Alisis.
Kaming Athena ang magkasama, kinakabahan ako dahil baka mahuli kami ng mga scientist wannabe na mga Enchanters. Kinakabahan ako na baka kami ang isunod, well hindi ako makakapayag dahil lalaban ako. Not in physical way, kapangyarihan sa kapangyarihan dapat.
"Ligtas kaya si Senya sa pinagtaguan natin sa kaniya? She told us kasi na may humahabol sa kaniya kaya do'n natin siya nakita." Turan ko at pansin ko talaga na seryosong-seryoso lang si Athena sa pagbabantay sa kapaligiran. Baka kasi may kakaibang tunog o kaluskos edi nahuli na kami.
We can handle ourselves naman, ang akin lang ay gusto kong walang nasasaktan. Pero alam ko namang imposible ang mga bagay na iniisip ko dahil sa mundo na'to, walang katarungan o karapatan ang bawat isa. Basta gugustuhin nila, gagawin at gagawin nila and I'm looking forward for this Enchanters na pinaglalaruan ang katawan ni Senny.
This girl, she is the Goddess of Spell at nakakagawa siya ng mga portal. Katulad niya si Venedict na ewan kung saan na siya ngayon. Hindi parin siya nagpaparamdam, hindi pa niya naman nakokontrol ng maayos ang kapangyarihan niya kapag hindi siya kumakalma. Sana makita na namin ang nanay niya, we need to find her mother para alamin kung paano namin maililigtas ang mga batong rebulto nila nanay.
"Alam kong ligtas siya do'n Alisis, huwag mo na munang pansinin ang batang 'yon. What we need is to look for Senny, kaibigan siya nina Genesis at Menesis kaya kung nandidito sila ay sigurado akong hindi rin sila magdadalawang-isip na iligtas ang babaeng 'to." Tinignan niya ako sa mga mata habang sinasabi niya ang mga salitang 'yon. Parang nag-uudyok ang mga mata niyang nakatingin sa akin, para bang may hinuhuli siya sa akin.
I'm smarter than her, oo nai-kuwento niyang marami na siyang napag-aralan sa iba't-ibang mundo ng mga nilalang. Pero hindi niya maitatagong mahina siya sa pagtatago ng emosyon, hindi niya alam kung paano umakto ng seryosong-seryoso dahil minsan nakikitaan siya ng lungkot sa mga mata.
Siguro masakit parin ang dinanas niya kay Igneous, ginamit pa niya si Enzyme na crush ni nanay no'n. Gano'n na talaga ka-desperada si Athena but I know, gusto niya lang gawin 'yon dahil gusto niyang ipakita na ayos na siya. Pero for me, hindi 'yon sagot para maka-move on sa isang tao o specialist. What you need is to move-forward, hindi mo naman kailangan kalimutan ang mga nakaraan niyo. Just treasure the moment na nalampasan niyo ng sabay, mga alaalang nagpatibay ng kalooban mo at napunta sa kasalukuyan kung ano ka ngayon.
Minsan kasi, kailangan nating masaktan bago natin ma-realize na hindi pala worth it ang isang lalaking ipaglaban ng matagalan. Na hindi pala siya worth it na dalhin sa future mo, hanggang sa past mo lang talaga dapat siya.
"Sana walang mangyaring masama kay Senya, we need to help her sister para hindi na 'yon umiyak." Malungkot na sabi ko kay Athena and she just nodded na para bang naiintindihan niya ang tinutukoy ko.
May naramdaman ako kaagad na malalakas na presensiya na nagpatigil sa amin sa paglalakad. Even Athena stopped na may nanlalaking mga mata. Nanginginig ang mga tuhod niya and this is the first time seeing her like this. Even me, hindi ko alam na may ganito palang klaseng presensiya pang natitira, this is so strong.
"Napakapamilyar ng mga presensiya na'to, d-dalawa silang nandito. As expected, lahat sila nakawala." Utal na turan ni Athena na kahit taka akong nakatingin sa kaniya ay iniisip ko nalang na may panibagong kalaban kaming haharapin and hindi ito magiging madali para sa amin.
Sinundan namin ang presensiya na nararamdaman namin at habang papalapit kami ng papalapit ay mas lalong lumalakas ang presensiya at kahit ako ay kinakabahan—sobrang kinakabahan dahil sa napakalakas ng presensiya nila. This is quite familiar, may katulad silang presensiya, at alam kong tama ako. Hindi ako nagkakamali sa mga kalkulasyon ko, I think this would be a battle between monsters and specialists.
