Nang makababa ako ay naabutan kong tapos ng kumain sila nanay at naligpit na rin ang mga pinggang kanilang ginamit. Dahil hindi ko na naman sila naabutan pa ay mag-isa na lamang akong kumain. Adobong kangkong na hinaluan ng tokwa ang ulam na nakahain ngayon sa lamesa namin.
Umupo na ako sa aking upuan at tahimik na nagsalin ng kanin sa aking pinggan at kumain. Matapos kong kumain ay nagpasya akong magtungo na muna sa likod bahay para makapagpahangin at makapag-isip-isip. Patuloy pa rin kasi akong binabagabag ng isiping iyon patungkol sa narinig ko kaninang pinag-usapan ng mga estudyante sa library.
Grupo ng mga kalalakihang galing siyudad daw na nakita nila kanina lamang. Alam ko naman na imposibli talagang sila iyon dahil marami rin namang mga taga siyudad ang nagpupunta dito sa bayan namin para magliwaliw. Ang kaso nga lang ay hindi ako sigurado roon. Kahit pa sabihing marami at hindi lang naman sila ang nagagawi rito ay may posibilidad pa rin.
"Teka nga muna, Rie...bakit mo naman kase iniisip 'yan?" Tanong ko sa aking sarili.
Marahil ay dahil iyon sa kadahilanang siya ang unang lalaking nakaagaw sa aking atensiyon? Tanging lalaking nagawang pakabahin ang aking dibdib? Natatanging lalaki na nagawa akong lunurin sa pamamagitan ng kanyang mga mata.
Mahigit dalawampong minuto rin ang iginugol ko sa pag-iisip ng tungkol sa bagay na iyon. Kaya naman pinili ko na ring bumalik na sa loob ng bahay at atupagin na lamang ang mga aralin kong hindi ko pa natatapos. Tumayo na ako at pumasok na sa loob ng bahay. Naabutan ko namang nag-uusap ang aking mga magulang ng tungkol sa kung saan.
Base sa nakikita ko sa kanila ay mukhang seryoso sila sa kanilang pinag-uusapan dahil sa labis na pagkakunot ng noo ni nanay. Maaaring may kinalaman na naman iyon tungkol sa akin dahil nakikita ko lamang silang gano'n kapag ako na ang nagiging usapin.
Ang akala ko ay may kinalaman iyon sa akin ngunit ng marinig ko ang pamilyar na pangalan ng isang tao, ay alam kong nagkamali ako tungkol sa kung ano o sino ang kanilang pinag-uusapan.
"Nakita ko kanina si Monette, Laura. Kasama ang mommy niya..." Si tatay ang narinig kong nagsabi noon.
Ang buong akala ko'y pati si tatay ay walang alam tungkol sa kaibigang iyon ni nanay ngunit hindi.
"...nagbabakasyon yata rito. Kasama ang mga Buenasesca." Patuloy na sabi ni tatay.
"B-Buenasesca ba kamo, Bonie?" Alanganing tanong ni nanay.
I was thinking a while ago that they're talking about me but no, it's not. They're talking about that certain person whom I envy. And plus the fact that they're talking about someone's family name.
Ito ang unang pagkakataon na narinig ko apelyidong iyon sa tinagaltagal ko ng nakatira rito. Hinayaan ko na lamang sila sa kung ano man ang pinag-uusapan nilang iyon at dumiretso na ng lakad patungo sa aking silid. Pinili kong pag-aralan na lamang ang tungkol sa mga araling binigay sa amin ng aming propesor.
Habang nag-aaral ay bigla na lamang naagaw ng isang libro na may nakapinid na bookmark yata iyon ang aking atensiyon. Itinigil ko ang aking ginagawa at nilapitan ang aklat kong 'yon para tignan. Nagtataka kase ako kung bakit mayroon iyon gayung hindi naman ako mahilig sa mga ganyan.
Libro ko iyon sa isang major subject namin na una kong pinasukan kanina. Nang buklatin ko naman ang aklat ay hindi naman 'yon isang bookmark kung hindi isang tabas ng blankong color paper lamang.
Maybe Belinda put it on my book thinking it was hers. Kase siya lang naman ang nakatabi ko kaninang pumasok ako sa klase at wala ng iba kaya malaki ang posibilidad na siya nga iyon.
Dahil hindi naman 'yon gaanong mahalaga ay pinabayaan ko na lang din at piniling balikan kung ano ang ginagawa ko kanina. Mag-iisang oras na rin simula ng bumalik ako sa pag-aaral kaya naman nakararamdam na rin ako ng antok.
Dahil sa antok na aking nararamdaman ay itinigil ko na ang aking pag-aaral at pinili kong matulog muna kahit saglit. Tutal naman ay wala na rin akong klase ngayong araw dahil tuwing umaga lamang ang pasok ko sa eskwela.
Hapon na nang magising ako, sa tansya ko ay mga alas kwatro na rin. Mahigit tatlong oras din pala ang aking itinulog. Ang akala ko kanina ay sasaglit lamang ako ngunit tila napasarap pa yata dahil sa oras na aking itinagal.
Lumabas na ako sa aking kwarto ng makapag-unat-unat at mahimasmasan na. Pagkalabas ko ay nag-diretso ako ng tungo papunta sa labas ng aming bahay para makapag-walis ng bakuran. Kinuha ko ang walis tingting at pandakot malapit sa ilalim ng malaking puno ng santol kung saan ang aming pahingahan.
