Chester.
Nagising ako sa karumal-dumal na krimen, namatay ang mga inakala kong mga magulang sa isang sitwasiyon na kailanman ay hindi ko maintindihan. Akala ko, isa akong ordinaryong lalaking mahilig mam-bully ng mga babae pero no'ng makilala ko ang taong 'to—specialist na'to ay hindi na ako sigurado sa buhay na kinagagalawan ko. Kung saan ba talaga ako nabibilang, kung saan ako nababagay o kung sino ang mga tunay kong mga magulang. Akala ko mamamatay na'ko, but he saved me. Hindi ko man makilala ang pangalan niya, pero alam na alam ko ang hubog ng mukha niya.
At nakikita ko ang mukha niya sa mukha ko, hindi nalalayo ang itsura namin pero alam kong mas matanda pa siya kaysa sa akin ng ilang taon. He saved me from wildfire spreading to nation, parang sa isang iglap ay naglaho ang mga kabahayan at mga puno na naging silbing tambayan ko no'n.
At sa pambu-bully ko kay Alisis, napansin ko na talaga na may kakaiba sa kaniya. Hindi siya ordinaryo, habang nahawakan ko ang kamay niya ay do'n nanlaki ang mga mata ko dahil sa lakas ng palad niya. Akala ko napa-paranoid lang ako pero 'yon na pala ang hudyat na kailangan kong tanggapin na hindi nga talaga ako ordinaryo, na may kakaiba pa sa pagkatao ko and its bullshit dahil bakit nito ko lang agad nalaman.
That man—who saved me has fire on his palm. A kind of fire that you wouldn't expect to see, a violet fire burnin' his whole hands are just great.
"Enexx, hi! Siguro matutuwa si Senny kapag nakita ka niya but first, we need to go there dahil nando'n ang mga kasama namin." Sabi nitong babaeng katabi ko na walang ginawa kundi magpa-cute sa lalaking 'yan. Ewan ko ba kung may sayad lang ba siya o nasobrahan sa pagka-friendly ang babaeng 'to? Nang-iinit ang ulo ko kapag kausap niya 'yong lalaking may wand tapos ito namang isa na nag-aapoy ang buhok. My fire are great than their fires.
"S-Sige, para matulungan natin sila." Utal namang sagot nitong Enexx, ni hindi man guwapo ang lalaking 'to. Mas lamang ako ng marami at ilang tabo ng tubig, mas fresh pa mukha ko kaysa sa kaniya eh.
Naglakad nalang kami ng naglakad, hinahanap namin ang mga posibleng traces kung saan namin sila makikita. Ino-obserbahan din namin ang paligid dahil mahirap na kapag may mga kalaban na namang lumitaw. Minsan kasi kailangan dapat maingat, kagaya ko, maingat ako sa pambu-bully no'n. Kay Alisis lang talaga ako nahinto, babaeng 'yon talaga napaka-inosente. Sinabihan tuloy siyang psychopath ng Yvino na 'yon na ikinainit agad ng mga ulo namin.
"Kilala mo si Alisis, pre?" Tanong ko kay Enexx at taka niya naman akong tinignan.
"Namali lang ba ang rinig ko? I think its Menesis and Genesis, hindi Alisis." Turan naman kaagad nito kaya napatango ako. Kilala niya ang nanay ni Alisis, pati ang kapatid nito ay kilala din. Naku-curious tuloy ako kung ano ba talaga ang mga papel ng mga babaeng mahal ni Alisis sa mundo ng Avalon.
"They are the strongest goddesses, hindi man ipagkaila na maganda sila, may mga katangian pa sila na hindi ko maiintindihan na sila lang magkakapatid ang nakakaintindi. Menesis is the Goddess of Creation and Destruction, while Genesis is the Goddess of Life and Death. Sa pagkakaalala ko, Genesis has daughter na hindi ko alam ang pangalan basta may anak siya. And the rest are history, nawala nalang sila bigla at hindi na nagpakita." Mataas niyang sabi na hindi ko naman tinanong pero hayaan na.
