MULA sa isang tagong Kapangyarihan, na nabubuksan lamang ng isang mahiwagang Pulseras. Matatagpuan ang Mundo ng mga Kakaibang Nilalang.
Mga Diwata, Duwende, Mga Taong Uwak, Mga Lambana at mga Halimaw.
Sa Mundong iyon, Nakaupo si Haring Escaban sa Kanyang Truno sa Palasyo. Nakangiti habang pinagmamasdan ang anak na Babae na karga ng kanyang asawang si Elana.
"Elana. Kay ganda niyang tunay!"
"Oo, mahal ko. Siya ang pinakamaganda sa Lahat." Anito. Tumayo siya't lumapit sa mag-ina. Pero ilang sandali lang ay lumayo siya dito habang pinapahidan ang mga luhang bigla nalang umagos.
Napansin naman iyon ng Asawa. Tinawag nito ang isang Tagasilbi at ipinakarga rito ang bata.
Lumapit si Elana sa Hari.
"Mahal, ano ang iyong dinaramdam? Bakit tila may lungkot saiyong mukha habang tintingnan ang ating supling."
"Elana. Alam nating dalawa na di para sa atin si Eloisha. Ramdam kong kukuhanin na siya ni Kashmir."
"Hayaan mo sila ni Vladimir, Mahal. Hindi ko kailanman ipagkakaloob ang anak ko sa kanila."
Hinawakan niya ang Kamay ng Asawa. "Tuso ang magkapatid, Elana. Bukas makalawa, magkakaroon ng Digmaan dito. Bampira laban sa mga Diwatang tulad natin."
"Bakit hindi nalang natin sila kausapin, mahal?"
"Kung sina Kashmir lang ay walang problema. Pero nakabase sila kay Welnonna."
Napatango naman ang Asawa. Si Welnonna ay isang Masamang Diwata na may lahing Mangkukulam. Nakapag-asawa ito ng isang Bampira at nagkaroon ng Dalawang anak na Babae, sina Wendy at Wennie.
Sina Kashmir at Vladimir ay mga anak ng dating asawa ng Bampira. Mababait ang mga ito ngunit parehong tuso. Sakim sa Kapangyarihan.
"Magpagawa nalang tayo ng Basbas para maprotektahan ang Palasyo, Mahal."
"Hindi maaari. Nasa isang mahiwagang pagsusulit si Khalifa. Oras na makialam siya'y matatanggal siya't di na magiging isang Punong Diwata."
"Ano ang gagawin natin?"
"Itatakas ko si Eloisha, dadalhin ko siya mundo ng mga Mortal-"
"Ngunit-"
"Doon lang siya mapapabuti. Hindi katulad ni Ephraim ang Kapangyarihang taglay niya. Hindi pa siya kayang protektahan niyon sa masasamang Diwata."
"Natatakot ako-"
Hinawakan niya ang Kamay nito.
"Wala kang dapat ipangamba. Matatapos din ang lahat ng ito."
"Mahal na Hari! Mahal na Hari!" Napalingon silang dalawa kay Jevru.
Lumapit siya sa Punong Kawal. "Bakit, Jevru?"
"Nasa isang matayog na Puno ang Prinsipe Ephraim!"
Napalingon siya sa Asawa.
"Anong ginagawa niya doon?"
"Si Siklab ang may kagagawan. Noong isang araw kasi'y hindi man lang tinulungan ng Prinsipe si Homa ng anurin ito ng Ilog. Buti nalang at nakuha agad iyon ni Siklab. Idagdag pa hong tinukso niya si Hubram. Mabuti nalang at di ito nahulog sa bangin ng nagtatakbo ito."
"Pinarusahan ba siya ni Siklab?"
"Oho. Gumawa si Siklab ng Pakpak na siyang ginamit ng Prinsipe. Iyon nga lang, binawi iyon ni Siklab ng nasa itaas na ng Puno ang Prinsipe. Kaya naiwan si Ephraim roon."
Natawa nalang siya. Noon paman ay dina magkasundo sina Siklab at ang anak niya. Si Siklab ay anak ng namatay na Ministro nila. Ang ina nitong si Hirawi ay Pinsan ni Elana.
"Hayaan mo siya doon, Jevru. Dapat siyang matuto. Teka, si Hubram, okay lang ba siya? Si Homa?"