Habang nagwawalis ako ay nakita ko ang naglalakad na si Belinda patungo sa aming bahay kasama ang nakatatanda niyang kapatid na si Jones. Nakasuot ng bughaw na bulaklaking daster si Belinda at nakaladlad lamang ang kanyang buhok.
Si Jones naman ay nakasuot ng simpling T-shirt na kulay gray at isang jersey shorts na kulay itim. Clean cut ang tabas ng kanyang itim na buhok. May mapupungay na mga matang nagiging kulay kayumanggi kapag naaarawan. Matangos ang medyo may kahabaan niyang ilong at mapupula ang kanyang mga labi.
Maputi si Jones kagaya ng kaibigan kong si Belinda. Kahit pa sabihing dito rin sila lumaki at nagkaisip sa isang probinsya. Marahil ay dahil maputi rin naman si Aling Marta at dagdag pang hindi naman sila masyadong nauugnay sa mga gawaing bahay.
Kahit pa nagtitinda rin lang naman sila sa palengke ay tiyak ko namang malayo ang estado ng kanilang pamumuhay sa amin. Isa ng kompermasyon doon ang pagkakaroon nila ng sariling pwesto sa palengke at tindahan sa kanilang bahay.
Malaki-laki rin iyon kaya hindi na nakapagtataka na hindi naman sila naghihirap, dagdag pang masipag din ang mag-asawang Dolores, ang mga magulang nila Belinda at Jones. Nang makalapit na sila sa aming tarangkahan ay tinawag ko na si Belinda.
"Nagpunta kayo dahil?" Salubong ko sa kanila habang patuloy pa rin ako sa pagwawalis.
Hindi nila sinagot ang tanong ko, sa halip ay pareho silang dumeritso sa upuan na nasa ilalim ng puno ng santol. Hinayaan ko na lamang silang maupo roon at ipinagpatuloy ang ginagawa kong pagwawalis. Nang matapos ako sa aking ginagawa ay lumapit na ako sa kanila upang makipag-usap tungkol sa kung ano ang kanilang sadya sa akin.
"Bakit kayo nandito ha, Belinda? Jones?" Tanong ko sa kanilang dalawa.
Nagkibit lamang ng balikat ang aking kaibigan habang itinataas baba ang kanyang mga kilay na tila ng aasar sa hindi ko malamang dahilan.
"Gusto mong sumama?" Ani Jones.
"Sumama? Saan naman aber?" Tanong kong muli.
"Sa party. Engagement daw ng nag-iisang apo na lumaki sa Maynila. Doon sa mga Buenasesca? Mamaya na iyon. Alas sais ng hapon magsisimula." Pagsingit naman ni Belinda.
Ang akala ko kanina ay puro pagtataas na lamang ng kilay at pang-aasar ang gagawin nitong kaibigan ko sa akin at hindi na mag-sasalita pa.
"Engagement party? Sandali, eh paano naman kayo naging imbetado? Kakilala niyo ba ang mga iyon?" Kuryusong tanong ko.
"Kakilala raw nila mama sabi sa amin kaya gano'n." Si Jones na ang sumagot sa tanong ko.
Pag-iisipan ko pa sana kung sasama ba ako sa kanila o hindi ngunit naagaw na ang aking interes ng muli kong marinig ang apelyidong kanina lamang ay pinag-uusapan ng aking mga magulang.
"Oo sige, basta sasamahan niyo akong magpaalam kina nanay at tatay..." Sabi ko sa kanila.
Agad naman silang tumango ng sabay sa akin senyalis ng kanilang pagpayag. Akmang aalis na muna sana ako para pumasok sa loob at ikuha sila ng tubig na maiinom ng biglang mag-salitang muli si Jones.
"Rie..."
Tumigil muna ako at tinitigan siya para hintayin kung ano man ang sasabihin niya.
"Grabe, ang ganda mo talaga. Paligaw ka na sa 'kin, oh!" Walang hiya-hiyang sabi niya sa akin.
Pinagtaasan ko lamang siya ng kilay bago ako ngumiwi habang si Belinda naman ay bumunghalit ng tawa sa kanyang narinig. Hindi ko na pinatulan pa ang sinabi niyang iyon dahil kahit naman ano ang mangyari ay hindi kami aabot sa kung saan niya gusto.
Pumasok na lamang ako ng bahay at dumiretso sa kusina bago kumuha ng tubig na pwede nilang mainom at isang baso tutal naman ay magkapatid sila. Lumabas din ako agad ng makuha ko na ang pakay ko sa loob at bumalik din kung nasaan sila Belinda.
"Ito tubig..." Inabot ko sa kanila ang tubig na dala ko at kinuha naman iyon ni Jones sa akin.
"Hay nako, kapatid... wala ka talagang pag-asa kahit katiting sa bruhang 'yan!" Ani Belinda.
Inirapan ko na lamang ang aking kaibigan na nginisihan lang naman ako. Sa inis ko sa kanya ay hinampas ko ang balikat niya na mas lalong nag palaki ng kanyang ngising nakakapikon. Natigil lamang kami ng batukan siya ng kanyang kapatid na siya namang nagpatawa sa akin.
"Kuya, naman!" Reklamo niya kay Jones habang hinihimas ang kanyang ulo. Hindi na rin naman nagtagal ay natapos din ang asarang iyon at pinili na naming pumasok sa bahay para ipagpaalam na nila ako.