Madami siyang alam, nahihiwagaan ako kung anong klaseng lalaki 'tong kasama namin. Baka hindi namin alam na niloloko na kami ng lalaking 'to, baka isa pala 'tong kalaban kaya dapat mag-ingat kami ni Serafina.
Agad kong hinila si Serafina sa tabi ko at nakipagpalitan ng puwesto para kami ni Enexx ang magtabi. Napansin kong napangiti si Enexx pero kaagad 'yon nawala ng makita niya akong nakatingin sa kaniya.
"Ano na namang problema mo Chester?" Bulong ni Serafina sa akin kaya lumingon ako sa kaniya at binigyan ng matalim na tingin na ikina-pout niya. Nagmumukha tuloy na ilong ng baboy ang nguso niya.
"Huwag ka na magtanong, para sa'yo din naman 'yan." At para sa akin—gusto kong idugtong 'yon para maramdaman niyang ayoko siyang lumapit kay Enexx.
"Seems like your boyfriend is too possessive." Napalingon kaming dalawa ni Serafina kay Enexx dahil sa sinabi niya, nakangiti pa siya sa amin at ngayon ay steady lang siyang nakangiti. Ni hindi niya man lang inilihis ang mukha niya. Sos! Mas maganda pa ngipin ko sa kaniya, mas maputi sa'kin kaya mas malinis ako kumpara sa kaniya.
"H-Hin—"
"Ganiyan talaga ang mga lalaki, kailangan mambakod. Mahirap na baka matuklaw ng iba at malason ang utak at kusa sumama." Turan ko nalang na ikinangisi niya.
"Chester!" Sigaw ni Serafina pero hindi ko na siya pinansin dahil ang ingay-ingay nitong babaeng 'to.
"Tama ka pre, kailangan bakuran dahil baka maagaw ng iba. Nang huli kong ginawa 'yan, hiniwalayan ako." Ngising aso ni Enexx na ikinangisi ko nalang din. Psh, kung iniwan ka, iiwan ka talaga dahil ginusto nila.
"Baka naman pangit ka talaga sa paningin niya pre?" Ngisi kong sabi na ikinawala ng ngisi niya.
"Chester ano ka ba? Para kang timang diyan, hindi naman kita boyfriend. Ahmm—Enexx, magkaibigan lang kami." Ngiti namang turan nitong babaeng 'to na ikinabalik ng ngisi ni Enexx.
"Kaibigan lang pala pre eh." Napahagikhik pa siya sa sinabi niya at halos gusto ko na siyang sugurin pero huwag nalang, nakakawala ng kaguwapuhan kapag ikaw ang mauuna. Babae lang kasi inuuna ko, hahaha.
"Eh ikaw Enexx? Bakit ka hiniwalayan ni Senny?" Tanong bigla ni Serafina na ikinasinghap ni Enexx at ipinagtaka ko? Paano niya naman nalaman? Bago palang silang nagkakilala ng lalaking 'to tapos alam niya agad? Ano 'yon? Stalker noon? Psh!
"P-Paano mo naman nalaman?" Utal nitong sabi ni Enexx na may nanlalaking mga mata na gulat na gulat talaga dahil sa tanong ni Serafina.
"Enexx, hindi ka ba nagtataka na agad-agad ka naming sinama sa amin eh hindi naman tayo close at magkaibigan? Baka nga kinalaban ka narin namin o baka sinabihan ka na naming kalaban." Ngiting panimula ni Serafina na parang natutuwa siyang basahin ang ekspresiyon ni Enexx.
"The way we mentioned Senny's name a while ago ay may kakaibang lungkot sa mga mata mo kanina pa kaya nagduda na ako at nang sinabi mong hiniwalayan ka ng isang babae dahil sa pambabakod mo ay napagtanto kong si Senny nga ang babaeng tinutukoy mo." Ngiti paring turan ni Serafina kaya agad kong pinaliit ang ngiti niya gamit ng dalawa kong hintuturo. Naasiwa ako sa ngiti niya, nakakainis dahil hindi naman ako ang dahilan.