"Oho, Mahal na Hari. Na kela Amarro si Hubram. Nag-aampon kasi si Amarro ng iba't ibang Uri ng mga Sanggol na may ibayong Kapangyarihan." Napatango siya. Si Amarro ay ang Pinakamalaking lobo. Madami itong alam sa mga Uri ng Gamot, pakikipaglaban at ano-ano pa.
"Si Homa?"
"Pinangangalagaan ho ni Ruzzibel."
Ngumiti nalang siya saka sumilip sa Malaking Batong Bintana. Mula roon ay tanaw niya ang umiiyak na Prinsipe. Natigilan siya ng makita ang isang lubid na itinatali ng isang Batang Lalaki. Si Freddie. Ang anak nina Jevru at Jovely.
"Anong?" Napalingon siya kay Jevru. Nakatingin din ito sa kanya at tila humihingi ng Pasensya. Ibinalik nalang niya ang tingin sa mga Bata.
Initsa ni Freddie ang Lubid paitaas. Sinalo naman iyon ng Anak niya. Mahigpit na itinali sa Malaking sanga ay Lumambitin doon para makababa.
Natawa nalang siya ng makita si Siklab na nakasimangot sa isang tabi. Pinigilan pala nito ang Hangin para di hindi gumalaw ang Puno. Kahit papaano'y may pag-aalala parin ito sa Prinsipe.
Nang makababa na ang Prinsipe'y nakipag-apir pa ito kay Freddie. Lumipad naman na si Siklab.
"Mahal na Hari. Nais raw ho kayong makausap ni Magenta."
Napalingon siya sa Kawal na si Roctun. Si Roctun ay asawa ng Diwatang si Magenta. May Tatlong Supling na ang mga ito na di nalalayo sa edad ng anak nilang si Epharaim. Ang babae at pangatlong anak nama'y sabay lang din kay Eloisha.
"Papasukin mo siya, Roctun."
Tumango ito't umalis na. Ilang sandali pa'y dumating nadin si Magenta. Hawak nito ang anak nitong si Mayenna.
"Magenta. Anong kailangan mo sakin?" Tanong niya. Umalis muna sandali sina Elana.
"Narito ako para sabihin kung ano ang nararamdaman ko."
Nag-aalala naman siyang napalapit dito. "Ano iyon?"
"Nakatadhana akong mamatay bukas, Escaban. Kasama kana doon. Si Jovely at iba pang mga Diwata."
"Anong?"
Napaupo siya sa Truno. May kapangyarihan si Magenta sa ganung bagay.
"Bukas ay babalik si Jovely rito para puntahan si Jevru at sabihin ang tungkol sa isa pang Supling na iniluwal niya sa Mundo ng mga Tao. Pero mapapalaban siya't doon na siya masasawi."
Dahan dahan siyang napatango. Nang ipanganak si Freddie'y umalis si Jovely sa Cipruz para makalayo kay Jevru. Nagkaroon ng di pagkakaunawaan ang Dalawa.
Si Jovely ay nakatagpo ng isang Mortal at nagmahalan sila. Dina nakabalik si Jovely sa Cipruz para alagaan ang Anak na Babae.
Si Jevru naman ay di alam ang bagay na iyon. Nananatili padin itong umaasa na babalik si Jovely rito.
"P-pero bakit ako mamamatay bukas?"
"Iyon ay dahil sa Pagsugod nina Welnonna. Masasawi din si Welnonna pero maraming mamamaalam sa Cipruz."
"Paano ang aking anak, Magenta?"
"Lalaki si Eloisha sa Mundo ng mga Tao. Ganun rin ang aking si Mayenna. Darating ang panahon at mapupunta sila dito sa Cipruz at dito na maninirahan habang buhay."
"Paano ako makakasigurong maliligtas ang aking Anak?"
"May mga Lambana na siyang gagabay sa Paglaki niya. Diko makita ang Mukha ng Lambanang iyon pero may mabuti siyang kalooban.
"Dahil diyan ay napayapa ako. Pero si Welnonna lang ba ang susugod bukas? Si Venus?"
"Nag-aalala siya sa Nawawala niyang anak na si Prinsipe Vilamis. Ganun rin si Yahub na di makakatulong satin, magiging abala siya sa paghahanap kay Yungab."
"Pero di parin nawawala ang agam-agam kung kakampi ni Venus si Welnonna. Siya, siya. Ihahanda kona ang ating mga Kawal."
Tumango lang ito saka naglaho sa Harap niya. Napabuntong hininga naman siya.