May nakita kaming kakaibang pintuan at sigurado akong nando'n ang mga presensiya, nando'n ang may mga malalakas na presensiya. We need to be careful, hindi sila basta-basta at ang kailangan namin ay timing. Timing is the best key, baka kapag lumusob kami kaagad ay kami ang mapahamak.
"Athena, I don't think so na kakayanin natin ang nasa loob na tayong dalawa lang. Hintayin nalang kaya muna natin ang iba para marami tayo?" Suggest kong sabi sa kaniya at nakita kong nagdadalawang-isip siya pero kaagad naman siyang tumango.
Bigla akong naghagis ng yelo sa itaas para sa isang signal, malalaman nilang akin 'yon dahil ako lang ang may gano'ng klaseng yelo. Yelo na kulay diyamante kapag nanigas at kapag natunaw ay parang isang crystal.
Tumingin ako kay Athena na may kaba paring nararamdaman dahil pati heartbeat ng puso niya ay naririnig ko. Hindi ko alam pero ayoko sa inaakto ngayon ni Athena na para bang wala kaming pag-asang manalo sa mga nilalang na makakalaban namin ngayon.
"Kailangan nating magmadali, baka nakuha na nila ang kapangyarihan ni Senny." Bulong ko at tumango lang siya na para bang natataranta. Ngayon ko lang talaga siya nakitang ganito ka-tense, siguro gano'n na nga talaga kalakas ang kakaharapin namin. At kilala niya ang mga 'yon.
Nakarinig na ako ng mga yapak ng mga sapatos kaya agad kaming napalingon sa likuran namin. Bumungad sa amin ang magkasintahan at sina Chester at Sera na may kasamang hindi pamilyar na lalaki. Pagkatingin ko kay Athena ay napansin ko ang gulat sa mga mata niya pero agad 'yong napalitan ng seryosong ekspresiyon. Bigla tuloy naglaho ang kaninang tense na Athena at ngayo'y nakikita ko na ang palaban at malditang Athena pero may lungkot sa mga mata.
Sino kaya ang lalaking 'to? Bakit kasama niya sina Chester at Sera?
"Ano na? Nakapasok na kay—What the hell?! Anong klaseng presensiya 'to? Ang lalakas!" Sigaw ni Chester na ikinalaki ng mga mata namin kaya agad siya naming hinila at tinakpan ang bibig.
Sumenyas ako sa kanila na nasa pintuan na nasa harapan namin ang tinutukoy ni Senya. Agad silang tumango at nakita ko ang pagtataka ni Enexx na nakatingin sa akin at bahagya din siyang nagulat nang makita niya si Athena pero agad itong napalitan ng lungkot.
"Ang ingay-ingay mo talaga, Chester. Dapat sa'yo hindi pinapasalita, 'yong kunin dapat 'yong boses mo para hindi kami mapahamak!" Diing bulong ni Sera at sinamaan pa nito ng tingin si Chester even the couple looking at him angrily. Eh kasi naman! Para kasi siyang babae kung makasigaw!
"S-Sorry naman."
Agad kaming napalingon sa pintuan dahil may parang lalabas do'n. Mukhang narinig na ata kami sa loob, magsasalita na sana ako nang mapasinghap dahil agad sumugod si Athena. Pagkabukas ng pinto ay agad hinila ni Athena ang lalaking naka-lab gown na kulay itim. Oh? Karamihan na gumagawa ng kakaibang eksperimento ay puting kulay na gown ang ginagamit. They are really villains, nakakatakot silang manamit. Obvious na obvious talaga na masasama silang klaseng nilalang.
Tinakpan ni Athena ang bibig ng lalaki at walang pagdadalawang-isip na sinuntok sa mukha na siyang ikinahimatay ng lalaki dahil ata sa lakas. Remember, Athena has the power of strength and she can transform into a devil form like she is a living human-dragon.
Hindi talaga uso sa kaniya ang word na 'timing'.
"Napaka-brutal niya grabe." Dinig kong bulong ni Cylechter kahit si Wenessa ay sang-ayon din. Sino ba kasing hindi sasang-ayon sa sinabi ni Cylechter kung ikaw mismo ay nakita ang ginawa ni Athena sa kawawang lalaki?
