. Promise!
Nahuli niya akong tumititig sa kaniya dahil napatingin siya sa 'kin habang nakataas ang kanang kilay. Umiwas ako ng tingin. Bumaling na lang ako sa kinakain at ipinagpatuloy ang pagkain ng sphagetti.
"Are you staring at me?"
Agad akong napatingin sa kaniya. "H-hindi 'no! May iniisip lang ako. Tulala kasi ako kaya akala mo aynakatitig ako sa 'yo," palusot ko.
Ang galing kong magpalusot! Ang ganda ng dahilan ko. Effective! Walang halong sarcasm ang sinabi ko ha? Literal 'yon.
Nagkibit-balikat siya at hindi na pinansin ang sinabi ko. Ipinagpatuloy na lang niya ang pagkain.
Napatitig ulit ako sa kaniya. Super duper to the highest level na ang kag'wapuhan niya! I can't help it. Crush ko na siya kahit kasasabi ko pa lang na ayo'ko munang magka-crush. Paghanga lang naman 'yon. Well, hindi naman natin mapipigilan ang sarili natin na magka-crush, 'di ba? Normal lang 'to.
***
Nang makarating na kami sa mansion niya, dumiretso na kami sa music room, kung saan namin unang ginawa ang kissing tutorial. It's already 2 PM. Fifteen minutes lang naman ang tutorial, o baka kalahating oras kapag hindi ko pa na-master 'yong kiss. Ganoon nga katagal.
Umupo na kami sa sofa na magkatabi at magkaharap.
“I’ll teach you the ‘Butterfly kiss’”
Butterfly kiss? Paano kaya ‘yon? Na-e-excite na ako! Ewan ko ba sa sarili ko, nagugustuhan ko na ang kissing tutorial na ito.
Dahan-dahan niyang inilapit ang mukha niya sa ‘kin kaya napapikit ako. Naramdaman kong dumampi ang mainit niyang labi sa labi ko, light lang ang pagkakadampi nito. I felt something brushing lightly on my eyelashes so I opened my eyes. Nakadilat ang kaniyang mga mapupungay na mga mata. He was blinking fast so our eyelashes fluttering together like butterfly wings.
After 8 seconds, humiwalay na siya. Aww. Kabitin. I want more. Ah! Ano ba ‘tong iniisip ko?
“Now, you do it.”
Heto na! Ako naman ngayon ang first move. Parang ayaw kong ako ang mauna, parang mas gusto ko na si Brey ang laging gagawa ng first move. Kaya nga pinapasubok sa ‘yo para matuto ka nga ‘di ba?! Nababaliw na yata ako ah.
Inilapit ko ang mukha ko sa kaniya nang dahan-dahan. Nang magdampian na ang mga labi namin, I blink my eyes then our eyelashes fluttering together. Pagkatapos, humiwalay na ako.
“Good. Mukhang mabilis ka nang natututo unlike kahapon. Now, let’s move on to the next kiss. The ‘Cheek kiss.’ Napaka-simple lang ‘yan. Alam kong alam mo na ‘yan kaya you do the first move.”
Ako? Naman oh! Ayo'ko talaga ‘yong ako ang gagawa ng first move! Pero, no choice eh. Ganiyan talaga kapag hindi marunong humalik.
Lumapit ako sa kaniya and kissed his cheek.
“Okay. The last one is the ‘Angel kiss’.”
He moved closer as I closed my eyes. I felt his lips touched my right eyelid gently, then at the spot right next to my eye. Humiwalay na siya and I was about to do it too but he stopped me. Nagtaka naman ako. Bakit kaya?
“Why did you stop me?”
“Ako lang ang gagawa n’on. ‘Di kasi bagay kapag babae ang gagawa no'n sa lalaki. P'wede ka nang umalis. We’ll continue the tutorial on Saturday. Every weekend na lang natin gagawin ang kissing tutorial. Masyado na kasi akong busy tuwing weekdays. Pero kapag may free time ako ng hapon, 5 PM aymagtu-tutor ako.”
Tumayo na ako. “Okay.”
Hinatid na niya ako sa labas ng gate nila.
“Bye, Brey.”
Bago pa ako makalabas ng gate ng bahay niya, tinawag niya ako kaya napalingon ako at tinanong siya kung bakit. Pero hindi siya sumagot. Nilapitan niya lang ako at hinalikan sa pisngi.
Kumaway siya at agad na pumasok sa loob ng bahay niya.
Hala! Bakit niya ginawa 'yon? Wala naman sa tutorial 'yon e!
May naramdaman akong something sa loob ng sikmura ko. Kinikilig ba ako? Ganito rin kasi ang naramdaman ko kay Tristan. Oh no! Hindi p'wede 'to! Sana hanggang crush lang ang tingin ko kay Brey.