Putik! Nagiging si Venny na ata ako, nababakla na ako sa mga sinasabi ko. Punyeta naman oh!
"Nagdududa na talaga ako sa'yo Chester ah! Huwag mo ngang hawakan labi ko!" Sigaw niya kaya napasimangot tuloy ako.
"Hindi 'yon sinasadya, aksidente lang na lumapat ang hintuturo ko sa labi mo." Simangot ko paring turan na ikinahagikhik naman ni Enexx sa likuran ko.
"Ang galing mong mag-alibi, akala mo naman gusto ko 'yang aksidenteng sinasabi mo." Sabi sa'kin ni Serafina na ikinangisi ko nalang.
"Psh! Hindi ko naman sinasabing gustuhin mo, sabi ko aksidente lang 'yon. Assuming ka talaga, napaghahalataan ka eh." Turan ko na ikinapula ng pisngi niya. Naglakad nalang ako papalayo sa kanila.
Hayst mga babae talaga minsan hindi ko maintindihan, parang may nakabara sa utak nila na imbis gusto nilang sabihin ay ipinaparamdam nalang nila. Pero gano'n talaga eh, pakipot lahat ng babae kaya wala na tayong magagawa.
Narinig ko na ang mga pagtapak ng mga sapatos nila. Nakasunod lang sila sa akin.
Napatingin ako sa suot ko, kapag nakikita ko ang suot kong damit, short at sapatos ay hindi ko maiwasang hindi mapangiwi dahil hindi man lang na ako nakapagpalit. Hindi pa naman ako sanay na hindi nagpapapalit-palit ng damit at ng sapatos.
Napahawak nalang ako sa noo nang mapagtantong nasunog nga pala ang bahay kaya alam kong wala ng matitirang gamit do'n ni damit o sapatos. Hayst, brief nga eh wala akong dala, pa'no 'yan.
"Ano bang kakayahan mo Serafina?" Dinig kong tanong ni Enexx kay Serafina kaya agad aman akong napahinto at lumingon sa kanila na may kunot ang noo. So close na sila gan'on? Hindi puwede! Hayst babaeng 'to talaga, gustong-gusto ko siyang sigawan pero huwag nalang baka mapahiya na naman ako sa lalaking 'yan. Ayokong napapahiya sa harap ng marami, gusto ko ay ako ang magpapahiya.
"Hindi ko alam kung anong dapat itawag sa kapangyarihan ko, ipapakita ko nalang baka sakaling alam mo." Ngiting turan sa kaniya ni Serafina, napapansin ko talaga kanina pa nakangiti ang babaeng 'yan kay Enexx.
Bigla nalang kaming napatingin sa palad ni Serafina na nagliwanag 'yon ng kulay asul. Bigla nalang may lumabas na usok do'n at naramdaman ko kaagad ang lamig mula rito. Bigla nalang may naglabasan na mga yelong palaso galing sa palad niya at lumipad 'yon papunta sa ere at sumabog na parang isang fireworks at naging parang mga maliliit na liwanag.
Ngayon, napalingon kami kay Enexx at sa maraming pagkakataon ay nagtaka na naman ako—kaming dalawa ni Serafina dahil sa inaakto niya ngayon. Nakaawang ng kaunti ang bibig niya at parang gulat sa nakita.
Parang alam ko na ang dahilan kung bakit, ganiyan din ang naging ekspresiyon ni Athena nang una niya kaming makita ni Serafina na gumamit ng kapangyarihan meron kami.
"T-That's—Rising Arrows. It can freeze specialist's internal organs na siyang ikakawalan nila ng hininga. Isang klaseng yelong palaso na kayang tibagin lahat ng matitigas na bagay. Its a legendary power, galing 'yan sa isa sa mga Ancient Knights na unang nagligtas sa lahat ng mundo sa Gampenun!" Namamanghang turan nitong si Enexx kaya halos ako hindi rin makapaniwala. Wala naman akong narinig na mga ganiyan na kaya palang i-freeze ang internal organs ng mga nilalang na matatamaan nito, gano'n na ba talaga kalakas ang kapangyarihan ni Serafina? Eh paano nalang kung asarin ko siya? Mawawala ako ng hininga gano'n? Hayst! Patay tayo diyan! Kasalanan 'to ng lalaking 'yan eh.