"Pansin ko ang pagtitig mo kay Athena ah? Kilala mo siya? Ganiyan din ang ekspresiyon mo kanina nang mabanggit ko pangalan niya." Dinig kong tanong ni Sera sa lalaking kasama nila kaya napalingon ako sa puwesto nila. Unang bumungad sa akin ang masamang tingin ni Chester kay Sera na hindi ko maintindihan kung ano ang rason. At ito namang lalaki na may kakaiba sa mga mata na para bang he misses someone na matagal niya ng hindi makita.
Bakit gano'n? Matalino ba talaga ako at ang dali-dali kong maramdaman o malaman ang kinikilos ng isang nilalang? Is it a good thing?
"Yeah, she is my sister. Ex-sister." Turan ng lalaki na hindi ko naman maintindihan. Sister tapos ex? Ano 'yon? Minsan talaga mga lalaki magulo ang utak, isang living example do'n ay si Chester.
"Anong ibig mong sabihin? Ex-sister? Hindi ko maintindihan." Agad namang sabi ni Sera sa kaniya.
"Inampon siya ng pamilya ko at hindi niya alam 'yon at dumating ang panahon na nag-iba ang ugali niya dahil sa isang lalaki. Hindi na nagustuhan ng ina ko ang pag-uugali niya kaya sinabi sa kaniya ang lahat-lahat kaya ayon, lumayas siya sa amin and trying to look for her real family. Palagi niyang mini-mention ang pangalan ni Levinas dahil sinabihan daw siya na hanapin ang isang nilalang na hindi ko naman alam kung ano." Mataas na paliwanag ng lalaki and that man probably is Igneous. Mas matanda sa kaniya si Athena tignan at kung hindi ko pa alam na adopted si Athena, sasabihin kong namana ng lalaking 'to ang seryosong ekspresiyon ni Athena. At ang ugali ni Athena na hindi marunong magtago ng emosyon.
Nagulat ako dahil sa malakas na kalabog at halos mapanganga ako dahil sa pagsira ni Athena sa pintuan. Agad kaming sumunod sa kaniyang pumasok at sa pagpasok ko ay halos mamangha pero may side din na natakot.
Ang kwartong 'to ay pinalilibutan ng mga kung anu-anong mga kagamitan para sa isang experiment. Nakita ko na ito sa isang science lab sa school namin no'n pero ang kakaiba lang dito, may malalaki silang sisidlan.
At napagtanto ko na isa palang capsule ang karamihan na nandidito, nakita ko na'to sa mga movies eh. Do'n pinapasok ang mga tao para pag-eksperimentuhan.
"At sa inaasahan, may mga panauhin tayong darating sa ating pagtitipon."
Napalingon kami sa lalaking nagsalita at halos mapaatras ako dahil isa siya sa may nagmamay-ari ng malakas na presensiya.
"Mammon, paano ka nakalabas?" Tanong sa kaniya ni Athena kaya napalingon sa kaniya ang tinawag niyang Mammon. Napangisi pa ang lalaki dahil parang na-amuse siya sa nakikita niya.
"Oh, ikaw ang babaeng dinala ng Diyos sa aming lugar! At hindi ako nagkakamali, ikaw si Athena. Kalat na kalat ang iyong pangalan sa mundo namin babae. Nagagalak akong makita kang muli." Sabi ng lalaki, he is wearing the black lab gown at nakasuot pa siya ng isang eyeglass. He is deadly gorgeous men at ngayon lang talaga ako naka-appreciate ng kaguwapuhan ng isang lalaki. Very built-in ang katawan ng lalaki, may malalaking muscle na halos pumutok na ata dahil sa suot niyang fitted na gown.
Pero hindi niya sinagot ang tanong ni Athena. Galing ba sa kulungan ang lalaking 'yan at ngayon nalang nakalabas? Nakakalito!
"Nakalimutan mo na ba ako babae? Ako ang nag-welcome sa'yo sa impyerno." Napalingon naman kami sa isa pang lalaki at sisiguraduhin mong huwag nalang makita ang ngiti niyang nakakapanindig-balahibo. And the way this two delivered their words? Nakakatakot, parang hinihila ka nila sa isang lugar na hindi ka makakatakas.
Guwapo din ang lalaking sumabat at hindi nalalayo sa itsura ng isa pa. They are really gorgeous, very gorgeous.
"They're creepy, nakakatakot silang ngumiti." Bulong ni Wenessa.
"Belpregur." Bulong ni Athena, kilala ni Athena ang dalawa.
At ano? Nag-welcome sa impyerno? T-That's insane! So this two are—
"Mga Devil Lords." Dagdag pang bulong ni Athena na ikinasinghap ko at dali-daling napalingon sa dalawa. Hindi sila demonyo kung tignan but their smiles are really creepy. Anyong ordinaryo lang sila, hindi katulad ni Asmodeus na may mga sungay at buntot.
"Aaminin ko, they are perfectly handsome men pero ano? Devil Lord? Katulad nila ang Devil Lord na nakalaban natin no'n? Kilala kaya nila ang Devil Lord of Lust na 'yon?"  Bulong ni Sera pero agad naman siyang nilingon ni Belpregur na may nagtatakang tingin.
"Kilala mo si Asmodeus? Ang lalaking 'yon na walang ginawa kundi hanapin ang Sarah na naging dahilan para mapunta siya sa impyerno? Hahaha natatawa nalang talaga ako sa kalokohan ng lalaking iyon, nasaan na kaya iyon nagpunta o naglakbay? May iniwan siya sa amin eh at sabi niya wala daw kuwenta." Turan ni Belpregur na para bang natutuwa siya sa iniisip niya pero hindi niya alam na wala na si Asmodeus.
"Anong klaseng Devil Lord sila Athena?" Tanong ko kay Athena na lumunok pa bago pa ako sinagot.
"Mammon is the Devil Lord of Greed, he is considered Devil Lord Deceiver of old history. Also the Devil Lord of Wealth and symbolizes over-emphasis."
"Eh si Belpregur?" Tanong ko ulit.
"The Devil Lord of Sloth, he helps people to create inventions and learn badness. Mas lalo siyang lalakas kapag sumasapit ang Royal Eclipse."
Athena and her knowledge, I want to praise her dahil sa dami niyang alam pero nasa ganito kaming sitwasiyon kaya hindi ko magawang pumalakpak. Inuunahan ako ng takot at kaba.
"May tinuturo kasi ako sa mga uto-utong mga nilalang dito kung paano ipasa ang kapangyarihan ng isang Diyos na hindi sila namamatay. Ang kailangan nilang gawin ay gumawa ng imbensiyon na bagay, at ito iyon. Ang mga kapsula na makakapaglipat ng kapangyarihan sa ibang nilalang. Pasalamat sila dahil pinapalakas ko ang kanilang lahi, pasalamat sila dahil mabait ako." Ngising sabi sa amin nitong Belpregur.
Mabait? Mabait sa masamang paraan!
"Success na nga ang isa, may kinuha pa kasi silang isang babae na isa din daw na Diyosa. Napakasipag na mga nilalang, mabuti nalang marami akong kayamanang dala galing sa ating mundo Belpregur." Ngiti ding turan nitong si Mammon habang tinitignan kami isa-isa. Ngumiti naman sa kaniya si Belpregur.
"At paano niyo nalaman na dadating kami?" Tanong ni Cylechter, nagngingitngit ang mga ngipin nito habang nakatingin sa dalawa na ngayo'y relax ng nakaupo sa upuang plastic na parang isang trono kung kanilang upuan dahil sa naka-dekwatro pa.
Bago pa sagutin si Cylechter ay napalingon kami sa likuran dahil sa yapak ng mga sapatos at halos kinabahan ako kaagad! Takot ang nakarehistro sa mukha ko ngayon! B-Bakit siya nandito?!
"Ang laruang iyan ang dahilan, laruang pagmamay-ari ko. She deceived all of you hahaha." Tatawa-tawang turan ni Mammon.
Halos manghina ako dahil sa maling akala. Maling akala na isa siyang mabait at nangangailangan ng tulong.
"Senya, magbigay galang ka sa panauhin." Utos sa kaniya ni Mammon na para bang isang boss na dapat agad sundin ang gusto.
Ang malungkot na mukha nito ay agad na napalitan ng kakaibang demonyong ekspresiyon. She is now smiling at us devily na para bang sinasabi niyang madali lang kaming lituhin.
"Ako pala si Senya, salamat sa pagpunta."