"Gano'n? Ancient Knights? Gampenun? Can you explain?" Nagtatakang tanong ni Serafina na kahit ako gusto kong malaman.
"Ang mga Ancient Knights ay sila ang mga naging tagapagligtas ng mga mamamayan sa buong Gampenun na binubuo ng limang mundo. Ang Avalon, Verdugal, Meretia, Sentinyel at ang Dakyunt. May malaking gulo no'n, isang napakalaking gulo. Lima silang bumubo ng Ancient Knights at pinagtulungan ang mga kalabang ginamit ang hiyas sa maling paraan, nang dahil sa malaking batong makapangyarihan ay nagbago ang lahat. Nagkaroon ng mga Diyos at Diyosa na hindi naman dapat magkaroon." Kuwento niya kaya agad akong napaisip, that man. Sino kaya siya? Isa ba siya sa mga Ancient Knights?
Bakit ang daming alam ni Enexx?
"Posible bang may nabubuhay pa sa kanila?" Tanong ko na kaya napalingon sa akin ang dalawa. Tumango si Enexx sa tanong ko kaya agad akong napatango. I need to find him, kailangan ko siyang pasalamatan dahil sa pagligtas niya sa akin. Malaki ang utang na loob ko sa lalaking 'yon.
"Xysoness, siya ang babaeng sumira sa napakalaki at makapangyarihang bato. Pagkatapos niya gibain ang bato, ang mga parte nito ay napunta sa kung saan-saan at mas nadagdagan ang kanilang mga lakas. They called as Titan Goddesses, at dahil sa hiyas sila kumukuha ng lakas ay naipapasa nila ito sa tinakdang pumalit sa puwesto nila kapag sila ay susuko, namatay o handa ng maging normal ulit ang buhay. May isang libro na ginawa si Xysoness bago ito mawala, the Heiress Book. Naglalaman 'yon ng mga imahe ng mga nilalang na nadikitan ng hiyas o mga naging Diyos at Diyosa." Dagdag nitong turan.
"Kasali ba ang mundo ng mga tao sa gulo?" Tanong ko pero umiling lang siya.
"Hindi dapat kasali ang mundo ng mga tao, ang mundong ginagalawan nila ay hindi kabilang sa Gampenun. Nabibilang ang mundo ng mga tao sa Goriath. Tatlong mundo ang nasasakupan ng Goriath at kasama ang mundo ng mga tao, sirena at ng mga mages na katulad lang din ng mga specialist ang kakayahan. Pero dahil sa pagiging makasarili ng mga tao, kinuyog nila ang isa sa mga specialist na akala nila ay isang demonyo. At ayon, naghasik ng lagim ang mga specialist sa mundo nila, kaya do'n na naman pumasok sa sitwasiyon ang Ancient Knights para iligtas ang mga lahi nila." Sagot naman niya sa akin kaya napatango nalang ako.
Ang daming misteryo sa mundo ng mga kinagagalawan namin, hindi pa sigurado kung sino talaga ang mga kalaban. At nasa'n na ang iba pang hiyas? Meron pa kaya sa panahon na'to? Matagal ng panahon ang nangyari na nagkaroon ng matinding kaguluhan na sangkot ako, at sana makita ko pa ang lalaking 'yon na siyang nagligtas sa akin. Napakarami kong sikreto na hindi pa puwedeng malaman ng mga kasamahan ko, mas makakabuti kong sasarilihin ko muna.
"Ang kapangyarihan mo Serafina ay napakalakas, although hindi ko alam kung bakit napasa sa'yo o anong klaseng ritwal kung bakit may ganiyan kang klaseng kapangyarihan. Dalawa lang ang alam ko, anak ka ng isa sa mga Ancient Knights o isang napakalakas na nilalang ang kayang magbigay nito sa'yo."